星期日終於去左行山, 今次係由東涌至大澳, 我地呢d初哥只好預先上網搵下資料, 幸好多謝各位Blog友既建議, 準備好一於出發.
東涌裕東 → 逸東村 → 侯王宮 → "石散"頭 → 鱟殼灣 → 沙螺灣 → 沙螺灣新村 → 三山國王廟 → "石散"石灣 → 深石村 → 深屈 → 茜草灣 → 新洲→ 鐵德樹→寶珠潭 →大澳
一早九點幾在東涌既大家樂食左個早餐, 周圍都有好多行山人士, 好熱鬧!
飽飽後就在富東商場落電梯, 之後向右邊一直行去富東村, 去到尾有段梯級, 上左石級沿左邊行人隧道單車徑行, 一出去後就見到呢個指示牌, 向侯王廟出發. 途經天橋, 但不上橋. 之後行過河後轉入右邊小徑, 見到個公廁但都幾dirty, 嚇怕小吉添!
去完廁所就拜訪下侯王廟同東涌戶外康樂營. 然後就行過呢條侯王橋.
沿途見到有人踩單車而行, 有人落灘捉蟹和蜆等. 路都好易行, 好快見到第一站 '石散' 頭, 之後又有指示大澳至沙螺灣既指示牌,
沿途有好多植物, 荒廢石屋.
仲有望到機場添! 但天氣大霧, 所以唔係咁清, 總算見到飛機起飛. 之後又見到兩架直昇機在飛行, 即刻諗起飛行服務隊.
經過鱟殼灣去沙螺灣, 途經呢度有條落沙灘既路, 但我地無行, 怕誤左時間, 所以行番去大澳既路. 行入了沙螺灣新村, 又見到下站'石散' 石灣指示牌, 之後行到深石村
見到三山國王廟, 好細間唔明顯的, 上去望一望就沿斜路落番黎. 又有一條荒廢左既天德聖橋.
呢度既人種左好多果物.
我地沿途都無坐下休息, 去到呢條斜路, 大家都慢慢行, 見呢間深石學校時, 諗起以前d小朋友每日番學要行咁斜既路, 真的幾慘!
經過深石村後終於到達深屈了(3hrs), 我地落灘影左一陣相.
右下角個張, 小吉話至靚喎! 你估係乜?
急住去食番個丁一丁麵先. 都唔想左諗右諗, 有位就坐了. 一點左右終於可以坐下食番個午餐先. 來一罐可樂一罐雪碧, 再來一個餐腸麵, 一個五香肉丁麵. 因為多人所以都等左半個鐘, 就當休息下. 下次人多就要試下個蠔餅, 好似幾得喎! 有些人仲買左d辣椒醬添! 我地就無試了, 因為個麵已好夠味道!
飽飽後精力充沛後又繼續出發, 過橋後向右邊入往大澳, 呢度有些竹林, 可能休息完開始行番時有些凍, 但好快又無事了.
行到呢條分叉路, 應行左邊往大澳, 但地圖又寫經茜草灣, 於是我地先行左落去茜草灣, 其實係一個灘, 係無平路的, 唔想濕腳於是回頭上番之前段路.
行到呢條分叉路,
應行左邊往大澳. 無端端有庭橋在路邊. 沿住新洲而行, 途經鐵德樹, 最慘都係無太陽同多霧, 否則都幾靚景的.
開始有碎石, 之後仲要行大石, 雖然係上行少, 但落行都好慘呀!
好快過左呢個灘, 過左樹林, 就到架喇!
見到大澳既揚侯古廟同狗伸地, 不經不覺到左寶珠潭到大澳了.
結束呢次行山樂4個半鐘, (留意第二回)
更新左後只可放二十張相, 只好將幾張放在一齊.
但在網誌內既相片高度和寬度被限制, 所以相片放在網誌內會被自動按比例縮小左,
想睇到較大既相片, 只好到相簿內. 真係好麻煩!!
閒行大澳至東涌
