是日早餐~朱古力海綿蛋糕

是日早餐~朱古力海綿蛋糕

最基本既蛋糕係最難整得好好味!
今次係最好味又軟綿綿既一次!

手多多加左d朱古力粒落去

出爐了!

放涼後等試食

計埋尋晚試食左果部份 + 今朝果部份
我自己食左3/4

一路食一路影

個蛋糕無下陷或爆脹
好平好軟

又切一件黎影

仲邊食邊影, 鬼唔食左3/4咩!

餘下1/4比爸媽食, 好彩佢地都話.....

小小心意@木糠布甸

連續兩個星期六, 三家姐回家食飯後都問我: 今晚有乜甜品?
上星期五, 我就試整左呢個木糠布甸
好彩有小吉幫手者!

真係幾花時間去磨餅碎

今次全部都係我地輪流用手磨架!
比足心機之作, 仲要過濾出大粒的餅碎, 之後再磨!
最後就磨出好幼細既餅 "沙粒" 喇! 真係粒粒皆辛苦架!

原味加左一層綠茶味!

小吉就負責整朱古力味!

我就負責整綠茶味!

一共整左九杯比家人, 最後我同小吉share一杯綠茶味咋!

好在佢地都話幾好味!

到左星期日, 我就encore整左一個比SaSa
雖然佢order左綠茶味, 不過我都加左d朱古力味
分幾層靚d嘛!

星期一, SaSa在我公司接收佢遲來既生日木糠布甸喇!

之後就分金同味! 人人有得食!

總結: 木糠布甸都係用杯盛載比較方便!

元朗小食

周圍影左大半日, 係時候食番d野保充下先

黎到元朗當然要探下B仔啦!

佳記甜品
不過唔係食甜品, 之前都食過一般啦!
次次都聞到人地食鹵水既香味, 今次我地一於試下先

鹵水雞翼, 好勁八角味! 幾入味!

腸粉, 一般啦! 深水埗果間正d !

豬皮蘿蔔, 蘿蔔唔夠冧!

食完轉場到對面既綿綿冰甜品屋

多種選擇既綿綿冰
至愛芝麻味, 就試下芝麻綿綿冰

好吸引呀! 凍冰冰好正呀!
底部就有芒果魔豆, 鳳梨星星Q, 哈密瓜
加埋芒果糖漿

魔豆好得意添!