青蛙居食屋

由於青蛙家姐去左旅行, 我梗係把握機會去佢屋企玩啦!
順便叫埋女朋友黎一齊睇大家既台灣之旅啦!
睇到十一點幾都未睇哂！再等待續啦！


下午我同小吉就準備晚餐
我既野菌意大利飯

今次好Creamy! 正!
先炒好Ｄ野菌，之後用白酒和上湯煮意大利米，
將快熟時再加奶（或忌廉）和芝士，搞掂！

有小吉至愛 "芝士焗蟹蓋"

呢d只係配菜咋!

小吉努力拆蟹, 仲有好多膏既三點蟹

準備就緒放入焗爐

必然要加MO記芝士啦!

小吉同女友合作既成果

好吸引呀!

正! 好勁蟹味呀!

我地仲加埋落d飯度, 真係勁好味!

仲有紅酒燴雞

個汁好掂! 撈意粉好好味呀!
不過下次呢款汁煮牛會更好味!

最後仲有糖水
燉雪耳木瓜雪梨糖水

又多個粉絲了!

因為女友晚上才來, 佢就送上雪糕兩大杯
可惜我地都食唔落了!

我同小吉第二日既睇戲小食

第二既晚餐好簡單, 主要清埋d意粉者!
先黎碟蒜茸炒懶尿蝦

上次生果餐試過好味既澳洲雪花肉眼牛扒

好多雪花呀!

用尋晚既紅酒汁清埋d意粉

最後又黎多次燉雪耳啤梨糖水

啤梨好香好甜呀！

你記得佢嗎？足球小將

你記得佢嗎？有掛住佢嗎？

好懷念細路仔時成日追睇既足球小將呀！
睇一場比賽可以打足幾個星期！一個射球又可以講足半集！
但係又點解都要追睇呢？真係自討苦吃！
依家足球小將在荃灣吉之島有個小型既展覽！
有人物造形，設計，小飾品等，仲有片段播放添！
大家可以重溫一下啦！

你又記唔記得哂佢地個名呢？

憑記憶，我有兩個唔記得！

消暑既父親節

父親節一家人出去酒樓食飯，之前佢地就在家打四方城！
原本我整個鮮果蛋糕做茶點的，但個清蛋糕失敗左，似雪芳蛋糕多Ｄ，

所以就將錯就錯, 蛋糕就敢食算, 生果就做生果籃！

靚靚鮮果白朱古力籃！

有哈密瓜，龍眼，芒果，放在白朱古力上！
我貪得意仲放Ｄ芒果入龍眼度！

一口鮮果籃！

第二日買多個西瓜整埋西米露添！

依家天氣咁熱係時候要食番多d消暑甜品喇！