自家羅勒雞翼

今晚終於用左自己種既香料, 羅勒 細綠 Basil 來整雞翼, 簡簡單單試下得唔得先, 結果都好有呢種香料味.有信心下次試下用黎整燒雞, 水牛芝士同蕃茄, 意粉, 羊架, 越南牛肉粉, 泰國綠curry, 麥片蝦喇!
多謝拿拿, dada, mommy dearest 既意見!
但麥片蝦? 唔識整喎! 都未食過, 又要勞煩mommy dearest指點了喇!
蝦係小吉既至愛

詳情請睇睇
第一次種植成功

第一次種植成功

話說上年八月小吉生日前一個月，我開始放種子種一種香料叫羅勒 細綠 Basil，
諗住一個月後送比佢做生日小禮物。

一個月時

點知當小吉生日前一天，我想幫佢轉個靚盆，而且大d又靚d。
點知盆栽轉移到大盆時搞到一鍋粥，結果失敗左。

變成敢樣

我諗住掉架喇！但小吉話唔好掉住，等佢睇下救唔救得番。
經佢整理後，得番少少，心諗咁少點種得番喎！

小吉執番呢一些

之後放在盆內  小吉一號

自己就種過另外兩盆，今次每盆都放小些種子，
等佢有多些空間，長大了就不需換盆。

小吉二號 (新買個盆)

小吉三號 (前) 小吉二號(後)

小吉一號 (最前), 就係被小吉小吉執番個一些

小吉一號長大了

但生長到一段其間，在新年前可能天氣凍既關係，兩盆都謝了。
出奇地，只有最初個盆小吉一號，在我用心去照顧下安然無恙。
現在六個月了，已生長高過20cm，說明書話高過呢個高
度就可以食用的。

哈哈！好彩無放棄佢者！多謝小吉！


唔係你，我就把它掉左了，多謝哂！

第一次種植成功

今個星期一於食左佢先，點食好呢?

郭富城舞林正傳演唱會2008

尋晚終於睇左郭富城舞林正傳演唱會2008了, 感覺就.....非常之正呀! 之前都擔心場地唔好, 試過買貴飛都睇得唔清楚, 被人頭庶住. 今次一於買平飛在樓上, 睇到了, 就如紅館二佰幾位置. 雖然平飛但睇得好開心呀! 城城跳舞好就當然啦! 連個舞台都落足心機, 上次360度旋轉舞台冇睇到, 今次450度睇番先. 個四方舞台自轉外, 台面都在轉的, 真係全場都High哂呀! 之後四方舞台兩個表面仲打得開添! 睇到每個舞蹈員都表演得好出色呀! 到了尾聲, 城城在台既四邊一路唱歌一路玩水, 全場都企哂身了. 今次就無失望了, 勁開心!超好睇!

情人節

情人節小雲祝大家
甜甜蜜蜜！痴痴實實！
有情人就玩得開心Ｄ！
冇情人就搵到好情人！

功夫灌籃 (Kung Fu Dunk)

功夫灌籃 (Kung Fu Dunk)
導演:    朱延平,程小東
主演:    周杰倫,蔡卓妍,曾志偉,吳孟達,陳柏霖,梁家仁,吳宗憲,南拳媽媽,陳楚河
片種:    喜劇

呢套同少林足球都好相似，係打功夫籃球。有好多功夫場面真係幾好睇呀！不論在打架既場面或是在球場比賽既場面都幾好睇幾緊張，可能因為有程少東做指導啦！但個故仔就無乜特別，講出打籃球唔係個人的，要團體合作的。
而曾志偉同周杰倫既關係好比兩父子，曾生既演出好自如，好似佢自己敢，足夠經驗。除左周杰倫好型仔外，陳柏霖一樣好得架！哈哈！
而阿Sa只係好客串敢可有可冇敢啦！

故事講方世杰(周杰倫)被父母遺棄，之後被人放在功夫學校就讀。有日認識到王立(曾志偉)更被他利用其身手了得去搵錢，結果引來黑幫不滿，要學校校長迫他出校。此後一個用腦一個好身手，一起去搵錢。藉以幫他尋親為理由，特別邀請他到「第一大學」打籃球，利用他來搵錢。初時加入球隊都被人忽略的，後來得知佢身手了得，再加訓練，最後去更爭冠軍添！但佢地面對既不是正常既球隊，係恐怖既球隊成員，係打人唔係打波的，連球証都買通左。而王立就請來世杰既四個師父幫手，贏左上半場，但最後都係輸左。練得一身好功夫既世杰最後想到一個方法去改變結局......


http://kungfudunk.scholarfilms.com.tw/

長江7 號 (CJ7)

長江7 號 (CJ7)
導演:    周星馳
主演:    周星馳,徐嬌,張雨綺
片種:    科幻劇情

小吉一路都係周星星既粉絲，所以呢套又點會走雞呢！
故
事都係圍繞住父子親，貧困既父親每日為著兒子有出頭天，努力搵錢去供自己個仔有書讀，仲要讀國際學校。雖然兒子以父親一句「我們雖然窮，但是我們不去偷也
不去搶，不屬於自己的東西我們不會拿。」為榮，但就常常被同學取笑。有一天父親原本諗住執番對波鞋比兒子去上體育堂，結果遇到怪事，執到一個塑膠球回家當
禮物送比兒子，想不到呢個膠球帶比兒子同父親一段真貴既經歷。

今次周星星就唔係只得搞笑了，佢帶比觀眾一些信息。
我們雖然窮，但是我們不去偷也不去搶，不屬於自己的東西我們不會拿。
不過好似hard sale左Ｄ囉！而兒子小狄就講出要珍惜現在所擁有的人和物，痛失後先來後悔可能會太遲的。唯一最感人既一幕係徐嬌在家中哭著要睡，而叫老師回家先。小孩子都不想接受現實既表現，天真的，以為訓醒後會見番爸爸。
而其他角色，搞笑場面，特技都無乜特別。可能上次既少林足球太深入民心，佢亦唔想再拍番呢Ｄ相似既戲。所以不明日為何呢套戲會搞左三年？莫非個塑膠公仔好難整？若果睇開佢搞笑一面既觀眾，呢次可能會失望了！好彩我無乜期望者！

http://www.sonypictures.net/movies/cj7/

魔街理髮師 (Sweeney Todd)

魔街理髮師 (Sweeney Todd)
導演:    添布頓
主演:    尊尼狄普 (Johnny Depp), 凱倫寶咸卡達 (Helena Bonham Cater), 阿倫力文 (Alan Rickman)
片種:    懸疑劇情

呢套原來係華納影片公司Dream Works出品既電影，之前睇過《朱古力獎門人》都覺得Johnny Depp演得好好，表情特別多。當睇到預告片時已經諗住要睇架喇！結果在年三十晚睇左呢套既午夜場，結果有少少傷感去迎接新一年既年初一，下年要睇Ｄ開心搞笑迎初一先得。

之前都唔知呢套係改編驚慄音樂劇，所以其間有不少唱歌既對白，好似戀愛大爆發敢，Ｄ歌都好好聽，仲要留意歌詞呀！否則你會唔知佢做乜。雖然呢套係三級片但不是色情的，只是有好多殺人片段比較激Ｄ，睇到哂佢殺人噴血既過程，真係有些毛骨悚然，但個故事都幾妻慘的。

故事講Johnny Depp原本有個美好既家，但結果被法官杜平破壞。有一天將Sweeney Todd捉左更收入獄中，令佢同妻子和女兒分離，最後Sweeney Todd既女兒被法官收養。當Sweeney Todd出獄藉著理髮師為名誓要報仇，在報仇既同時他找到自己既妻子和女兒，只可惜.....

在戲內有兩個演員都做得好好架！
一直支持Johnny Depp既女拍擋Helena Bonham Cater，她都做得好好呀！整肉批仲一流添！哈哈！
最憎就係個死肥矮仔，即係做法官既同謀那人Timothy Spall，成日都做壞人。在哈利波特中既壞人。

2008小雲同你拜早年

是日立春呀！即係踏入鼠年了。
咁多位靚哥靚姐，小雲小吉同你拜早年，
祝各位：
身體健康！百毒不侵！（包括電腦病毒）
心想事成！想乜有乜！（包括發夢個Ｄ）
新年快樂！全年開心！（包括比人地鬧個陣）