吹吹風！放低心情要輕鬆！

尋晚在免傷和氣底下，費是越鬧越薑，自己走左落公園降溫。谷住谷住真係好辛苦，就落去吹吹風。行到去公園好多人在散步或跑步，我都扮哂散步敢周圍行。行左一陣就坐左係度吹吹風，望望天，聽聽歌。不斷都有人係度行過，真係唔想比佢地見到我，可以的話真係想關上頭上既街燈。
坐左三個字我大家姐就打電話黎問我係邊度？做乜事？我隨便應酬佢話自己在超市，我無同佢講發生乜事，都唔識講，亦都無謂講。原來係我三家姐打比佢，叫佢上我家睇下發生乜事。雖然我覺得佢上到去都無乜作用，但都無阻止佢。幾個字後，我大家姐又打比我問我幾時番上去，仲叫我幫佢買麵包喎！我只好叫佢自己番屋企先，我遲Ｄ先番去。

過了一個鐘風乾左自己後，我就拿著個電話播住歌係度跑步，
我都未試過著成敢跑步。笑死人！

跑左廿分鐘，超人覆電話比我，佢剛剛回家，我就陪佢食飯繼續幫自己降溫。
雖然佢無問我乜事，但見到我都知唔方好事。講下東講下西，心情都平復了。
好在有個Friend住左近！
今朝番工又撞到佢，死喇！我想回避佢既眼光，因為今日又變左單眼皮！
唉！.......

型姐曲奇

星期六無節目，放工後就約左型姐食lunch，去左深水步食印度咖哩薄餅。
可能落雨關係，所以我地唔駛等位即刻有得坐，平時要在門口等位架！
我地都好耐無見，所以一邊食一邊傾，坐左個幾兩個鐘。

之後型姐又未夠鐘走下一場，我就提意去我屋企整曲奇啦！
因為上次佢食唔到，今次咪比佢試下整朱古力咖啡曲奇！

於是就開始左阿型整餅喇！佢成日話佢在屋企整唔到，
但今次咪又整到，有心整乜都得啦！
你睇開始時幾輕鬆！我仲幫佢影相添！

Sorry！中間既過程無影了！

整完得左！

整完餅仲打包比威少添！Sweet！Sweet！
但就唔知佢有冇食喇！

我就一邊等Ｄ曲奇餅凍，一邊試食！哈哈！

下場原本型姐約左賓妮在葵芳食飯，點知又比我地引誘去左佢屋企。
仲要話想打邊爐添！我同型姐就即刻去買野喇！
之後會合埋剛放工既小吉殺上賓妮屋企。
最搞笑係我同型姐同屋主打左招呼後就殺入廚房，
當左自己屋企敢，快手洗哂d野食，八點鐘開得餐！

今次打邊爐用左豆漿做湯底，加埋Ｄ豆腐，腐竹，又白又香。
若果加埋條大眼雞就似飲湯添呀！
由於無帶相機，所以都費是影食物了。
只係簡簡單單帶子，聖子，鮮肥牛，牛展，雞翼，丸類，冬瓜....等等。

八點鐘開得餐！

掛住食，真係唔記得左右邊果位叫乜名添！哈哈！

飲飽食醉之後就散步番屋企順便消化下啦！

為小吉打打氣~為食曲奇

明日小吉番新工了, 祝你順順利利!
時間長左, 以後唔可以成日出街了!
無辦法啦! 做住先囉!
為小吉打打氣, 突登整左d曲奇比佢提下神, 下午肚餓時食, Sweet...Sweet...!!

第一次整呢款玻璃曲奇, 心型有大有小, 果然係homemade呀!

咖啡牛油曲奇, 比佢既外表吸引, 打格仔, 乜人都啱睇!

原本係烟烟韌韌似Mrs Field果種的，但焗得耐左就唔覺！

每焗完一盤又試食, 無食Lunch都好飽呀!

灣仔和深水埗試食兵團優先！哈哈！小小愛心曲奇包！邊個想要呀？
雖然整得唔係好靚,下次再努力先！

送比小吉, 接住喇!

超人都要試食埋一份, 送比小吉一個heart! 努力呀!

怕羞小吉以為睇佢唔到咩!

怨自己長不大？

父母往往總有自己想的一套，總是說我地食鹽多過你食米啦！
父母總是覺得你仲細，我煮飯都煮左幾十年，你識得幾多野！
父母永遠是對的，總是唔聽仔女既意見，別人的話卻是對的！

怨自己長不大？

Mango New York Cheese Cake

復活節帶爸媽去探阿哥，梗係唔好手空空啦！
借Ｄ意整個餅食開心下，好懷念既紐約芝士餅呀！
就送比我哥個仔生日啦！
不過其實佢係三月六日生日架！哈哈哈哈！
我只食左一件咋！真係唔夠喉喇！

舒緩我既情緒

自從我爸回家後, 佢開始記得番多d野, 平時佢做既野, 佢都想做番.
本來都係一件好事, 可惜包括埋食煙. 當然我話已經掉了, 唔准食.
呢兩日佢既情緒都好波動, 有自己既主意, 大有時脾氣都好大, 我都無佢辨法.
之前帶佢去老人日間物理治療, 去到又話果度唔好! 唔做! 話去針灸又話無用!
我媽話比佢激死, 而我開始人都癲! 心情差! 好想搵d野黎舒緩下!
尋晚就同小吉, 超人在樓下公園又做老泥妹!
原本只係吹下水, 點知超人仲帶埋飛行棋和MP3出黎! 我笑佢係咪離家出走添!
之後去超市買野飲, 仲有生果同鴨腎.
之不過玩玩下又真係可以暫時忘記左d唔開心野! 開心番d! 真係唔該哂!
小吉, 你快d好番啦! 唔係有得睇無得食好慘架!