潛水解凍日！

上一次潛水都已經係2008年在布吉既事了！
冬眠左幾年，今日終於解凍喇！
 
我同小吉跟Sam哥 (肥谷)去潛水，順便重溫下潛水既事項。

多謝哂肥谷, Kent哥和才哥既照顧呀！

一行十二人就由西貢碼頭出發，差不多到東霸前風景都好吸引呀！

大家準備潛水裝備。

Kent哥和才哥就幫我同小吉重溫下安裝注意既野，搞掂哂就落水了！

第一站係東霸，泊好船後大家會由右邊向左邊去，靠右邊係大石。
我地無經驗的千奇唔好入石群呀！一不小心唔識路出番黎架！

跨步式落水！

落到水底才哥幫我清理下Ｄ海膽，小心刺倒！
我地下潛後就發現到好多鬼網，不留心就被困住腳架喇！
呢度好多大石，在水入面睇好似好巨型呀！

小吉都下潛到了！

四人來張合照先

周邊好多好大石，同水面果d同一款，但巨大左好多？
細心睇在石面上有好多不同軟珊瑚！
最記得有棵黑白點和鮮艷既橙色花狀的，好靚架！不過我無帶相機啦！

男左女右！哈哈！

點解呢張相見到我對fin，但見唔到我個頭既？
兩個好似圍攻我敢既？

合照中

Good Shot, thank you!

我同事話呢張相似水底結婚相，笑死我！

呢位係才哥！

中間係Kent哥，人肉層層疊！

呢個係攝影師肥谷喇！水底既相都係佢影架！Thank you！

我地幾投入係度做乜呢？

不時都有小魚群架！

上番水就食午餐了，小吉要充電喇！
潛水時我一向都無乜動力去食呢餐的，但今次都食左兩隻雞翼三條腸！

食飽後影下相先！
一直都想去東霸影相，今次可以順便影番幾張了！

走喇！下次再黎影過！

船上欄杆有呢Ｄ裝飾，唔知係咪有意思架呢？

沿途風景都好靚呀！

第二站係火石，水面浪好大！泊好船又落水了！
今次要背向落水既方法！

游到浮泡後開始下潛，望番我地隻船那邊！

小吉件BC唔聽駛，成日自動打漲，搞左一輪先得！


第三站係橋咀，水好清，可惜我地無落去呀！
小吉話咁耐無潛，玩兩次算了，怕之後會好倦！
佢地落哂水了，一路順風喇！

早知橋咀先落去潛啦！因為呢度好似多野睇Ｄ喎！
不過都係果句啦！睇到就睇到啦！

好鍾意呢Ｄ軟珊瑚

仲有呢個大冬瓜！好可愛呀！

蝦都比你發現添！

你睇佢唔到！

呢張好靚呀！在東霸果潛我都見到一棵鮮橙色添！好靚架！

我同小吉無落水就影下相

沖身後成個人都舒服哂！

坐係度吹吹風都幾爽呀！好想訓覺添！

兩個人幾無聊，敢都影一餐！

多謝哂咁多位潛谷人呀！特別係肥谷, Kent哥和才哥啦！
唔知下次幾時可以再玩了！