朱古力曲奇@蛋撻仔

今日一起身連早餐都未食, 就開始整呢個朱古力曲奇和蛋撻.

由於剛剛用哂d雲尼拿油, 所以味道無咁香,
但加左朱古力粒就好味番d.
特登買左個心型模, 試下好唔好用先!

個蛋撻就第一次整, 因為無大些既模, 只好整迷你蛋撻仔,
一啖可以一個, 個蛋就夠哂滑, 同夠味, 唔係太甜.
但個皮就唔夠鬆, 點解呢?
家姐就話要用d硬少少既牛油好d, 我諗可能我見個粉仲濕,
加番d粉落去, 所以個皮唔夠鬆囉!
唔該有冇人解答到我呢?

迷你蛋撻仔

用左批撻模既蛋撻

新變形俠醫 (The Incredible Hulk)

新變形俠醫 (The Incredible Hulk)
導演:    盧域斯羅特希
主演:    愛德華諾頓,威廉赫特,麗芙泰萊,添羅夫,添碧克尼遜,TY布維爾
片種:    科幻

故事係講科學家Bruce Banner不斷地尋找能治癒他自己體內一種細胞，那種細胞一受到刺激就會爆發，變成一個巨人。他隱姓埋名左十幾年，唔想被政府人員知道他在那裡，又唔可以用自己既身份，最後他在一間汽水廠度打工。有日他無意地被官方知道他既存在，立刻派了一隊軍人去捉他，因而發生一連串既追逐情況，更令所有人見到佢人再次出現。行動失敗後，那個將軍不死心決意要再戰呢個巨人，於是那個軍官就幫他一把。經過多番波折，Bruce決意要回去找到他以前既女友，和尋找那個一直幫他治癒體內細胞既科學家。

最後能唔能夠得到治癒回覆本性呢？
究竟邊個令都他變成敢樣架呢？
那個將軍又怎樣對付到那個巨人呢？

我就唔係好記得之前個套既內容，但小吉話兩套無乜關係架喎！
我覺得一開場個幾個畫面好假囉！個隻巨人手真係幾搞笑！
之後就用左一半時間睇佢地點樣追逐Bruce，之後先交代點解男主角會變成巨人。
個巨人既身型好似時大時細敢，在街上打交時又好大，同以前個女友時又好細。
真係費解？
呢個綠醫俠個賣相真係唔係好靚，發惡時只係得一個動作！
最後都係報定會有下集，之不過都係搞搞Ｄ吸引既外型先好！

六個烚下烚下的少年

人物: 小雲, 小吉, 超人, 太子威, 型姐, 幫尼
尋日放工食完下午茶後, 六個烚下烚下的少年去左街市買海鮮, 準備夜晚打邊爐.
回家後, 大家分工清潔好打邊爐既食物, 都搞到五點左右.
大家又有些肚餓, 就食下babyfai個檸檬芝士蛋糕先, 個個都話好味呀!
之後同場加演碗海帶綠豆沙, 個個食到笑哈哈!
一路食一路玩叮噹大富翁, 每人都帶個公仔黎用作自己既棋子.

你睇一個個排隊等候擲骰子, 出發喇!

由上至下, 左至右.
1) 大家站在起點等候!
2) 叮噹大富翁全面睇! 我買左好耐都係第二次玩咋!
3) 太子威話要做銀行同太平紳士, 所以佢企左呢度看守.
4) 一開始個個都入左救援中心, 罰入左$200蚊.
    之後超人仲話唔用個打交人, 改用左呢個中國既彊師.

搞到七點前, 我就入去準備醬汁和開餐前既工作, 由太子威代我繼續,
最後邊個勝利? 我仲以為係型姐添! 點知小吉走入黎廚房話佢贏左喎!

呢餐海鮮粥底邊爐, 真係好豐富呀!
聖子

蜆

生蝦

貴妃蚌

帶子

鮮牛肉

6款丸丸

鮮菇

冬瓜及脆肉瓜

娃娃菜

生根 (無食到, 怕影響個海鮮湯底)

無米粥水做湯底, 大家都在等食!

燒鮮牛肉, 好過食肥牛!

烚完再燒一燒個表面, 香口d!

黎番張大合照先!

最後將開哂花既米粥放入湯底, 再煮一煮就食得, 係海鮮味既粥喇!

十一點左右, 曲終人散了!

簡簡單單既晚餐

尋晚整左餐簡簡單單既晚餐，因為放工後先買野回家，所以無時間整湯。
先來一個周打魚湯，唔好諗住罐頭唔好飲呀！都幾好飲同幾多料架！
有薯仔粒同蜆仔添！唔記得買飽伴湯添！

之後就黎一個香菇煎牛仔骨，個牛仔骨連自己都讚好味，連骨都'損'埋！
Ｄ菇就煎完牛仔骨後煎的，有哂Ｄ牛味！正！

再黎一個黑椒香草羊架，呢個就咸左少少，
但好彩有薄荷啫喱醬，食完有Ｄ唔夠喉，又係連骨都'損'埋！哈哈！

最後梗係有甜品啦！原本諗住整梳乎厘既，
不過現在梗係食babyfai整既檸檬芝士蛋糕啦！

中間有層青檸啫喱架！

之後仲有babyfai送既兩份禮物，多謝哂呀！真係又食又拎添！

呢個係幫babyfai整既書籤, 祝佢開blog一周年架! 恭喜!恭喜!

瘋狂沙灘對對碰 ﹣分配工作

最新點心紙 26/6/08
各位我已經集齊各人既點心紙有以下結果: 今次一行十五人!
各人爛玩精請選擇負責既食物, 以下只是建議:

丸類：        總數   (建議二至三人負責)    小吉 & 超人 

墨丸                14      

黑椒牛根丸    16       

八爪魚丸        15       

包心蟹子丸    10       
包心芝士丸    15       
龍蝦丸            17
--------------------------------------------------------------
炸魚蛋            15     悶蛋  
白魚旦            12     悶蛋
--------------------------------------------------------------            
肉類：        總數       
雞中翼            22    (建議兩種味, 可二人負責)  糖張 & 嚴Ka
雞全翼            14    (建議兩種味, 可二人負責)   dada & 悶蛋
--------------------------------------------------------------   
羊扒或架        10    (建議可二人負責)   babyfai
牛扒                13   亨利大帝  
豬扒                  7    babyfai
金沙骨              7    亨利大帝
--------------------------------------------------------------     
咖喱魷魚          9     =  1-2包   (建議可一人負責)   白兔 ﹠ Tony
雞肉腸            17     =  2包     
芝士腸 *         10     =  1包  
司華力腸 *       4     =  4條           
--------------------------------------------------------------            
海鮮：          總數  (建議二至三人負責)
大蝦                13    =  13隻       型姐
青口                  6    =  1包         型姐
帶子                13    =  13隻       小雲
貴妃蚌            10    =  10隻       小雲
大眼雞魚 *      10    =  1-2條    babyfai
芝士釀墨魚仔   8    =  8隻        小雲
* 代表一齊分享            
--------------------------------------------------------------            
蔬菜菇類： 總數       (建議可一至二人負責)   爛玩精灰姑娘
鮮粟米            12    =  6隻   
茄子                10    =  2-3隻     
蕃茄                11    =  3個     
豆卜                  9    =  1包約9件
青椒                10    =  3個      
翠肉瓜              8   =  2個    
椰菜                10   =  1個   
2-3款菇類       11   =  各1-2包
紫心蕃薯          8   =  8隻細既
--------------------------------------------------------------         
其他：          總數      白兔 ﹠ Tony
長法麵包         12    =  1條   
新鮮菠籮         12    =  1個   
綿花糖             10    =  1包   
以上一齊分享          
-------------------------------------------------------------- 
如有問題請出聲再傾！
記得寫低買左幾多錢！
--------------------------------------------------------------    
用品：           
炭，炭精，燒烤叉， 網，鍚紙，蜜糖，碗或碟
--------------------------------------------------------------    
以下每人帶一些，唔駛特登帶！
報紙 (每人帶兩張)
babyfai - 枱布，廁紙
亨利大帝 - 抹手紙
小吉 - 木筷子
毒氣男 - 廁紙

飲品：自備
--------------------------------------------------------------    

父親節廚房搞搞震

尋日同屋企人去左鴻Ling度食飯, 但真係好差囉比之前,
可能係父親節多人食, 水準差左好多. 成個餐都要三千幾蚊,
但我個兩位老人家都話唔好食.
算把啦! 今日正日, 我同我大家姐又再一次在廚房搞搞震,
整番餐比老豆子食先, (費是上次整左餐比阿媽佢呷醋嘛!)
小吉都有份幫手既, 唔該哂喎!

首先包左雲吞先, 小吉第一次包無穿都幾好架喇!
時間關係, 只用左碎肉同雲耳切碎

呢個就係雲吞雞煲素翅喇!

雖然係冰鮮雞, 但老豆子都食左兩隻雞翼, 仲話好滑添!
之後仲話好食過尋晚個煲翅, 哈哈! 好開心呢!

都好似真翅架!

再黎蒜茸豆豉蒸帶子, 好厚好大隻既帶子!

再黎個瑟琶豆腐, 用左豆腐同魚肉加蛋攪好, 先蒸熟備用.

再上蛋汁煎香表面, 攪掂! 滑滑又香口!

最後家姐整左條青班, 但掛住食唔記得左影, 哈哈! 算啦!

今次好彩老豆子都話好食, 仲話好過尋日添!
佢仲留番隻雞睥聽日食喎!
早知唔好浪費左個三千幾蚊啦!