整野食賀媽咪同家姐

前個星期日, 我就煮左呢個燒汁肥牛豆腐卷, 咖哩薯仔雞, 楊枝甘露比我媽媽食. 好開心呀! 因為佢成日都話我未煮過餐飯比佢食, 今次唔駛整有得食, 但我開心係佢居然讚我煮得好味, 真係未聽過! 哈哈!

未食飯前先黎個咖哩薯仔汁伴法飽, 好正架! 要焗完即食!
食飯時個汁又撈飯, 就連兩個老人家都撈, 真係開心!

間左一陣, 就食埋呢個楊枝甘露, 小吉仲食左兩碗添!

上個星期日, 就到家姐生日, 我就整左呢個越南春卷, 芝士焗青口, 話妹花雕醉雞翼, 仲有佢特別Order既Tiramisu.

個春卷皮係可以即食既, 唔需要再蒸或炸, 伴醬汁就得, 好方便簡單!
青口就整細粒先, 再同洋蔥,煙肉炒, 之後加芝士去焗, 得左!
話妹花雕醉雞翼就之前一晚整定, 都攪左好耐, 好彩都入味!

最後兩隻, 明日做午餐, 伴喬麥冷麵! (要加冷麵豉油同芥末)

是日午餐

今日在家大發現, 估下係d乜?

今日在家大發現, 估下係d乜? 千其唔好驚呀!

答案就......

係呢個BB喇! D頭髮幾高! 好軟架! 輕輕一吹就郁, 好得意架!

仲未識得企架! 佢似唔似好有心事敢望街呢?

你有冇搞錯連呢Ｄ野都要抄我！

剛剛收到呢個人既留言，之後就去左佢度睇，點知有一大發現！
令我非常嬲怒！
你有冇搞錯連呢Ｄ野都要抄我！
呢個人真係好過份！
佢個Blog度仲要人不得抄襲，自己就係度抄我野。
自打嘴巴！

高級幹部╭☆/許願池的希臘少女

睇睇
http://hk.myblog.yahoo.com/cheung-2007/article?mid=2086

Blog友一周年聚會 - 討論區

Blog友一周年聚會終於有左結果了！

卡通公仔同你放風箏野餐大派對
地點：清水灣的大坳門(即係大坑墩公園)
時間：待定

記得自備風箏呀！
十幾蚊架咋！不過你都可以係果度買既，但貴Ｄ囉！

請參考以下小吉既網址：
放風箏行山野餐一日遊

大家諗下今次整乜野食帶去做野餐喇！
到時放完風箏就開野餐大食會！
慶祝一下我小雲同你Blog友既一周年聚會啦！
時間好快到！你唔好唔到！

食物方面：唔駛咁貴架！簡簡單單就得喇！
暫時有：
小雲：越式凍春卷，未諗到既甜品
小吉：三色涼伴
灰姑娘：滷水拼盤
babyfai：蛋糕，花雕話梅雞翼
dada：日式冷麵
悶蛋：蛋碎及吞拿魚三文治或法式長飽
超人：唔記得叫乜野豬仔脾喎！

28-5-2008  23:35
天氣先生話：
多雲，有幾陣驟雨。

改地方好？定改日期好？
點解出去玩先黎落雨？希望在明天！

改地方好？
香港 Top 10 燒烤場

Blog友一周年聚會 - 投票區

經過一輪提議後, 總括各位意見如下:
想出現既你請開始投票, 投出你想聚會既日期同活動
唔該請先用私人回應, 免得影響他人既選擇.
我會稍後公布大家既結果.



日期:

1) 六月一日

2) 六月廿二日

3) 六月廿九日



活動: 每人最少投兩票！

1) 放風箏
2) 踩單車

3) 野餐

4)大食會

5) BBQ

6) 游水

7) 市政局戶外康樂營

(日營, 黃昏營, 宿營)

最後得票最多的為大家既選擇！

Blog友一周年聚會 - 召集區

時間真係過得好快，仲有一個月就一年了，乜野一年？就係開左Blog一年了！
在呢一年內出左好多網誌，每個網誌都記載左我呢一年生活既點滴，好彩開心既網誌係多過唔開心的。我都好開心係呢度認識左好多Blog友，有些大家仲有相同既嗜好添！雖然唔算得上什麼深交既好友，但我相信認識到你地都係我地既一種緣份，如果唔係又點會在空氣中找到你地呢？

最近我同小吉和一些Blog友都想來一次聚會，首先就諗下有乜活動可以大家出來玩下呢？其次就諗下地方和時間？大家唔去都比下意見啦！

有興趣者就報名先啦！同時提出一些有興趣既活動啦！
暫定六月一日或廿二日或廿九日，星期日。是但一日啦！
大家一齊諗下有乜搞？

一夜賭城戀大咗 (What Happens in Vegas)

一夜賭城戀大咗 (What Happens in Vegas)
導演:    湯域漢
主演:    金馬倫戴雅絲,艾士頓吉查,昆妮拉迪花
片種:    劇情

一個剛剛失業既阿積，一個剛剛失戀既阿歡，簡直係不打不相識敢在拉斯維加斯既酒店遇上，二人在熱鬧既氣氛下發生左一夜情。
在第二朝阿歡發覺自己手上仲帶左隻介子，原來昨晚仲玩埋結婚添！阿歡找阿積講過明白，大家都不想有什麼既束縛，決定大家離婚。後來阿積用了阿歡的錢幣拉老虎機卻拉出個三百萬美金累積彩金，二人又為左呢筆彩金對簿公堂。但結果法官不滿他們輕視婚姻，立令他們共同生活6個月，來證明夫妻生活未如人意，才可申辦離婚及平均分取彩金。
結果二人開始同居既生活，他們每日都諗盡辦法去奪回彩金，搞出不少既趣事。最後究竟邊個可以取回彩金呢？二人又怎樣相處呢？

Cameron Diaz繼上次緣份精華遊後又一愛情喜戲。
呢套係一套既開心搞笑愛情戲，阿積同阿歡為左取回彩金，他們既瘋狂行為非常抵死搞笑！男女主角都做得好放，抵死過癮！
另一方面都帶出婚姻既神聖，不是一件簡單既事，反應現在不少人對婚姻既心態。其實每對夫妻都爭吵鬧交，只是大家要懂得怎樣同對方相處！

呢個game都幾好玩架！
http://www.foxmovies.com.hk/Movie/WhatHappensInVegas/Game/container.swf


緣份精華遊

鐵甲奇俠 (Iron Man)

鐵甲奇俠 (Iron Man)
導演:    莊法來奧
主演:    羅拔唐尼, 桂莉芙柏德露
片種:    特技/動作

又一套勁表揚美國人既英雄主義電影，故事係不合情理的。
不需要問點解，不需要問無可能，因為賣點就係英雄主義。

最好睇都係描述Tony Stark怎樣變身鐵甲奇俠既精細畫面和片段。
而他在研製既過程就笑料百出，純對係不合邏輯，真係打不死的。
純粹睇特技同動作既演繹都值得一看，唔會有悶場。

記得最後要坐多數分鐘等字幕出哂後既幾秒鐘片段，為下集作另一個編排。

故事先講Tony Stark繼承父親的天分成為新一代發明及科學家。 一次他遭恐怖份子突襲，身受重傷而且被囚禁。醒後更發覺被人安裝了一個儀器續命，恐怖份子迫他製造最利害既導彈，但他藉此研製出一身精鋼戰甲並由自己穿上來逃出生天。回到美國後，他對軍火的觀點及看法得已改變，不想被恐怖份子利用自己公司既武器來殺普通市民。於是他決心改良新一款戰甲既設計，再回恐怖份子既地方消滅自己公司的武器。最他發現自己被綁架既背後牽涉一個龐大既陰謀，結果更被夥伴利用他研製出來既鐵甲對付他，兩大鐵甲來一次大決戰。