2013復活遊澳門Day1

原本八條腳一齊遊澳門的, 可惜最後只得小雲同小吉！
唯有等下次一齊再出去玩過啦！

一早搭船無食早餐，只係帶左幾件蛋糕上船前食咋！
同一隻牌子，呢款無去camp食果款咁好食！

天氣唔係太好，灰灰陰陰！
落船後就趕去食早餐先，就搭葡京車再行過去喇！

舊同新真係差好遠喎！

呢ｄ建築都好新潮，可惜好似無乜用途！
下面只係停車場，地下車路！
點解我知？

真係出帥不利！
次次來澳門都想試呢間，但就唔到時間
今次隻船又遲開，我地又來遲了，十一點已關門！

只好在附近搵食！
之前上網睇過介紹呢間火龍媽媽

本來想試蝦煎米粉（第一行第三張相）
我地見到有兩位小姐食緊，
賣相和份量都唔得，仲要賣一百多元，
真係唔試了！

我地就選另外一些喇！

招牌一品海鮮米線$65

蝦唔係細隻，有墨魚仔，蜆仔，味度和價錢不相符！

最離譜係呢碟墨魚多士，好似$28
同麻雀差不多，超細粒！

煎蠔餅$38
記住係煎，唔係我地平日食既炸蠔餅！

蠔仔份量多，但太濕了！唔夠香口！

食完就順便食下甜品先！

好期待既薑撞奶！

阿姐拎黎時話慢慢由面開始食，唔好攪底！
你當我第一次食咩？
眼見都水水地，點知一食就真係唔講得笑！

我唔係要薑汁奶水喎！
我問番個阿姐，佢話可能係新薑，又話係敢架喎！
你咪當我傻啦！
為保障自己，我要求換過碗雙皮奶！
仲問佢係水定唔水先！

另兩碗就係正常既雙皮奶！

質數真係幾唔平均喎！兩塊皮都好唔同！
不過仲好過飲薑奶既！

呢間就係懷舊旅店喇！
參觀就可以！住就唔想了！

之後我地就行去十六浦酒店！
途經呢間國X酒店，點解好似屋村欄杆敢既？

到了十六浦

我地今次來睇MJ Gallery的！

正門左邊有電梯上的，是免費架！

擺放好多MJ既唱片，服飾，造型！

幾吸引既display！

真人高既人像！

可以係度嘆咖啡，蛋糕，啤酒

仲有飛鏢添！

再上一層就係Gallery

一入門口一定要同佢握下手呀！

超大隻既Boot

好似行入左時光隧道敢

MJ既投射幕

大人國與小人國

整容前？

經典姿勢

比小吉個表情真係笑死我喇！

好多雜誌既封面

真人公仔！

Q牌公仔

黑白帽

佢隻腳都幾大喎！

呢對襪都幾閃！著住會唔會吉腳架？

好閃爍既手套

服飾擺設

幅畫都畫得幾靚！

小吉又表演喇！

仲有一部份係賣紀念品的，但就唔方便影相喇！
離開又落番下面既Cafe

呢個燈箱好型呀！

有啤酒賣的

離開門口仲有少量紀念品

離開酒店前都影下周圍復活節既裝飾先！

寂寞既小朋友在彈琴？

第一隻復活兔

之後我地就在酒店地下搭車到關閘喇！
你睇新舊既對比！

嘩！好多機械人呀！

第一次在澳門過珠海，梗係影低留念啦！
關閘邊檢大樓

自助過關好快就搞掂！
一出就見到呢個拱北口岸地標喇！

之前我地八條腿諗住住果間珠海酒店要搭車的，
但依家得我同小吉，我就選左間近關閘的，行去只係五分鐘左右！
新東方連鎖酒店

房間都好整潔，唯一係個窗太差了！
關唔實！雖然係三樓，但都唔放心！
最後小吉用繩索住就安心了，但都唔放錢銀野架喇！

張床超闊！

似台灣ｄ精品酒店

離開酒店又過關回澳門搵食！
一直行就到喇！

因為無實質地址，行過左都唔知！

最後都搵到！

東亞銀行對面，上石級就到！

六點半左右到已有人食緊了，得番一張四人枱！
雖然唔想搭枱，但怕一陣就無位，所以都照坐住先！

呢邊店舖變左係貨倉，隔一間舖位先係食野既！

入去開餐喇！

辣椒豉油都無用到，因為個湯夠哂味！
要啤一啤佢先！

海鮮煲$200
有兩隻蟹，十幾隻蝦（都大隻架！）
我估有一斤蜆，仲有其他菇和菜！

都係冬陰功湯底，飲完都唔口渴！
因為怕好似上次食唔哂，所以無叫其他野！

食飽就過番關在關閘附近既一間保健中心按下摩喇！

有套餐人仔138做90分鐘
但我地選擇人仔60蚊一個鐘腳！人仔60蚊一個鐘身！
都幾好呀！

回酒店梗要有甜品啦！
在地下商店買的

紅豆啫哩糕，紅豆糕好飽肚
忌廉蛋糕，我無食唔知乜野味！
Tiramisu ，估唔到又幾好味！第二日想encore但無得賣！

他他條！飲飲食食又過一日喇！