復活節兩口子美食營@貝澳（四）

第四日天氣晴朗
天氣真好，唔捨得走添！

起身去廁所梳洗時就發現了呢張床！
小朋友營都有軟棉棉既床，真係羨慕喇！

呢梳蕉放左好幾日，好想食左佢！

最後一日影番張相先！

第四日既早餐
雜菜湯螺絲粉加咖啡

又有咖啡飲！

食飽後例行工作，同蜆換水。
之後我地就要準備執拾行李了，曬下睡袋和營底，清潔下個營和天幕等。
搞完一輪

之後我就煎埋番燒餅比Mimi姐喇！
不過見佢同老友傾緊計就無打擾佢住。
我同小吉就去營長度燒埋隻雞翼先，拎埋個燒餅比佢地一陣食！
希望佢地唔會覺得難食啦！

係用炭燒雞翼架！

真開心可以食到燒雞翼，過下燒烤引！

食完雞翼，我地又拎左ｄ大蜆去燒！

準備中

營長煮既螺仔，我地都食左粒，幾鮮甜喎！

到燒蜆喇！

佢話大蜆要開邊燒

切左邊位d肉做刺身，點些芥末生食呀！

我同小吉都第一次敢樣食咋！又幾好味喎！

大蜆又加左蒜茸試下！

越食越開心，我又拎埋其他蜆諗住整埋一齊食，諗住唔駛拎番屋企！

但Mimi佢地趕住走無食到，我同小吉和營長食左一些，其他只好拎番屋企啦！

呢隻係最大隻架！

小吉扮野似模似樣喎！

食完後我地要執野走了！
本來夜晚會食埋炒烏冬才走，點知執野時因為唔見左野，搵左好耐，
最後都無煮到，回東涌才食了！

希望快ｄ可以再去玩呢！

復活節兩口子美食營@貝澳（三）

第三日天氣晴朗
今日唔係好知星期幾了？快樂不知時日過！

早餐食番個公仔麵先，加多兩粒黑椒牛丸和椰菜

我發現小吉既例行動作！

再飲埋杯咖啡

由沙灘影番營地

睇下我地既蜆幾新鮮，又幫佢地換水。

在沙裡摸佢出來時，真係好似強抆佢出來敢！

一邊聽歌一邊準備下午茶，又可以望下海景又幾爽！

第一次整日式燒餅，居然有些壓力添！

原本整埋比Mimi姐佢地食架！不過佢地趕住去搵食，釣魚呀！
所以留番聽明天先再整比佢，今次就自己試
下先啦！

材料有日式燒餅粉，椰菜，午餐肉，雞蛋。

煎完一邊先返另一邊

好彩返得都幾好！

煎熟後加上自制燒汁，再加木魚碎搞掂！
又幾似樣喎！都幾好味！（自己覺得）

第一次整都算OK啦！

食飽周圍行下，流動洗手間都有，去完落個袋度之後掉走！

最後一日我地落水玩，而且換左地方去摸蜆，終於摸到大蜆了！


第三日既晚餐開始喇！今餐要煮飯，咖哩雞飯！

先黎碗懶人麵豉湯

小吉話唔攪佢住，要影到ｄ布喎！

原本用日式咖哩磚的，但又忘記帶，所以用人地比既咖哩粉。
有薯仔，洋蔥，椰菜既咖哩雞！又忘記帶紅蘿蔔添！

搞笑係我用左樽蘋果汁黎煮，（以為係清水）

但出來Ｄ飯好有蘋果味，配咖哩剛剛好！

一邊睇戲一邊食飯

甜品係日清喳咋！
因為清潔好哂用具後唔想再洗煲，懶人既我地整包放在熱水加熱。

又增添左幾隻大蜆和尖身既蜆，明日用來燒下先！
　　
小吉臨訓前都要影下佢地添！

明天最後一天了，真係唔捨得呀！

復活節兩口子美食營（四）