鋪番好個位先！
先黎枝豆前菜 ﹣無乜特別！
牡丹蝦刺身 ﹣極之美味！新鮮！好似之前在北海道食果Ｄ呀！勁推介！
好懷念北海道呀！
似唔似Ear ring呀！
海蝦天婦羅 ﹣有三隻，唔油，好脆！正！
雪場蟹腳 ﹣500gm，分量好夠，好正！好鮮！可點少少蟹醋食！多肉，好正！
牛油果軟殼蟹卷 ﹣一般好味！唔會失望！無乜期望！
我一向都唔會在香港叫海膽食架！平Ｄ個款係韓國入口既，佢話賣哂！
貴Ｄ呢款佢話日本直接入口，就試下啦！
北海道海膽壽司 ﹣ 唔鯹，唔駛點野都得，雖然入左口就唔知佢去左邊？
但鮮味唔夠！但個紫菜唔得，唔脆！唔得！
上什錦壽司 ﹣可以唔食，無驚喜！唔得！
其實個上什錦壽司可以唔駛叫架！因為我地食哂其他野已經飽了，
之後仲影下合照郁動下，之後先再食得落。
哈哈！今餐真好正好美味架！
期待下餐我同你既預祝生日飯......京笹見！
好謝哂呀！
女朋友！
嘩....隻牡丹蝦大隻到咁, 都睇得出呢間係高檔日本嘢喇...........
回覆刪除[版主回覆07/31/2008 14:21:00]卷物同壽司都有六折！其他有些食品有推介優惠！
睇見隻蝦就口水都流晒喇....
回覆刪除[版主回覆07/31/2008 14:18:00]真係好正架！優惠價$28一隻！
預祝你 H A P P Y B I R T H D A Y 啦!!!
回覆刪除我將會八月頭去日本,
所以而家係香港忍口唔食日本野........免得食膩了.!!
咁去到japan 先盡情狂食.......一定好有滿足感!!!!!
[版主回覆07/31/2008 14:35:00]嘩！都唔知話你好定唔好呀！ 好就多謝你既祝福啦！ 唔好就你仲話我知你去日本 ，仲係度引我 ！激死呀！ 你食多Ｄ食埋我果份喇！或者你打包比我食囉！
小雲 : 牡丹蝦刺身同長腳蟹真係比我唸番起去北海道食果餐呀 ! 實在太懷念呀 !
回覆刪除[版主回覆07/31/2008 14:35:00]敢你有乜想頭呢？
班長:咁都唔算好貴喎,我前年去北海道時食左成4-5隻呢d蝦呀,好好味...好鮮甜呀!!!
回覆刪除[版主回覆07/31/2008 14:38:00]因為特價嘛！其他就貴囉！ 個海膽都要$108呀 ！
唔係化...個少少海膽要百幾蚊,咁樣我個次去仙台食個板海膽就抵食好多喇!!!
回覆刪除[版主回覆07/31/2008 14:57:00]北海道團費都貴過仙台啦！ 但其實係唔抵架！
班長:其實我對比返上年去仙台個價錢都唔係平架,又唔係旺季都差不多成6千蚊仲要只係去5日....我06年10月去北海道+東京7天個團費就差不多9千蚊,咁樣計落其他去仙台都唔係平得好多...最平就係東京同大阪個d團呀,一講起我就好想快d飛返一轉呀
回覆刪除[版主回覆08/01/2008 09:42:00]你快Ｄ入番去訓啦！23:19 咁夜都唔訓！
咁岩既, 今晚我同朋友食呢間, 價錢又貴野食好一般, 黎野食又好耐先到 可能即整比較耐卦!!!如果你下次去食唔好叫海膽抄飯, 唔好味, 仲要$100
回覆刪除[版主回覆08/01/2008 09:45:00]我在尖沙咀果間喎！八點鐘到，出野食又唔慢喎！ 我都影唔切相 ！ 你地食左乜呀？有冇相睇下呢？
班長:依家對我黎講無論係23:19定係03:19都係無分別架啦,總之有倦意既時候我就會訓架啦....同埋尋晚有重要事辨,所以一定要過左12點先可以訓覺呀!!!
回覆刪除甜:咁妳係咪即係同班長係同一間餐廳相遇呀!!!
[版主回覆08/01/2008 10:47:00]會長，多謝你尋晚果短信喎！不過你都係第二個者！ 哈哈！多謝你呀！ 梗係唔係相遇啦！我係星期三，佢係星期四喎！
Arale小雲,生日快樂呀,睇完dada個篇先至已經遲咗.
回覆刪除祝您日日都咁開心,身體健康呀!
呢碟好正呀,我都想食呀
[版主回覆08/01/2008 10:45:00]多謝你呀！ 唔遲唔遲！今日先至係！ 你張相個食相好似我果日食蝦敢！好和味呀！
生日週真係食不停!!!!!!!!!!!!
回覆刪除我幾 like 你黃色條手巾.......so colourful!!!!!!!!!!!!!!
我要食呀
[版主回覆08/01/2008 11:11:00]果條唔係我既手巾黎架！係餐巾！ 呢個真係好好味架！多肉多汁！ 呢餐既蝦同蟹係最好食既！
今日一定又有驚喜呀..............吉吉..........你預備左未呀!!!!!!!!!!!!
回覆刪除[版主回覆08/01/2008 15:51:00]D驚喜比哂你地喇！今日無驚喜喎！
班長:哈哈...第一個定第二個都好啦,總之妳收到咪得囉...
回覆刪除亞da:無錯呀,今日班長一定仲會有驚喜....嘻嘻
[版主回覆08/01/2008 15:52:00]收到乜都好架啦！ NO! NO! NO!
你唔係30號晚食咩? 我噙晚同朋友&老公食, 之前唔係唸住食呢間 我地想食既full左, 朋友話睇雜誌介紹過好似幾好先上去食, 食完大家都認為如果壽司無折 根本就唔駛幫襯, 唔見得特別好食! 又要就住黎叫野食 噙日我部新相機無電無得影, 我另一個fd好似無影食物, 只係影合照 有叫你果個上什錦壽司, 仲有一個$398既唔知咩壽司（個名唔記得左) 再叫左牛油果軟殼蟹卷, 芝士吞拿魚卷, 仲有三文魚, 蟹子鰻魚...壽司 熟食就叫左煎秋刀魚, 海膽抄飯同一個烏冬, 埋單折左一千蚊多d
回覆刪除[版主回覆08/01/2008 23:15:00]係呀! 我係三十號晚食架! 佢恆生同DBS都有八折架喎! 不過我地問左佢, 佢比張單我地睇, 唔用呢d咭仲抵呀! 因為特價左既野無得再有八折架!
姐姐,你d食物睇到我腰媽流晒口水,令佢諗起去北海道無得食牡丹蝦刺身同長腳蟹,因為陀住我唔食得呀
回覆刪除[版主回覆08/02/2008 11:00:00]哈哈! 去到北海道都唔食得, 真係好慘喎! 你睇下, 做人阿媽好辛苦架! 你大個要請阿媽去北海道食餐勁勁勁既!
我地都叫佢地出兩張單比我地睇, 唔用卡係平d 用卡要成千二蚊埋單
回覆刪除[版主回覆08/04/2008 11:15:00]價錢係幾貴，而又唔係每樣都咁好食囉！