大家一齊估餐飽

由於“你估邊度影？“反應熱烈，
就比個位置大家都可以出題目，一齊估餐飽！
估乜野題目都得！
規則：
一題接一題！題目一出，有了答案先可再出題。
睇下邊個快而準！
多謝大家一齊估餐飽

你估邊度影?(第二輯)

今次你有估係邊度影？
兩張都係同一個地區, 邊一區呢？

圖一 在舊辨公室窗影的。

圖二 在新辨公室窗影的。

李廣冀

話說近日在Blog友中留意到一個叫李廣糞（你講屎）既人，心諗點解個人咁搞笑叫自己做你講屎（因為太多其人其名在方間），之後入去睇睇，點知原來係一個年輕既作家（我唔知者）。見到Blog友同佢談到佢既第一本作品﹣三成熟（幾得意喎個名），於是在Lunch走左去三記度搵下本書，終於搵到了，但又唔可以話搵到，因為個作者寫住李廣冀。唉！原來人地係叫李廣冀，唔係你講屎呀！真慘！誤會左你講屎咁耐（三日），終於還佢清白了。

現在終於明白點解佢咁受歡迎了（在流行小說搵到佢），因為我企左響度睇佢本書睇到手都痺，差d唔記得番工添！哈哈！


唉！好多時都會靜雞雞在公司上下網睇下人地d Blog, 所以縮細到４吋Ｘ５吋，所以今次搞出個笑話。鎖你！鎖你！

哈利波特─鳳凰會的密令(Harry Potter And The Order Of The Phoenix)

哈利波特─鳳凰會的密令(Harry Potter And The Order Of The Phoenix)
導演: 大衛葉斯(David Yates)
主演: 丹尼爾域基夫(Daniel Radcliffe), 魯拔格連特(Rupert Grint), 愛瑪華生(Emma Watson)
片種: 科幻劇情

一開始就講哈利波特未滿十八歲,同在麻瓜面前用了魔法違了校規，被部長開除，幸好被鄧不利多幫助無事。
之後番到學校又被同學們白眼，令佢好唔開心，無人相信佢。之後有個肥教師黎左做黑魔法防禦術的老師，但她沒有教學生們魔法，又處處針對住哈利。因為哈利預言到佛地魔會再出現，肥教師又唔相信。
結果哈利同妙麗，榮恩組織左學生既軍隊，帶領他們防禦護身法術做好作戰既準備，最後都只得一場打鬥戲。
呢集太多講佢地點樣組織學生軍隊，文戲多過鬥魔法，根本似下集既前傳。
因為預言到佛地魔會再出現，搵左其他人幫手對付 （巨人，半人獸），但又無乜用只係對付左個肥教師。
結尾仲無聊，個班所謂魔法部既人出現，親眼見到佛地魔，才相信之前哈利預言佛地魔會再出現。
以為佛地魔上左哈利身會緊張Ｄ，點知最後佛地魔又師師然走左。以為哈利會死或重傷，但又無事。
其實唔睇個身幾個主角都唔係老好多（當佢地著住校服時），但就無哂Ｄ童真喇！
總結好悶！無驚喜！無緊張！當睇前傳囉！

2007 Langkawi 浮羅交怡,吉隆坡五天周圍遊(五)

20070313    Day 5   (有其他相片, 請睇相簿啦)

呢個酒店既早餐都好正! 各地美食都有, 仲之正!今日既行程先睇吉隆坡塔, 獨立廣場, 參觀朱古力廠, 錫器精品店, 蠟染精品. 最終買左件手繪既Tee做自己既手信.

午餐食左個咖哩麵包雞(有其他食物的)

其後再到清真寺參觀影下相, 敢就完結左呢個旅程喇!






總括黎講頭三日都好好玩，真的無憂無慮！
我覺得自己真正享受左一個開心休閒既假期！
手信？但點解每次都一定要買？所以今次無買比朋友！哈哈！
其實係無乜好買，只有買野食乍！

2007 Langkawi 浮羅交怡,吉隆坡五天周圍遊(四)

20070312    Day 4   (有其他相片, 請睇相簿啦)

食完早餐後就準備離開酒店, 去番d跟團有野比你買既地方（都唔係好想講），之後就搭內陸機去吉隆坡(有番窗口位坐)，一落機就知到我地既旅程接近尾聲了。因為呢度真的好似番到香港一樣，周圍都好熱好焗，我同小吉都話可唔可以番回浮羅交怡呀！無辨法呢一站只係叫我買手信回家者！因為之前在浮羅交怡無買到任何野，只係吃喝玩樂！勁爽！呢站就買左d野食番屋企交差。

先去了雙子塔附近既商場行 (得四十五分鐘) 食完個自選午餐後都無時間shopping啦!
食左一碗喇沙 (唔得), 之後又試左咖哩薄餅 (幾好味), 呢度只係好似food court敢, 但就收0.33tax.

之後帶你買手信, 什麼牛肉乾, 豬肉乾, 魷魚等. 晚上就食左呢個海鮮粥底火鍋, 食物唔係太多,
好在之前約好d團友去食街度食消夜, 所以都唔想食咁飽.

一行八人先收好貴重野, 因為個領隊話小心比人偷野, 他們好快手架喎! 所以都冇拿DV去影(比佢嚇驚左). 我地先食左隻燒雞翼, 炒絲同燒魔鬼魚, 咁多人都無叫野飲. 因為我地再走下場去食榴蓮(我無食, 小吉勁食), 飲椰青. 之後就回酒店了, 我地係住香格里拉.

2007 Langkawi 浮羅交怡,吉隆坡五天周圍遊(五)

2007 Langkawi 浮羅交怡,吉隆坡五天周圍遊(三)

20070311 Day 3 (有其他相片, 請睇相簿啦)

早餐後我地帶住興奮既心情向Garden Corel出發, 乘專車到碼頭, 車上有其他報左去呢度既人, 到左有飛鷹個碼頭後, 導遊在售票處買票後, 將防水手帶貼好在手上, 再通過商場上船, 都要坐一個鐘架! 在船上我地聽到d導遊同領隊玩估IQ題, 聽到都知佢地真係冇乜娛樂, d IQ題都幾out. 小吉又開始發揮佢既小宇宙, 比左條題目比佢地諗, 結果乜泰同乜安既姐姐都估唔到, 敢就羸左個飛機窗口位坐.

船停左浮台邊後, 所有人都落浮台放下左毛巾, 水等物品後, 我地就去搵好equipment, 十二點左右乘快艇去另一邊小島旁下潛了, 其他團友可玩浮潛, 游水, 坐玻璃船睇下魚仔, 出去睇餵鯊魚仔或自費參加體驗潛水. (事後他們都話玩得時間太短, training + practice).

今次個Dive master係賓仔黎既, 不過佢都好nice, 佢帶住我地八人去潛潛, 初時水都唔係太清, 後來就好清有好多活珊瑚, 龍躉, 獅子魚, 我地帶左個樽入滿麵包, d魚一路食全程都跟住我一路游, 好開心架! 不過當我比個樽小吉拿住時, d魚又好似唔理佢敢, 佢都冇引. 12:45左右上番浮台食Lunch, 我地因為遲上水, 所以有d野食留番比我地d diver. 其實每次我都食唔落野冇胃口, 但唔想一陣冇力, 都食左小小麵同生果, 不過水就飲好多因為好口渴, 食飽後只係同d團友傾左陣又要準備第二個dive了. 都幾趕!

14:00 今次出去船既另一邊, 呢次小吉就非常開心了, 因為佢睇到一大群魚群, 都數唔到有幾多了, 佢開心到游入黃色既魚群中, 但佢一入去d魚就散開, 跟住又游番一起, 都幾好笑. 可惜個相機影得唔清啦! 都幾壯觀架! 當準備上水時, 驚險既事發生了, 我同小吉都不其然見到d野在眼前游過, 但我地只係回望左一眼, dive master就話上水了. 上到快艇我就問小吉頭先個條係唔係鯊魚, 原來佢都見到, 個條鯊魚都有三呎架! 好彩佢只係入一入鏡就掉頭游走, 佢游得都幾休閒架! 驚險既事仲未完, 當我地上左快艇後仲要等另外兩個人時, dive master坐在船頭中間位背住個海, 我就坐佢既右邊, 小吉坐我右邊. 突然我見到有d黑色野在水面游過, 我即刻問小吉見唔見到, 大家都覺得係鯊魚, 我問個dive master佢又話睇唔到, 呢下都算係一個謎.

潛完上水後, 我地趕快敢掉哂d麵包餵魚, (之前派左兩人有一條麵包餵魚), 一陣間就比佢地食哂了!

回酒店沖身休息左一陣, 就同左兩對團友去左間叫做”美真”食海鮮的, 我地叫車出去的, 若叫的士好似要廿蚊.

六個人叫左瀨尿蝦二食, 藥材酒煮同椒鹽, 怪味老虎蝦, 紅燒雞翼, 馬拉炒通菜, 蛋包什菇. 每對150左右

飽飽後佢地就行下超市, 我地就等車接去做Spa, 我地突登留番最後呢晚潛完水先去做, 佢地之前一日做左都話正! 兩人只係555, 先做60分鐘按摩, 再60分鐘磿沙(有d好涼既沙粒+用蕉葉再焗一陣(慢慢熱), 之後再叫你去沖身洗頭+花池浴, (大約廿分鐘不等) 然後再幫你做自選facial+青瓜鋪滿整個面, (非常之清新). 最後足足三個鐘(12:05)先走得. 勁推介Ishan Malaysian Spa,

今晚係嚮浮羅交怡既最後一晚，真係好唔捨得呢度既寧靜，簡單同舒服！其實呢度自己去都好簡單的，但因為四日既Package價錢比起跟團貴好多，所以無辨法啦！

2007 Langkawi 浮羅交怡,吉隆坡五天周圍遊(四)

2007 Langkawi 浮羅交怡,吉隆坡五天周圍遊(二)

20070310    Day 2   (有其他相片, 請睇相簿啦)
在酒店食完個池伴早餐後開始今日既活動

我地乘快艇出去參觀紅樹林自然生態區, 睇下佢地點樣生長, 途中又到青口養殖場,
在老鷹集中區餵雞皮佢地食, 佢地反應好快好準, 但由於大浪入唔到蝙蝠洞.

之後停在一處釣魚, 小吉好快手, 不到五分鐘就有收穫, 釣到石班仔, 但我都唔差, 釣到條唔知乜既魚,
不過船家話有毒唔食得, 最後剪斷魚絲掉番落海. 之前放左個籠去捉泥蟹, 結果得兩隻.

其後去到孕婦島, 需要行小小山路, 途中有好多馬騮, 好似馬騮山敢, 到了孕婦島第一時間游下個淡水湖, 個湖係冇乜浮力的, 所以好多人都著住救生衣. 一邊可以游水, 一邊有些太陽能既水上踏單車, 但我地冇玩, 因為另外收費的. (個度係冇得沖身架)

玩左一陣就乘快艇到另一個島上BBQ, 除左燒烤食品外, 加左我地剛剛釣到既魚同蟹,
我同小吉搵番佢釣到個條石班仔食(一條有黃色點好易認, 另一條就分金同味了), 飽飽後便回酒店了.

其實呢度既活動都好早完, 有好多私人時間, 回到酒店後我地就在泳池游左一陣水, 之後帶齊腳架去酒店對開既石霸影日落. 點知等到日落時, 今日只得個太陽落在雲層中, 而唔係咸蛋黃, 好失望呀! 仲等左咁耐添! 最後用9秒9既時間回酒店食buffet. (因為7點開始, 我地7:30先走)

Buffet就真係唔得了, 冇乜野食, 我只食左什菇螺絲粉, 串燒同生果就算了, 小吉好d佢冇我咁咀叼. 今晚我地冇出去玩, 因為明日要潛水, 要有足夠睡眠, 但最後收拾好明日要用既野, 都要十二點左右先有得訓. 我地好期待既潛水.

2007 Langkawi 浮羅交怡,吉隆坡五天周圍遊(三)