型姐廚房搞搞震！

尋日去了型家屋企煮飯仔搞搞震！
我地六條友整左好多野食，雖則簡單但最緊要開心！

今次型姐點名要整壽司

有吞拿魚，青瓜，蟹柳和蛋絲。

淨番Ｄ餡唔浪費，用埋黎整沙律喇！

威少就幫型姐手煮蒜茸娃娃菜鮮菇粉絲

賓妮雖然遲哂到，但都買左野黎煮，算佢啦！唔係帶外賣黎！
賓妮整百花釀豆腐，蒸好加個蠔油汁搞掂！

淨番Ｄ豆腐邊和魚肉，我就將佢搞埋一齊，再釀落spoon度再蒸。
蒸好再煎一煎，變成異似瑟琶豆腐，搞掂！

亮哥就做足功夫，跟天書整有誠意！
炒三絲，有蘿蔔絲，肉絲，銀牙

至於小吉原本想整脆肉瓜卷，不過無工具鉋瓜片，所以放棄了！
結果整煲冬瓜粟米鮮菇蛋花湯，消下暑先！

我就想食印度薄餅，所以整咖哩雞。
用左型姐阿媽既咖哩醬黎整，一人一隻雞脾仔。

除左有印度薄餅外，重煲多少少飯黎食咖哩添！

食飽飽我地拍拍patpat走人，有勞煩型姐清理現場喇！

歐陸晚餐(2)@Pizza Hut

上次食過番尋味！又黎安哥呢個扺食二人餐喇！
Pizza Hut歐陸晚餐
記住只係星期一至五先有架！$148好抵食！

餐湯2客(配4片蒜蓉包) + 主食2客 + 特脆批1客 + 雪糕2客 + 餐飲2杯

今次試埋其他選擇先！
都係一個意大利菜湯，一個蘑菇忌廉雞湯

再來吞拿魚煙肉腸長通粉
只見煙肉腸，好似睇唔到Ｄ吞拿魚喎！個汁都OK！

食完個長通粉又來特脆批喇！
意式香辣肉腸特脆批！

有蕃茄仔，粟米粒，青瓜粒和桃粒！

食完兩件特脆批就來個焗飯！
熱騰騰既車打海鮮焗飯！

呢個就差Ｄ！預左唔會好多海鮮的！

又係檸檬茶！

記住！記住！記住！食埋雪糕呀！
朱古力雪糕配朱古力醬汁！

滿足哂！
真係想同佢講：我上次漏左食個雪糕呀！可唔可以送番比我呀？
總括都係上次既選擇好食Ｄ！

歐陸晚餐(1)@Pizza Hut

我不是春卷！

父親節同家人飲茶，食左個叫 "我不是春卷"既東西！
春卷條似唔似西餐廳內面果ｄ餐前麵包條呢？

裡面好少蝦架咋！又細粒！

經我改良後變成這樣！

芝士同蟹柳條VS香蕉加肉桂

結果香蕉全勝！

家姐鍾意點沙律醬！

雖然Ｄ芝士溶哂落蟹柳度都好正！但香蕉更勝一籌！
但忘記影相添！

拎埋之前唯一換既可樂杯出黎試飲下先！

剛剛好一罐可樂架！

歐陸晚餐(1)@Pizza Hut

好想推介Pizza Hut呢個歐陸晚餐

只係星期一至五供應，$148好抵食！
餐湯2客(配4片蒜蓉包) + 主食2客 + 特脆批1客   + 雪糕2客 + 餐飲2杯


餐湯加蒜蓉包

主食六選二
我地叫左卡邦尼雞肉蘑菇寬條麵，好多料架！

香蒜片大蝦炒意粉，少少辣的！

千島海鮮大蝦特脆批，薄既脆批，唔怕過飽，加埋個汁好味！

仲有兩杯飲品！
當我寫呢篇blog時才醒起，我地漏左食個雪糕呀！

可能太飽了，都唔記得左有雪糕添！
下次一定要記得！

歐陸晚餐(2)@Pizza Hut