會長生日~魚一丁

今日係會長灰姑娘生日，一早就比左一個驚喜佢喇！
就係多謝大家既幫忙，比左大家既留言佢喇！

仲加埋一段錄音點唱既祝福添！唔該哂大家喇！

夜晚就同靚姑，小吉到九龍灣既魚一丁食野。原本諗住去尖沙咀既，
不過果間執左了。我地三人行就叫左魚蝦蟹餐！哈哈！


10點刺身

十款刺身剛好每人一件，雖然幾新鮮，不過細件左Ｄ喇！

小吉，你隻手好大呀！

鱈場蟹腳

你睇！食到個口幾大！

可能我地食完刺身先食，無左個冰凍感，應該放在Ｄ冰度Keep Cool嘛！
魚一丁敗！六本木勝！

小樽海老卷

生蝦加芝士和牛油果！幾好味！


一丁拉面沙律

清新既感覺，似公仔麵既冷麵加埋Ｄ麻醬汁，幾好味！
大顯身手喇！

食完之後，會長話唔好比佢停，食埋個藍莓芝士凍餅先！
怕Ｄ野食落左胃會飽喎！敢都得？

講起個蛋糕真係頭痕，可能呢幾日太多野做，搞到頭到爆！
之前都諗左點整架啦！個餅面又點架啦！萬事俱備，點知......！
整整下果陣才發覺藍莓芝士，點解忘記左買藍莓醬架？
無理由架喎！我有去超市睇過架！
當個餅放入雪櫃後，見到Ｄ藍莓，才醒覺個餅入面又忘記左放藍莓入去！
唉！個腦緊係訓著左喇！

最初個樣係敢既！

原先個餅面上個K字舖左Ｄ糖霜！點知第二朝Ｄ糖霜溶哂！
無理由架！已經係防潮糖霜架喇！

最後叫小吉出發前到我家整多次。
結果當我睇到個餅時，又係無哂Ｄ糖霜！

好彩我在下午時買定Ｄ銀色既糖仔做後備，放埋落去圍番個K字出黎，
最後就係敢喇！

加左銀色既糖仔，但無哂Ｄ糖霜喇！

我真係有Ｄ唔滿意！激死人喇！
好彩會長滿意者！仲Order話下年要食榴槤蛋糕！

唔係化！榴槤？無可能！
我得的話，小吉就開心喇！

影完相唱完生日歌，切蛋糕先！

唔客氣！試味喇！

今次個餡加左奶，雞蛋，好滑！再硬番Ｄ就好喇！

收禮物喇！嘩！好靚呀！

好戲在後頭，就係呢張用番我地既真頭相！
真係型男索女呀！真係笑到會長爆嘴呀！

最後梗係我地爛玩精各位成員既簽名同祝福啦！

是日慶祝飯聚完滿結束！
多謝各位觀看！