估你唔到生日飯~Carpaccio

20100731
生日前一天約左女朋友食飯, 好開心收到呢張生日咭,

由細玩大我都好似無收過佢自己整既生日咭, 因為佢不善於美勞,
今次佢去佢朋友度DIY左呢張咭!
雖然唔係d公仔唔係自己畫, 但係佢自己上色,和剪貼的
都玩左佢成大半日

真係多謝哂佢既心機喇!

今次我地到左Carpaccio慶祝, 主打意大利菜

食野前影番張靚靚先

送既麵包

可配黑醋 或牛油

當然要試下佢既Beef Carpaccio
生牛肉薄切, 加Mozzarella芝士, 橄欖油, 沙律菜

不過呢隻菜有少少苦, 生牛肉又無乜特別味
(唔明點解網上咁多人推介)

呢個係Special Menu 推介既
Baked Porterbello (我推介)

BBQ果d啡色大隻菇, 上面都係野菌碎, 焗左好香!

好好味! 食多件仲得!

Prosclutto Pizza

個皮都唔算好薄, 又唔算厚

好在個鮮磨菇拉番分! 正!

呢個係Seafood Papperdelle
初時以為係闊麵, 原來係千層麵果種, 不過就無咁闊!
裡面每層麵都有汁, 好野味! 正!

唯一的....我食個隻青口唔得, 有怪味!

食飽左, 又係甜品時間

Chocolate Fun, 即係心太軟
賣相好掂! 一個心太軟, 一個朱古力雪糕, 一個朱古力慕斯

一切開d朱古力漿就爆出黎, 好掂!

真係好朱...!!

食完呢餐就回家執野

生日正日出走澳門呀!

三缺一生日飯~Our WonderLand

20100728
今年因為Bobby轉左番工時間, 所以就唔到一齊食飯, 唯有三缺一啦!
其實都係吹水飯局者!

下午超人同小吉去Shopping, 夜晚我地就到樓上Cafe食飯喇!
因為好耐無見超人, 大家傾左成兩個半鐘

Our WonderLand

先黎個小食拼盤 (細)
夠熱又唔油!
炸蝦, 炸魷魚圈, 炸芝士, 炸雞, 再伴兩款醬汁

炸芝士, 好味!

鵝肝薄餅 (細)
一黎到已經聞都好香

鵝肝好香

薄餅? 似烤餅多d喎! 拎開件鵝肝就好似食餅乾!

白酒汁生蠔意大利飯
好勁既生蠔味, 不過就得好少蠔仔!
超人覺得d飯硬左d, 不過我接受到

海鮮龍蝦汁天使麵
天使麵幾彈牙, 個汁都幾好味, 不過都係少海鮮

最後飲番杯咖啡睇下得唔得先

凍士多啤梨咖啡
莫加咖啡, 榛子咖啡,

我既榛子咖啡唔掂

超人既凍士多啤梨咖啡

不防一試, 不過食物選擇不多

即興生日飯~日之食

20100725
相約左唱K, 之後順便扒龍舟, 最後就即興提早食埋生日飯添!
型姐和威少即刻call埋賓妮和亮哥, 一行六人搞掂!

日之食任食放題+火鍋
先來過壽司蛋糕

飲番杯先!

刺身切得太細了

好在算新鮮

好大隻既八爪魚

炸粉不是太厚, ok

賓妮食哂人地d魚頭, 點第三次時話無貨!

手卷, 不食也吧, 唔掂!

唔夠凍既烏冬!

食得七七八八, 點番個火鍋添!

同類型既放題, 青葉和大吉比較好

食飽飽! 又散步回家了!
多謝哂你們既即興生日飯呀!