無覺好訓既第八天

尋晚辛苦哂阿爸阿媽了，佢地清理好個地下，灰泥和紙皮。
師父開始左油牆，仲要油三層喎！敢咪又要等？
希望快Ｄ完工啦！可以比阿媽煮番飯！比阿爸睇番電視！比我沖番個靚涼！
我諗頂多兩晚就搞掂了！大家都好疲倦了！真係想快Ｄ食番餐好既！

朱古力有乜作用？

呢排心情欠佳，無乜心情食野，悶悶不樂敢，不論午餐定晚餐都是旦食左就算了！一向都唔係成日食零食既人，但我就買左Ｄ朱古力在公司食，希望可以令自己開心Ｄ啦！好耐無食了，食完之後又真係好似好Ｄ喎！其實咪係放縱一下自己，所以開心？定係真係朱古力既威力呢？

朱古力既作用

無覺好訓既第七天

尋日整日都在家執野同清潔，阿媽好似唔做野唔得敢，整完呢樣又整另一樣，叫佢唔好彎腰又唔理！真係無氣！小吉就幫我整燈，之後就一齊整窗簾架，又搞番好我房個滲水窗邊，真係忙過不停！雖然係敢，但今日都好開心既！因為食飯後我奬勵左小吉可以在我房睇蔡生美食，佢不知睇到幾開心！仲話幾好啦！個電腦睇得幾清楚！佢回家時都唔駛好似尋日敢黑口黑面走先啦！

辛苦哂！你呢幾日既幫手呀！
你快樂我所以快樂！我不快樂你更加不快樂！

小插曲：
最好笑係我媽聽見我同小吉嘈，佢無端端在房度讀出以下既說話！

莫生氣！
人生就像一場戲，因為有緣才相聚。
相扶到老不容易，是否更該去珍惜。
為了小事發脾氣，回頭想想又何必。
別人生氣我不氣，氣出病來無人替。
我若氣死誰如意，況且傷神又費力。
鄰居親朋不要比，兒孫瑣事由他去。
吃苦享樂在一起，神仙羨慕好伴侶。

(呢張野就係好耐之前超人送比我既！)

阿爸就同阿媽講：你都唔得啦！
大家聽到後都笑左出黎！

無覺好訓既第六天

因為整屋令我心情煩燥！晚上連家姐都唔想煮飯出街食算了。之後在家姐度沖番個熱水涼，然後又食糖水。心情都好番Ｄ，但回家後又因為小小既事都同小吉嘈！唉！我自己為左屋企既事無端端都可以眼濕濕！我都知自己好鬼燥！希望佢睇諒下啦！

無覺好訓既第五天

尋晚番到屋企阿媽話換番油牆果隻色喇！我都無乜大反應，因為我發現又有新鮮既刺激喇！今次係最主要整屋既原因！

一踏入門口，吓！點解個色敢既？原本地下Ｄ磚係白色加少許紅色的，現在佢換左幾塊大淺膚色既磚上去。佢話搵唔到我地原本既磚喎！大佬！我都知搵唔到架啦！你都搵隻白色既磚啦！九唔搭八！仲要在入門口既第一塊磚位係由兩塊併埋既，又話唔夠磚，又話好難搵番一樣。呢Ｄ全部都唔係大問題，最大問題係老豆子。塊磚搞成敢，又話得啦！顔色唔啱！又話是旦啦！我重可以講乜呢？我諗我要做到不聞不問先得喇！

無覺好訓既第四天

原來每日諗食乜晚飯都好煩，尋晚我第二次上大家姐度食飯，其實應該話由第一天我爸媽已經幫襯左大家姐，好彩大家住得近，鬼叫家陣屋企無得煮食無計啦！佢地兩個一定要有米落肚架嘛！我打死都唔比佢地家陣在屋企煮食呀！

尋日放左學十點幾番去又要沖凍水，真係幾金架！快Ｄ搞掂啦！唔知點解尋晚又訓唔到，原來有先兆！今日應該會油油喇！但係今朝睇到個色就真係.....唉！算吧啦！點知阿媽話佢揀既係淺色Ｄ架喎！我就即刻轉軚，有冇搞錯呀！佢地買錯色喎！要佢地換番罐淺色Ｄ既油好喎！但阿媽話佢尋日都同個師父講左，佢話搞左出黎個色改唔到喎！唔係嘛！果隻5 in 1 既油搞左無得換？又未用過，我叫阿媽今日再力爭。點知比老豆子一句：人地都買左了，總之光鮮Ｄ咪得囉！乜野你都唔啱既！我即時無引！無聲出！好無奈！今次整間屋都成日同佢地嘈！都唔知為乜？煩死人喇！

無覺好訓既第三天

尋晚要番學，放左學食埋野番到屋企都九點了。可能夜晚無咁熱，沖涼洗頭既時候真係要快，因為只得凍水無用到煤氣爐，我要變得強壯！

尋晚終於可以鬆一口氣了，沖完涼十點都未夠，但係我爸媽都訓左了，可能佢地清理每日既現場太倦了！我就跳上床搵左隻律政英雄睇下先，睇怕呢個星期都會睇得哂成套戲既！煲左一集就早早地訓番覺好先！嘩！好舒服呀！真係戀上我的床呀！終於一覺訓天光，好似未醒過添！哈哈！

無覺好訓既第二天

尋日天拿水味已經無哂了！但又有新搞作！
以為尋晚可以好訓Ｄ啦！八點幾已經上左床，無乜野做，無電視睇，無得上網，後來諗到可以在電腦睇ＤＶＤ。當準備睇戲時，點解窗廉吹下吹下重濕有Ｄ既？唔係化！窗框有少許位入到風，所以就吹埋Ｄ雨入黎！即係大叫老豆子拿布入黎抺。之後唯有用垃圾袋封住個窗框邊，逼住佢等佢吹唔到入黎。隔左一陣，封好下面窗依然引到Ｄ水入黎，又叫老豆子再整過。如視者整左四次，到左十點幾，終於無滲入水喇！睇戲既心情都無哂了，訓左係床度只係望住個窗，Ｄ雨同風不停敢打落個窗度，真係好驚呀！每隔一陣又去撫下塊布有冇濕，睇住個鐘係敢過，一個鐘兩個鐘，頂到幾耐呢？會唔會三個鐘後定係四個鐘後先滲水呢？心理壓力好大呀！自己又不斷敢祈禱，希望唔好再滲水啦！唔好吹呢邊啦！快Ｄ無雨啦！最後我睇到3:45，應該無事掛，我真的可以訓了！

今朝睇番出面既傢俬，原本小吉幫手整左塊大帆布庶住的，點知都吹掉左一邊，地面好彩都係少許雨水者！放心Ｄ！天呀！幫幫手唔好再難為我啦！風呀！走左就唔好番轉頭喇！雨呀！落夠就停喇！真係拜託哂各位幫幫手喇！

無覺好訓既第一天

經過多次講數唔成，我媽媽都堅持要整屋企，整廚房，廁所和廳既牆同天花，我覺得真係有Ｄ無事搵野黎搞！見人地裝修自己又要裝修！

尋日終於開始動工，屋企已經七國敢亂。之前已經將一些傢俬搬左出走廊，所有要封既傢俬，電器，櫃等都包好哂！連房都用濕布封住個地，千萬唔可以比灰塵吹左入房。睇見老豆子都搬到成身濕哂！阿媽平時好多野講，尋晚都倦到在房休息，真係十萬個為什麼呢？唉！

尋晚因為怕打風Ｄ雨吹到出面既傢俬，尋晚我同小吉找來一些木架，又將所有傢俬離地。小吉都搞到水人一樣，真係十萬個唔該哂！

有部份既牆都撜爛哂了，成屋都係天拿水味，真係好難頂！晚上阿爸同阿媽就在房內開冷氣先可以訓到。我就靠個窗花通Ｄ冷氣入我房，平時都無問題，但今次加左Ｄ天拿水味，我真係與佢同眠！雖然都開左小小窗，由十點幾訓在床上，到一點幾都未訓著，我好怕暈左係房度無人知。最後只好打開哂窗，又開埋風扇先訓到。到左四點幾天拿水味已經吹走好多，可以閉番小小窗再訓過。

唔知今晚又可以點訓呢？訓唔到又唔可以上網，真係唔通望街望到訓著先得？唉！

913露營曬月光@貝澳

幾年前既中秋去過呢度露營，今年再接再勵我同小吉約左靚姑黎玩餐飽！

下午等埋靚姑放工，之後食完麥記就入貝澳營地了。入到去真係好多人呀！我地去到接近最尾先有個靚位，可惜只有地方開個營出黎，燒烤爐就無了。小吉就負責整好個營位，天幕等，我同灰就問下隔離營位既友人，睇下可唔可以同人share個爐。好好彩有一班青少年佢地成十幾人，有多一個小爐比我地。我地就好高興敢有自己既燒烤爐用，唔駛打搞人喇！而另一邊隔離又有一個大家庭話可以同我地share，真係唔該哂各位隔離鄰舍喇！我地最後都係用個小爐自己燒先！

搞掂哂野我地就沖出去玩下水先，一路玩水，一路睇埋日落添呀！

落左一半喇！個咸蛋皇！

呢個就係我地個營呀！

好近好方便！

晚上七點幾我地既亮燈儀式後就開始燒野食喇！

好舒服敢在桌面燒野食都係第一次咋！

桌面放滿哂野食同飲品！

雖然我三個人但都好鬼多野食呀！除左Ｄ丸，牛扒，菇同脆肉瓜外，
又有蝦同帶子。另外我就整左蒜茸沙茶，香草黑椒雞翼外。
灰就整既南乳雞翼，隻南乳雞翼都好好味呀！燒完個皮都脆架！

Ｄ粟米同蕃薯都未食已經好飽了，之後梗係要食番Ｄ甜品啦！
好期待既芝麻湯圓，點知無睇火，所以發大左好多，
有些芝麻漏了出黎好搞笑！變左芝麻湯底添！

好彩有幾粒完整既！

飽飽後我地又食生果賞月喇！我地一人帶一種生果，灰帶左西瓜！

好紅！好薄皮呀！不過就有核仔！

小吉就水晶梨，我就帶提子。
月餅就真係食唔落了，食完生果已經唔想郁了！

清理完燒野食位置後，我地就去沖涼
之後就在營前又影下相，玩下蠟燭，真係唔多覺好夜喎！
灰，好浪漫喎！

玩完，我同灰去完廁所望到門口個鐘先知已經四點半了，
我地仲以為兩點幾添！

哈哈！最後我地吹起埋兩張浮床當床訓！個營可以放到三張浮床添！幾爽！

大約早上五點左右，我地就訓左一陣休息喇！

但訓左一陣，我同灰醒左，在營裡面睇到日出呀！

我地係度嘈嘈閉影相，之後原本諗住去完廁所再訓多陣，點知灰話肚餓。
可能睇到有人開始起身煮野食啦！佢就叫小吉起身，我地又開始煮早餐喇！

今朝我地就用環保炭，煲左熱水沖咖啡，點知灰大頭蝦，之為果Ｄ係三合一，原來要另加糖同奶架！好彩我又有帶三合人，結果兩溝小吉又唔發覺！

之後因為個小爐唔多著火，我地就問隔離個家庭借爐一用，因為佢地有帶氣爐嘛！我就開始煮出前丁丁喇！個大叔仲話我煮完三個麵，佢仲未煲好煲水，梗係啦！佢地十幾個人，一定煲好多水啦！

灰，分得唔平均喎！你食錫紙碗咁大碗既！

之後灰就煎埋淨番既野！

我地就食呢Ｄ好飽既早餐喇！

食飽後，大家又拎埋浮床出去玩，作最後一激了！
好搞笑！我同灰又怕曬，用一張浮床放在頭上，手就攬住另一張浮床。
三個人好似沙魚敢周圍浮游，其他人睇到可能笑死！

想企上浮床，可惜失敗！

咁淺水都驚，比你激死喇！

之後又在玩沖浪，灰被沖到隻腳掂到沙都唔起身！比灰笑死！

訓係度好爽呀！

另一邊退潮時好多人在摸蜆！

玩到倦了沖埋身又肚餓，我地食埋我地既淨餘物。有粟米，蕃薯，月餅和水晶梨。

玩飽食飽，我地帶住好倦既軀殼回家了！

好開心完成左呢次好滿足既一次露營！
一次過睇哂日落，月光，日出！
正呀！爽呀！