2011生日飯@家中生日派對

家中生日派對

星期六在家預祝生日，整左一大餐美食！

大家姐早一日就準備左一些食物，都係冷盤的！
鹵水拼盤
有秘制鹵水汁，牛展，豬手，豆腐，蛋
好入味！

仲有話梅醉雞翼
勁酒到有人面都紅哂！可以減番ｄ酒！

醉雞翼
呢碟係阿哥整既，都好酒味架！

仲有阿嫂加料三文魚刺身添！

三家姐整芒果木瓜蝦卷
終於有手作仔工夫！

之後就整懶人生果沙律

加埋蟹子，靚哂！

粉絲肉鬆生菜包
加埋炸左既粉絲又幾好味喎！

我整既炸生蠔，大大隻，正！

仲有柚子花甲

當然唔少得阿媽至愛煎三寶啦！

炒什菜

最後怕大家唔飽，炒番碗回鍋肉烏冬先！

最後大家姐整既芒果班戟，正！有蛋糕食！

佢花左好多時間同心機整呢個蛋糕架！
所以多謝哂！

好靚既玫瑰花呀！

真係好多層架！應該有十幾層！

唔捨得都要切黎食了，各人都讚不絕口，
我可以唔駛再整蛋糕了，有人接力呀！

辛苦哂我既家人了！多謝哂你地呀！

2011生日飯@京華酒樓

京華酒樓

我咁多年黎第一次食中式生日飯

之前小吉食過一次晚飯話幾抵，今次四條友走到京華酒樓試下先！

一大大個消暑冬瓜盎，
夠六個人飲添呀！好大個！我都飲左四碗呀！

驚喜孖寶：半隻貴妃雞
好滑！好好味！

另一寶係鮑魚
以為細細隻，點知都有手掌心咁大！而且好好味唔UN！

炒聖子
大大隻既聖子，好鮮味！唔UN！正！

終於到主角芝士焗龍蝦伊麵
肉質唔彈，仲有少少鞋！好在芝士味補救番！

失望！

仲有好耐無食既片皮鴨！
都可以接受，不過唔止係皮，連肉一齊上碟！

最後佢地又送埋紅豆沙湯水比我地添！

我地由七點坐到十點幾，真係吹水唔抹嘴喇！



多謝哂你地呀！

2011生日飯@A la maison Restaurant & Bar

A la maison Restaurant & Bar

我同女朋友黎到一間法國餐廳，原來老闆係港男黃長興。
網民話有時都會見佢落手落腳做的，但呢晚我就無緣見佢喇！
環境唔錯，有情調，有舒服既沙化，有播放法文歌。

女友又遲到了！

我只好自己周圍影下相等佢啦！

酒吧位置

女友黎到都話敢既情調怕會訓著添！
之後佢就話要打咭.....Oh my God！

好彩佢唔多識用部手機搞左一陣者！

我都幾討厭Ｄ人出到來玩仲顧住成日上網！你地理下人既感受啦！
你地可唔可以唔玩機住，理下你面前既人嗎？
時下十個有八個人都係敢....唉！發完老脾續繼！舒服哂！


餐牌有中英對照，唔怕睇唔明。
Set dinner 就只有英文，不過都好易睇架咋！
我地都叫左個Full set dinner
包括Appetizer, Soup, Main course & Dessert, Coffee or tea la
先來一個他他多士，係送的，都幾好味！

之後又送上四片餐包，牛油好味，但麵包既皮就硬左Ｄ！

頭盤都有四個選擇，
Baked Tomato tart w/warm goat cheese, Seafood tartar
French Country Platter, 仲有一樣唔記得了。

我地都要呢個Seafood tartar
Salmon (top), Scallop (middle) & Tuna (bottom) Tartar combination, very delicious!!

有龍蝦湯和蠔湯，我地選擇左蠔湯！
飲既時候先放隻蠔上去再搞勻。

個湯唔係'傑身'的，初時唔夠有蠔味，越飲越有蠔味！隻蠔仔都幾鮮味！

主菜我選左酥皮牛卷，女友要鴨胸。

我完全唔覺得佢有牛味，又好咸！
係皮和肉之間有層好似鵝醬的，但我多鍾意。
女友加落佢既鴨胸度話OK match喎！

佢個鴨胸無乜特別，黃色果件係薯茸。

影番張合照先！

最後當然係甜品時間啦！

我地要心太軟和焦糖燉蛋！

雪糕溶得好快！

慢流既朱古力醬！

女友至愛，但面頭焦糖太厚了！

呢件送既芝士餅，唔係我杯茶，唔得，好散！

好想飲咖啡，但費是又訓唔到，最後大家都係飲檸茶！

成晚都係得兩枱客，真係唔知點維持呢？
我地都應為佢既主菜唔得，佢地真係要改改Ｄ主菜喇！

最後多謝哂女友呀！