兩口子偷閒兩日營@貝澳

五一既假期係星期二，難得小吉有假放，好野！

我地一於偷閒去露營，玩下！抖下！

星期一晚上我上完跳踏板堂就走人，放棄左之後既瑜珈堂！
即刻回家執野準備出發！

而小吉就要九點半先放工走人，之後仲要在地鐵食都包！

我地係咪有ｄ懶玩呢？

最後我地都趕得到搭十點半班車，向貝澳出發！

第一次夜晚入營，途中好大霧，車都行得好慢，小心為上！

十一點多到了營地，營友們整在燒野食，我地就快快手去起營！

今次第一次夜晚起營，好彩無雨咋！兩個鐘搞掂！

即係搞掂都兩點半了！哈哈哈哈！

今晚無去摸蜆呀！留番聽晚先！都食番個甜品抖抖好！

之後就同MIMI傾下計，太耐無見喇！上次都已經係聖誕了！

最後三點半多，我地都去沖涼訓了！

唔知係咪過左訓覺時間呢？五點半都訓唔到，奇怪既小吉都係！

好彩出去行左轉去廁所，天光前都訓左一陣！

估下我第二朝起身第一樣野做乜呢？

唔係刷牙，係去營探下MIMI和其他營友既大本營！

因為佢地今日走喇！我要在佢地未收營前影下佢地既豪華營先！

營友們既防風防雨牆幾好呀！
個個都係用一房一廳豪華營，勁呀！

之後才去刷牙洗面整早餐！

今次我地一邊望沙灘，一邊食早餐，正！

食飽坐係度吹吹風，發下白日夢都幾爽！

小吉等閒玩下堆沙先！

好落力喎！

搞掂！得左！

呢個哥仔影乜咁落力呢？

天氣炎熱，沙灘都有唔少人下水玩了！

訓係度吹吹風都幾爽！

沙灘都有梳化坐真係掂！

呢個哈哈笑吊床都幾爽喎！

獨立式向海營位！

逛完一個圈見到營友Telly同Mewson，兩個係度整小食！

嘩！有野食喎！炭爐仔燒腸仔，十蚊條！

我地都食番條先，多謝哂！

之後又燒蜆添！雖然爐仔細細但都好好玩喎！

呢個係佢地既豪華營

食完條腸仔就番去整下午茶了！

　　　

是日下午茶推介，五香肉丁燒餅

搞掂！飽哂！

　　　

食完下午茶，我地就去睇下營友燒野食先！

佢地食完就走架喇！好多野食喎！

難得一見燒燒鵝！仲有三文魚扒，蒜茸芝士包等等！

MIMI自制片皮燒鵝包

食飽就走了！下次再見喇！
　

　　　

準備好湯底和食物，七點左右，我地都開餐喇！

我地又一邊睇戲一邊打邊爐！

未打邊爐先飲左兩碗蕃茄粟米冬瓜湯！

唔好客氣喇！

開餐！

小吉切既蒜粒，加埋豉油辣椒，得左！

鮮菇，白魚蛋，冬瓜和豆卜吸引ｄ湯好好味！

肥牛好耐無食都幾正！

點都要比罐可樂小吉既！

Telly送來一包焗咖哩椰菜，咖哩味幾特別！

　　　

飯後娛樂係四條友去摸蜆！目標係大隻既蜆呀！

仲郁幾生猛架！

回程時又影下相玩下先！

　　　

最後回程時發現到佢，於是拾黎玩下先！

睇唔睇到係咩呢？

大蜆內臟左隻八爪魚！

我地放左佢出黎玩，佢仲不時噴水！

又吸住我地既手指，大家又怕又要掂，好搞笑！


最後佢又唔入番個蜆內，小吉只好帶佢出沙灘放佢走啦！

　　　

最後甜品係芒果布丁！好滿足！

　　　

呢晚就訓到喇！

不過十點鐘起身了，因為小吉下午要番工！

所以早餐無開爐了，簡單早餐搞掂！

之後就開始執營，清理番好個營位就走喇！

下次唔知幾時可以再見了！