冬節二人前食

星期六原本約左我女友和超人去家姐屋企玩煮飯仔,
因為我女友臨時有事黎唔到, 所以只好等下次有機會先啦!
但我同小吉就照去煮飯仔, 不過就二人前喇!

人少少真係唔知整乜野湯, 結果.......就係呢兩碗喇!

海螺猴頭菇燉雞

五指毛桃燉走地雞
(想到有兩包東方紅既湯包, 就唔駛煩了!)
勁哩!
原來我家姐屋企都有一套添呀!

我覺得呢款好飲d, 猴頭菇好食, 好香!

呢款就好有雞味!

飲飽湯就食番個小小頭盆先, 蒜茸豆豉蒸帶子!
今次無落粉絲, 因為怕太飽, 點解? 因為個主菜係......

芣佢地要食我呀!

呢家野.........真係留番比小吉幫我搞掂佢啦!

死得好慘呀!

主角係糯米飯?

定係荷菜糯米飯?

係籠仔糯米蟹伴生蝦 !!

望下鏡先啦!

勁多羔既羔蟹!

將d羔撈埋落d糯米飯度, 真係啖啖飯都有蟹味呀!

伴埋d生蝦, 正啦!

食飽飽後又想食番d滋潤既野, 不就食番碗桂花冰糖燉雙雪啦!

燉左兩個鐘, d雪梨好正! 雪耳好香桂花味!

第一次整都要比自己九十分! 哈哈!

因為家姐去旅行先可以有地方比我玩, 所以要幫佢做番d野!
就係幫家姐個仔整既啫哩糖, 帶番學校開party架!
另外, 都特登燉多一盅桂花冰糖燉雙雪比佢地食!