o摩o羅街

第三激 o摩o羅街 (都係用菲林相機拍的)
這條街放滿很多古怪又有趣既事和物, 亦有好多懷舊的收藏品.
大家不防去逛逛, 看看有沒有意外的驚喜, 又或者會勾起你一些回憶.

香港夜景

第二激 香港夜景 (梗係用菲林相機拍啦)
每逢在夜晚拍攝都會有一定的難度, 曝光既時間要準,  不足或過多都會影響出來既效果, 亦浪費不少金錢和時間. 對我來講, 菲林相機既吸引在於我既期待, 期待著自己既結晶品既出現, 希望心血沒有浪費.

九龍城既啟德機場

周圍影 一向都好鍾意影相, 由讀書時用手動菲林相機到現在用數碼相機,
因為方便, 現在好多時都會用數碼相機黎影相.
但有時無無聊都會用大機去影下相,
我會不斷放下我既周圍影既相片給大家睇下, 比d意見啦!

首先係九龍城既啟德機場 (用菲林相機拍的)

長隆兩日一夜之長隆大馬戲

剛剛去完長隆大馬戲同水上樂園
結果係。。。哈哈！睇相簿啦!

原本一行五人既青蛙團有青蛙仔，青蛙仔爸爸，青蛙仔媽媽，小吉同我。
但青蛙仔媽媽臨時唔去得，即刻變左甩繩馬騮團。

食完麥記我地搭十點四十分船到蓮花巷，都要成兩個鐘架！

落船後有專車到長隆酒店，取左間連房(兩間可打通個種)，
然後在酒店內麒麟中餐廳食午餐，(注意要15%既服務稅)
結帳176

食左乜睇相簿啦!

食飽飽後一定要玩下酒店個泳池啦！都幾大幾靚呀！


到了五點準備回房沖涼，然後出去附近叫迎賓路既雅景大酒家食飯，
呢度仲可以比你自選海鮮。
叫既同相片有些出入，唔係唔好食，但唔係你想食個樣。
例如相片好似魚頭，但原來係魚件。
例如相片好似豆腐加一些素菜，但原來係南瓜同。
有些菜餚菜譜沒有但又可以叫，總之好奇怪。
結帳167

食左乜睇相簿啦!
由於我地趕住七點四十分睇大馬戲。
快些食完便打的回去。(20蚊)

去到未開始但沒有近既位了，下次早Ｄ，
因為之前會有小丑表演先架！
最精采係四個人分別在四個圈內外表演，勁好睇！
有個人癲癲地架！我替佢驚呀！場內都好熱雖然有風扇，一路睇一路流汗，好有風味！哈哈！

臨走買定支可樂回酒店飲，雪糕就一路行一路食啦！

第二日係點? 下回分解!
早抖!

心經簡林,昂平纜車救援徑

二零零七年五月六日
經過上次行完小長城後，今次去完塘福宿營後，順便遊下大嶼山。
目的地係心經簡林同昂平纜車救援徑。(又有睇相簿喇)
今次同行有常客小吉，另外加菲1話要變身做超人威，加菲2做蒙面型女，仲有新登場Melody
共五人。
由於我地剛剛出Camp每人都背一個袋．
都幾慘呀！佢地都唔係好想行．但中午出營，無理由回家架！
所以我建議行心經簡林同昂平纜車救援徑。
平時行應該盡量輕便。

我地行左心經簡林先，
係大佛附近沿住公廁一路行大約十五分鐘，途經小樹林，小食餐廳。

到達心經簡林時一望，嘩！真係好似武打片，Ｄ人可以在木柱飛來飛去敢，好宏偉好勁呀！

官方資料
「心經簡林」的布局取形於代表「無限」的數學符號橫睇（８），代表生生不息。它是國學家饒宗頤書寫二百六十八字的《般若波羅蜜多心經》墨跡，摹刻在三十七根 8至10米高的花梨木樁上。這些木樁排列成「簡林」；最高的木樁沒有任何雕刻，代表著無限和無量之意。

每根木樁的高度和位置，依照大嶼山天然山勢排列，與自然地貌融為一體；遠遠看去，就像是大佛尊前插上了一炷炷香燭，肅穆莊嚴。

大約下午兩點出發，我地向昂平纜車救援徑出發，由市集昂平纜車處起步。

昂平起步時間：14:38 (佢個錶係快左四分鐘)
跟住纜車下既小路行，其實沿途都會見到有些行山人士由東涌個邊行去昂平的．所以都唔會話唔識路的。

沿途都有好靚既風景，加上不時會同在纜車上既遊人打招呼．都好得意。

行到倦既時在電纜站下抖抖飲下水食下零食，回望番大佛，對沒有行山經驗既我，我覺得自己好勁架喇！
哈哈行到咁遠！都未試過！除左渣打馬拉松。

終於到達拍照既景點了，我都係見到網上人地既相，覺得呢度好得意好靚先諗住黎，都影左好多相。

到達東涌時間：18:42
嚇死左里！鬼叫我地又飲又食又影咩！
哈哈！其實係唔駛四個鐘的。
下次再接再厲！