2009年最後的一天

2009請快些走吧！2010請給我新的開始！
2009對我來說：真是的不好的一年！

我的爸爸
在今年年初七，我爸中風入了醫院。
好記得當時剛從深圳回港，當打開電話留下的短信時，就收到家姐的短信通知這個不好的消息。我爸爸一向都沒有什麼病痛，居然遇到這次的不幸，真係非常之難過！這次只好當考驗他的毅力和我們一家人的團結吧！
快一年了，幸好今天爸爸可以自己行走，生活沒有大問題，只是偶然思想和說話有些不對。希望一天比一天進步啦！

小吉
四月份，小吉轉了行。雖然轉的不是他喜歡的一行，但好多事未必如你所願的。我知道他很不習慣這行工作，要輪班，放平日。所以我都不時為他打打氣，唯一可做的...是做一些包和小食給他。最近大家都見他常常和我周圍去，因為他終於放棄了這份工，希望他可以快些找到一份穩定的工作啦！我都可以安心些！

女朋友
七月份，得知我女朋友要做手術，真的很擔心！點解女人會有咁多病痛？我們由小時已經一起玩，雖然人大了大家都各自有自己的朋友，不是時常見面，但她真的是我難得的知己！幸好她手術順利，現在無事了可以安心些！

Blog友
今年開始我都少了去大家的網址或認識一些新網友，可能我懶了！
又可能因為有些事情令我覺得網友好唔真實！很難了解！
其實你可以話網友都是說說笑笑吧！何需太認真？
日子久了，我都把他們看作朋友，可是...可能...或者因為一些小事而沒有再聯絡，應該說他們選擇地不再聯絡！我沒有問過究竟，這些是他們的選擇，我只感到可惜！費解！但我已不想再了解！

病魔
這一年身邊有很好多朋友和blog友的家人都病到了！
每次聽到這些壞消息真的覺得好唔開心，因為我明白到當家人有事，自己都會好難過，很想知道怎樣去幫到他們。希望你們可以和家人一起對抗病魔，為大家打打氣，可以快些康復！可以看到你們開心的網誌！

好朋友
今晚2009年最後的一天，我會到大酒店送別伯友！
她是我好朋友的媽媽，她在十二月中離去了。
離去時他都在她身邊，見到她安祥地離去，雖然依依不捨，但同時亦覺得是一種解脫。因為他都不想見到她繼續辛苦下去，只好在床邊祈求衪：若她真的要走，請帶她走吧！過了一陣子，他再聽不到她的呼吸聲了！
希望他能快些收拾心情，開開心心繼續生活下去！

2009年....快走吧！
今晚一於趕你走，迎接新的一年！
希望明天2010年大家都身體健康！開開心心！

多謝女朋友既聖誕禮物!

去完綿田鄉村俱樂部之後就約左女朋友去唱K
臨走時梗要幫佢影番張相紀念下先啦!

回家後我地就拆佢比既聖誕禮物!
小雲同小吉一人一份
Leonidas Fresh Belgian Chocolates
新鮮既朱古力

呢盒係我既

呢盒係小吉既

呢個聖誕食肥仔我地喇!
多謝哂!
  

綿田鄉村俱樂部

今日約了舊同事瑪華去摘士多啤梨！
同行仲有佢既老公仔和幾個舊同學！

一行八人到了錦上路西鐵站可以轉搭小巴601，
但我地方便又快梗係搭的士入去啦！廿蚊有找！

到了錦田俱樂部，周圍都好大地方，唔需要比入場費的！

經過呢個釣魚台塘再入就係喇！

BBQ都有兩個位置, 一個在草地, 另一個就再入

一大片草地, 小吉梗係要放下風風箏啦！
不過今次無帶, 呢隻係遙控既！

小朋友仲有呢度玩添呀！不過唔知駛唔駛比錢！

途經兔仔樂園, 好細架咋! 得幾個籠！

佢要鍚鍚我呀！

寂寞的小白兔

見到另一個BBQ位，我諗好似小欖敢啦！

到左有機大王

門口仲有呢隻士多啤梨歡迎你添！

入去摘士多啤梨前見到有蔬菜和瓜等等比大家買回家！

呢個係魚翅瓜

我地就拎住小籃向農地去發

經過蕃茄園

大家分頭去摘士多啤梨啦！

你又摘！我又摘！

摘野之餘不忘影相啦！

不是好多但都夠比你摘既！

第一次摘都幾開心架！收穫唔咪好多，試下甜唔甜先啦！

蕃茄園既蕃茄就未熟，仲係綠色。我地影下相就算了！

比完錢就拎左粒去洗，食落口小吉話佢果粒酸，但我果粒又甜喎！

可能都要識揀先好，我地都係見佢紅和大就摘，唔咪好識咋！

之後又行去菜地，有好多唔同款既菜，
蕃茄就未熟，仲係綠色。我地影下相就算了！
睇下佢地幾努力敢割油麥菜，我地就無喇！

因為我地有下場，唔想拎住去街街！
開開心心又玩左幾個鐘，之後就出番尖東會我既女朋友了！

窩心既聖誕晚餐

平安夜好平安的渡過!
同小吉行下影下燈飾, 差不多兩點先回到家!
呢個景無我最鍾意的, 因為會郁架!

廿五號聖誕日, 起身都好妟了!
於是去了長沙灣, Blog友拿拿介紹過既餐廳食Lunch
其實都兩點半了

可惜伴沙律既只有魚柳, 所以我地無要到
小吉叫左個咖哩牛腩飯, 話試下d咖哩喎!
另外要左呢樣好耐無食既蝦多士

成隻蝦放上去既! 但....見到d腸添!

不過好多油

今年聖誕日無去家姐個仔度開Party, 佢真係25號生日架!

晚上打電話比我媽媽, 叫佢同爸爸出黎食飯, 我話同佢地慶祝聖誕呀!
不過唔想佢地行得遠, 就在屋企附近既Pizza Hut食


四個人叫左一個二人餐, 之後加左d其他野食!
龍蝦大蝦湯

酥皮海鮮湯

我幫爸爸開左個酥皮放落湯一起飲, 佢都話好味呀!

主角帆立貝星芝批 (大批)
佢地見到笑到嘩嘩聲!

四個人都食唔哂! 可分到8件, 每件兩粒!

媽媽話個帆立貝都幾好食喎!

有菠蘿, 桃, 腸, 而且仲兩種芝士添!

龍蝦汁大蝦焗墨汁意大利飯

葡汁雞皇焗意粉

原本仲有一個焗葡汁蔬菜, 點知漏左單,
佢地又話好飽, 所以取消了!

薑蜜熱飲

好大杯既檸茶添!

呢餐聖誕飯同爸媽一齊食, 好開心呀!
我諗我應該係第一次聖誕日陪佢地食飯,
通常我都會出街玩! 整衰女包!
可能最近有些事發生在我朋友身上,
令我覺得有爸媽一起的時候更加要珍惜啦!
所以簡簡單單的一餐飯都可以好窩心的!