中秋節快樂食月餅更快樂

今晚趕快敢整左呢張咭比小吉,
祝小吉祝中秋節快樂! 大家都快樂!

今年又同小吉一齊整月餅, 整左四次月餅, 冰皮同焗每樣兩次.

第一輪:
整左冰波月餅六盒,
主要係紅豆同綠豆料, 但中間加左d奇怪野.
好似豆粒, 朱古力爆谷米同提子.
個皮就用左抹茶同玫瑰花茶.

綠豆茸冰波月餅加紅豆粒

綠豆茸冰波月餅加朱古力爆谷米

紅豆茸冰波月餅加提子

綠豆茸冰波月餅加提子

紅豆茸冰波月餅加紅豆粒


第二輪:
第一次整既焗脆皮月餅共八個, 內面係綠豆茸.
個賣相有少少失敗, 個紋唔夠深,
可能係我唔記得在焗個面先, 現在漲左紋就唔起. 下次改善下先.
個皮就幾鬆, 有d似鳳梨穌.

外觀-焗脆皮綠豆月餅

焗完脆皮綠豆月餅

第三輪:
奶黃同芝麻冰波月餅六盒,,(係我既至愛味)
橙色既皮個賣相都幾靚, 好搶手.
中間放左d甜桃, 好搶手.
我就最愛芝麻味.

外觀-奶黃冰波月餅

奶黃冰波月餅,中間放左d甜桃

外觀-芝麻冰波月餅,奶黃冰波月餅

外觀-芝麻冰波月餅

芝麻冰波月餅,中間放左d甜桃

第四輪:
第二次整既焗脆皮月餅共十六個,
賣相好好多, 夠深紋, 內裡係奶皇,
見得下人, 好快食哂!

焗前-脆皮奶皇月餅

焗脆皮奶皇月餅盒裝

焗脆皮奶皇月餅

睇下跟住噏Ｄ乜

哈哈！大家一齊接住上亂敢噏！

大家上黎齊齊噏
睇下留言講緊乜
吃喝玩樂邊個得
小雲小吉最心急

戀愛大爆髮(Hairspray)

戀愛大爆髮(Hairspray)

導演: 亞當尚文(Adam Shankman)
主演: 尊特拉華達(John Travolta), 米雪菲花(Michelle Pfeiffer),
妮琪布蘭斯基(Nikki Blonsky), 基斯化華堅(Christopher Walken)
片種: 喜劇


呢套係歌舞劇, 一邊唱歌一邊跳舞個種, 之前睇到d預告片一大班人一齊跳舞已然好想睇了.
一開場就已經好興奮了, 因為主角Tracy由佢起身到番學, 唱既第一首歌已然好吸引了.
把聲好好聽, 但唔知係咪佢自己唱架呢? 每個演員真係能歌善舞呢? 會唔會配音架呢?
睇到成場都腳郁郁添! 又要搵Soundtrack喇! 其實Tracy個樣都幾可愛幾靚架! 只係肥左d者!

其實我覺得呢套個中文名好差, 英文仲好.
除左搞笑, 講戀愛, 佢重用左輕鬆既手法去帶出左社會上既一些歧視,
包括左種族歧視, 肥人同廋人歧視,
黑人同白人在生活上既不公平, 白人可以在電視上做節目, 黑人唔得, 不能同場表演.
搭的士去黑人住既地方, 連的士佬都不願去.
黑人同白人唔可以談情說愛.

一開始就講Tracy唔係好鍾意讀書個隻, 每日放學都同個好姊妹趕回家睇電視，
跟住人氣節目"大噴髮"既跳舞員一齊跳舞, 好想有日能同佢鍾意既靚仔阿凌一齊跳舞.
終於有次機會節目招聘舞蹈員, Tracy同個同學仔就去見喇! 結果仲被電視台既高層取笑.
佢既無心上堂令佢被罰留堂, 結果認識左一班黑人同學仔, 大家一齊跳舞添!
在一個場合Tracy被睇中了, 加入左大噴髮個節目, 仲同高層個女爭做噴髮小姐添!
一時間被捧紅左, 但因為佢為黑人出頭去遊行, 爭取電視台比番個黑人日個地, 爭取平等.
在遊行中打了一名警察而被追捕.
最後在噴髮小姐選舉中, 點樣出現而且羸盡掌聲呢? 黑人又爭唔爭取到公平呢? 留番自己去睇啦!

小吉生日預告篇

仲有一個星期就係小吉生日了，
上次生日預告篇就同小吉睇左拉闊，雖然有Ｄ失望。
自己就準備左一樣小禮物，但佢未必鐘意。
死喇！好快到喇！
因為唔係星期六日，所以都好難搞。
仲未諗到去邊度食野？仲未諗到買乜野禮物？
有乜好介紹呀？
大家比Ｄ意見啦！唔該！

叮噹豆沙鍋餅變麥記熱香餅?

今日終於整左叮噹鐘意食既豆沙鍋餅,
但我冇用到豆沙既, 因為剛剛用哂黎整紅豆綠豆沙.
所以依家變成熱香餅. 食時配上糖漿.
哈哈! 就係明日既早餐喇!


嘩! 叮噹豆沙鍋餅變麥記熱香餅?

我唔客氣開餐喇! 2他他key媽!

又變左西多??

精心計算出你家電話號碼

精心計算出你家電話號碼

首先~
1. 請將電話號碼【前】4字輸入計算機
(若你家電話號碼不足8碼時 就輸入【前】3碼)

2. 將它 　乘以　80

3. + 1

4.乘以　250

5. + 電話號碼【後】4字

6. + 再加多一次電話號碼【後】4字

7. 將總數 - 250

8. 最後將螢幕上的數字【÷】2

9.看看是不是你的電話~

我試過真係對喎! 你地又知唔知秘密在那裡呢?

你又不防試試啦!

冰皮月餅既技巧

我想問點解Ｄ冰皮雪左幾日個皮會變硬的？
我係用糯米粉,粘米粉,澄麵,做架！
唔係用冰皮粉,冰皮粉係咪無呢個情況架呢？

另外若果個皮做左有色的話, 脫模後糕粉會庶住顔色皮，
又點樣可以減少糕粉在皮面呢？
在街買到既冰皮(有顔色),點解可以無乜粉在面架呢？
自己整就咁多粉架呢？

五星級大鼠(Ratatouille)

五星級大鼠(Ratatouille)
導演: 畢貝特(Brad Bird)
主演: 粵語配音：鄭中基, 梁漢文, 張柏芝
片種: 動畫


今日終於買到飛睇呢套動畫了, 唔駛同學生爭. 哈哈! 之前成日都爆滿.
今次係Disney同Pixar第一次合作既動畫, 其實我覺得d公仔唔係好靚唔得意,
人物既表情唔夠生動, 超人特工個仔d表情仲生鬼. (可能先入為主)
但佢畫動物d毛髲就仍然出色. 睇得最開心係整野食, 好搞笑!
整套戲都無乜冷場, 老鼠仔最搞笑! 但其實都幾有影射呀!
睇個名都知啦！五星級大廚？五星級大鼠先真！

故事一開始就交代出主角老鼠仔天生對食好咀刁, 成日偷入老婆婆家睇電視, (睇廚神,佢係廚神既粉絲)
有次老鼠仔同大佬被個老婆婆發現, 而且成群老鼠同樣被發現而狂奔,
終果老鼠仔同家人失散左, 由水渠流到巴黎.
其後老鼠仔入到廚神既餐廳, 眼見打雜闊條麵學人整湯,
老鼠仔睇唔過眼靜雞雞幫佢一把, 結果大受好評. 果然係味王老鼠仔呀!
但後來被總廚發現廚房有老鼠出現，大家捉左佢, 然後叫闊條麵帶走, 唔好比人知.
結果闊條麵同老鼠仔做左Friend, 仲幫佢扮識煮野添! 亦做出好多笑料!
闊條麵既出名令到食評家梵高森都要黎試食, 佢要闊條麵做一款「驚喜」既食物比佢。
點知闊條同老鼠仔鬧左交, 老鼠仔仲嬲到走人, 之後仲帶成群老鼠去偷食.
結果闊條麵同老鼠仔能唔能夠和好呢?
最後闊條麵做左款乜野既菜色比梵高森呢?

結尾食評家既評語, 影射出了整個劇本既信息
老鼠仔係一個好渺小好低下層既角色, 但佢都能夠做出令人叫好既食物，
諷刺的既係什麼食評都要拍門到訪，指定要試闊條麵既廚藝。
巴黎外表係一個好多姿多彩既大都會，但都慣了對出身低微既人有歧視。
不過所指既巴黎，又點只得巴黎呢？
其實各個階層都有佢自己出色既人才, 只要自己去堅持嘗試。