2013復活遊澳門Day3

復活假期又完了，又係時候走人了！


影下周圍先

對面呢間保健會所無乜人，我地都唔敢去按！

好舊式既賓館，好多大陸人！

第一晚，我地就係去呢按摩喇！
120人仔，一個鐘腳，一個鐘身

地道美食梗係試下啦！

芝麻卷

咸水角，好耐無食喇！

不過空心左ｄ喎！

食早餐先！

花溪牛肉面

牛肚麵+左牛肚

在大陸ｄ牛肉真係好貴！得幾粒仔！

好在ｄ麵好味！記住要落桌上既花椒粉呀！
好好味架！

飲番杯即磨咖啡先！

估唔到又OK喎！

另一邊係西餅麵包！

食完早餐就在地下商場周圍行，
其實ｄ野都唔係好平，同香港差不多！
無收穫後就番回澳門！

今日係無行程，只係要買手信比家人食！

不過去到澳門都下午三點幾了！
又係食野既時候！

在氹仔未食過呢間就試下啦！
好一餐！唔好就食多餐！

咖哩雞翼河粉
係完完全全無咖哩味！又唔係葡汁味！即係無乜味！

好在有兩隻雞中翼加尖！

又係超小牛腩既牛腩麵
相反呢個汁就係咖哩喇！

唔得滿足就食番杯甜品開心下啦！

出名店．．．可是

似食雪糕多ｄ囉！

係咪ｄ澳門人搞錯哂呢？
木糠布甸變左雪糕
薑撞奶變左薑水奶

都係時候買手信番屋企了！
不過我唔係在呢間買的！

買埋手信原本大把時間食晚飯的，
點知在碼頭等酒店車等左好耐，
等到喇！行到去六記想食蟹粥，蝦子麵，炸鯪魚球，乜都無！
因為店舖放假！真係激氣！

最後只好去番第一日食唔到既三元粥品啦！
呢ｄ係咪整定呢？

牛肉丸和豬肉丸，好大又多粒呀！

食完又周圍行下，見到無人就買來試下先！

因為好懷念台灣既胡椒餅呀！

仲係熱住架！好心急呀！

Oh! No!
原來如此！我都係去台灣食了！

落住雨真係唔係好想行！

最後心心不忿要食到薑撞奶！
終於．．．又要番來老字號！28蚊！

我已唔等小吉食左先了！

小吉果碗應該新鮮ｄ，因為要等左一陣先有！
我都食左一半了！

今次最後一餐得左！

食番到一碗好味又似樣既薑撞奶了！
為我地今次復活遊澳門劃上句號了！