奧海城搵食！

最近奧海城又開左兩間日本食店啦！
一間係板長壽司，一間係自家烏冬與獎門人曾志偉crossover新店，
自家烏冬の獎門人烏冬，店前仲可以睇到師父點整烏冬。

可能係新鋪，五點左右外面一早排滿哂人！
我同小吉行過順便拎左張飛，之後就去shopping。
我地行完街街後就去板長睇下叫到幾多號，點知剛剛好到我地，
原本無諗住食的，結果今次試下呢間板長得唔得先？

金三文魚腩壽司, 平貝黑松露壽司, 稻燒海鰻壽司
笊貝壽司, 香葉宮城秋刀魚壽司
柚子油甘魚壽司, 鱆紅魚黑松露壽司
象拔蚌黑松露壽司

金三文魚腩壽司, 平貝黑松露壽司

香葉宮城秋刀魚壽司

笊貝壽司, 柚子油甘魚壽司

帆立貝壽司

三文魚子軍艦壽司

立魚壽司, Encore多次象拔蚌黑松露壽司

因為我地坐bar枱，廚師好有心機敢切魚，
小吉睇到眼都唔合！我就眼都唔望一下！

哈哈哈哈！好彩食完哂野者！

下次試下另一間自家烏冬の獎門人烏冬先！

睇黎另外既元氣和橋麥麵要搞搞新意思搵番Ｄ客了！
食飽飽又散步回家了！

大家姐既生日會

尋日家人預先同大家姐慶祝生日
係屋企整左好多美味既食物
當然唔少得佢既生日蛋糕啦!

黑白朱古力芝士凍餅
加埋雪糕伴食真係Very Good呀!
手快有! 手慢無!

粒粒果肉既椰子雪糕, 正!

加埋一齊仲正!

三文魚沙律
好有心機去捲起d三文魚架!

三文魚伴木瓜
青蛙整得幾求其, 好彩味道搭夠!

果皮蒸鮑魚
鮑魚好正唔UN, 不過佢地話果皮仲貴喎! 可惜我唔食果皮架啦!

茄汁煎大蝦
Keep住水準!

鮮魷炒雜菜
無食, 不過唔會差既!

稻庭滑滑冷烏冬, 伴紫菜
正正! 食過番尋味既稻庭烏冬!

小朋友既外賣壽司
小食, 因為有其他好野食!

野菌乾燒伊麵
又係Keep住水準! 正!

煎薯仔餅
下次我都試下整先, 可以加d芝士, 我諗會更好味!

非常飽滿既一餐!

曬月光@半月灣

因為天雨關係，連續兩次出征不利，今次唔理三七廿一都要去。
天文台都話會酷熱，正正要去下水禮既好時機。

我和小吉約了小雲小吉一於去曬月光(半月灣)喇！

我地相約在西貢碼頭等，點知到了西貢發現太陽伯伯走左去偷懶？
唉！唔理了！我地照入去，橫掂我地都係玩水濕身架啦！
我地去超市買了美味的午餐後出發喇！

先在西貢碼頭搭船去半月灣，有分不同顏色旗既船，
我諗係價錢既分別者！但當然要講下價啦！

佢地開價$40來回，但結果我地$100三人來回。

大約二十分鐘便到達。

沙灘上唔係太多人，搵左個靚位之後，我地就拎住浮床沖出去試水了！
初時有小小涼，不過好快就適應左了。
呢度Ｄ水真係幾清，淺水位都見到自己對腳。
游遠小小就有些礁石，亦係魚仔游來游去既地方。
好搞笑係我和小吉發現有魚仔時叫小雲小吉睇，但佢次次都睇唔到。
可能佢個潛鏡有霞氣卦！我地已經好努力敢指比佢睇，
但都係果句 "我睇唔到呀！"

三點半左右我地上水開餐了！有四色壽司，叉燒，牛展，網皮瓜。
哈哈哈哈！野餐好選擇！

一人一份四色壽司，仲凍凍地架！

叉燒 + 牛展

未食個瓜已經飽了，於是再落多次水消化下先！

晏了才落水所以比之前凍左D，震震下！要不停游先適應倒！

其實個泳灘都唔係好大，不過就真係水清沙幼，有太陽就更清喇！

我地圍左個圈游左轉，仲游埋出去浮台添！
哈哈哈哈！第一次上浮台，不過吹左一陣就跳番落水，費是冷倒啦！
在浮波附近我仲見到一群白色小魚仔，都有三四吋架！
在我面前來回了兩次，急不吸待叫佢地睇啦！
點知佢地游到已走左了，加上救生員叫唔好在浮波度停留，我地又游番回去了。

上水後食埋個網皮瓜先，好香好甜！正！

由於呢度只係得井水沖身，我地出番西貢後再到運動場沖身，
之後就一齊食晚餐喇！


再次到PEPPERONIS食Pizza，可能唔咪太肚餓，
我地只點了招牌pizza和意大利黑菌雲吞。

一邊食一邊講番頭先玩水既趣事，
呢張就係小雲小吉今天見唔到既東西喇！
大家猜下有Ｄ乜？

太陽, 海星, 海馬, 黃色同黑色魚仔, 海參, 靚仔

全部都睇唔到



今次小雲小吉教我地玩一個小遊戲，
呢張係我出題目，小吉晝的，小雲小吉就估呢個係乜人物？(明星名)

鄭欣兒


之後小吉又比心理測驗我地估，又係要晝公仔的，我地晝到成張桌都滿哂！
     
我地係度嘻嘻哈哈就連隔離桌的情侶都比吸引了，佢地又晝埋一份。
開開心心後就回家了，要請埋太陽伯伯一齊去玩過！

後記：
小吉個Snorkel扣在Mark度既扣爛左！
小雲小吉個泳鏡中間既扣又爛左！
Ｄ膠真係容易老化既？真係間中要拎出黎用下睇下！

我送比小吉既防水袋，今次第一次用就...入哂水???
好彩我加多個密封袋咋！否則我既電話和相機就報消了！
但我回到家再測試下個防水袋，結果又無事喎！
點解??? 點解??? 想點呀???

最激氣係小吉借左個氣泵比一班八十後泵浮床，
佢地用完搞入哂沙，真係離哂譜架！點解Ｄ人咁無品架！
小吉一邊等車回家，一邊拍左一半沙出黎，真係激死！
佢話以後都唔借比人喇！