導演: 葉偉信
主演: 甄子丹,熊黛林,李澤,任達華,樊少皇,林家棟,池內博之
片種: 武打
正如片名一樣，係講述葉問既生平。呢套係武打片，一開始就在佛山武術街發生，各門各派都在練功，招生，比武等各展所長。唯一葉問(甄子丹)練得一身好武功但從未收徒，和妻子永成(熊黛林)和兒子一起過著安穩生活。不少門派師父都到葉家閉門切磋，場面搞笑！
有天從北方來既師父(樊少皇)想在佛山開武館，先周圍挑戰各門各派既師父，結果個個都被打敗！最後得知在佛山最好武功既係葉問，於是上門挑戰。葉問就以詠春拳同對方切磋，雙方打得刺激扺死，最搞笑係葉問兒子既出現。
後來發生中日戰爭，整個佛山都被淪陷，就連葉問家門都被日軍佔領。葉問一家被迫到廢屋居住，民不聊生，好多武館既師父都去做搬煤炭，為了生計葉問也是其中一個。有天日軍既長官三蒲(池內博之)身手不凡對武術很有興趣，藉以白米作獎賞，以日軍和佛山既武人打鬥。後來葉問得知好友武痴林比打死，於是去查明真相。葉問以一敵大眾，發洩心中既悲憤。大結果被自視高既三蒲睇中，其後梗要和他比武，最後葉問為了中國人既尊嚴與三蒲決戰。
我覺得呢套真係一套好精彩既武打自傳，正呀！一個葉問對中國影響深遠，我都好想學埋一份添！不論甄子丹，樊少皇，池內博之都打得非常精彩，而林家棟亦係呢套戲既中間人，片中心底內暗中幫甄子丹既，演出得很好呀！。睇完之後仲成日同小吉打片中既情節。哈哈！當睇到中日戰爭果段時，日軍真係好殘忍和自視過高，葉問為中國人取回尊嚴，好值得引以為榮！
