會長網上既祝福！(精彩錄音播放)

仲有一個星期就係九月二日喇！係乜野日子呢？
就係成日嘈喧巴閉既爛玩精俱樂部，我地既會長生日呀！
梗係要搞下野，高興下啦！

祝會長生日快樂！
以後都唔灰，唔做灰姑娘！做個靚姑娘！
每日都開開心心！健健康康！

最新精彩錄音播放, 咪走雞呀!

FuSo.MP3 - FuSo

香草蕃茄包

今朝起身無無聊之作, 香草蕃茄包!
只係用蕃茄麵包粉整架咋!
自己加高根粉同酵母粉, 之後等佢兩次發酵.
焗時已經聞到好香既蕃茄味, 阿媽仲問邊個煲蕃茄湯添! 好搞笑!
焗完外脆內軟, 真係幾好味, 好香架!
估唔到簡單既麵包粉都整到咁好味! 又方便!

女友生日~盛八日式燒肉

因為打風既關係, 原本星期五既生日飯局改左星期六進行, 亦因為星期六好多店舖都有規限左時間, 原本去伊呂波燒肉的, 平日不限, 現在比得個半鐘, 真係激氣! 有些又要等到八點半先有位, 好彩仲有一間後備盛八日式燒肉店, 但係都只得兩個鐘, 唔理喇! 照去! Go! Go! Go!

今次係幫我女朋友慶祝生日的, 上年佢去左上海工作, 同唔到佢慶祝, 今年補番數! 仲係正日添! 真開心喇! 我地訂左七點, 環境都唔錯!

執好我份餐具先!

Senna ! 祝您生日快樂 ! 飲杯 !

我地開始燒野喇!

呢份係特選厚切牛舌

有鹽燒和燒汁選擇, 我地選左鹽燒!

嘩! d紋好清楚呀! 好有咬口, 好正! 好想添食!

香草法式小羊

件羊好嫩, 香草好正好野味!

日本產信洲和牛

入口好軟熟,  無需加調味! 正正!

海鮮拼盤

上網個拼盤有蜆架! 但今次我地無!
只有蝦, 蟹蚶, 八爪魚, 扇貝.

份量好少, 無乜特別, 隻蟹話已熟, 只需燒一陣就得!
但我覺得上次六本木個雪場蟹好食好多!

食飽飽後就叫個侍應上埋個生日蛋糕, 佢仲幫我拆埋盒, 點埋蠟燭先拎出黎!
最搞笑佢問我個蛋糕係咪自己整架! 梗係啦!
之後個經理同侍應同我地一齊唱生日歌添! 仲話比個音佢黎唱, 真搞笑!

點左蠟燭個蛋糕好靚呀!

許願後切蛋糕喇! 可以試下味喇!

未食就話正! 真係比面喇!

蛋糕既側面, 見到內裡都有荔枝粒架!

最初以為我地只食倒一半個蛋糕,
點知一開始小吉同草姑就食四分一, 我就食八分一先!
之後食完, 佢地又分食左件四分一, 我又食埋個八分一, 整個蛋糕就係敢食哂!
真係好跨張, 大家都係芝士怪! 哈哈!
多謝大家比面食哂呢個玫瑰荔枝芝士凍餅! 最後都講番聲Senna生日快樂!