新春大字報！

特別整左呢張大字報祝福大家！
請笑納！

新春期內如常開業比大家拜訪，
但未必有回覆或留言架喇！

千萬唔好嬲呀！哈哈哈哈！

零九第三高

零九第三高就係紅豆糕喇!

尋晚放工番屋企買完飯就開工, 零九紅豆糕喇!
都整左好耐呀! 因為d豆焗好耐呀!

今次仲整左多少少比左幾仔白老鼠試食,
唔知佢地有冇肚仔痛呢?

唔好食唔好打呀!

最大盒果盒留比屋企, 其他就比果幾仔白老鼠試食!

好多紅豆架!

呢杯係一人前食!

今朝我就試食左一件喇!

好似慕斯哩! 哈哈!

煮法好簡單！

紅豆一包，大菜半包，椰漿，花奶各一罐，粟粉碗半。
糖就用左兩片蔗糖，少少冰糖。

紅豆煲淋，但唔好爛，最好煲下焗下啦！
煲完拎起紅豆，留番Ｄ紅豆水約三碗黎煮大菜，之後加兩碗水加入蔗糖。
椰漿，花奶，粟粉搞埋一齊，等大菜煮溶後加入，
之後就不停搞，攪至滾起就得喇！


   
零九第四高整桂花馬蹄糕好?
定係金魚年糕好呢?

吓!有我份?

上星期六晚會長靚姑娘從日本旅行番黎,
星期日就約我話有手信比我, 多謝哂呀! 好有心呀!

都叫你唔駛買架啦! 帶d空氣比我咪得囉!
或者下次比張機票我咪算囉!

多謝灰灰, 瑤媽, 瑤爸同埋瑤瑤呀!

於是今日就約左係Pizza Hut一邊食一邊傾,
分享下佢今次自由痕既趣聞喇! 搞到我都好想去呀!


睇下我同小吉既手信先啦!
腳子襪.....情侶裝?

呢對我既!

呢對小吉同超人各一對!

仲有枝公仔筆添!

零食....留番下次行山一齊食!

25周年出既公仔裝飾

多謝灰灰, 瑤媽, 瑤爸同埋瑤瑤呀!