一起共同渡過每一天

自從我爸爸出事後，除左屋企，公司，醫院之外，沒有去過其他地方，
就算剛剛過左既情人節都係無乜心情去慶祝！
多謝小吉唔介意！

前幾日係同小吉既拍拖周年，我地都無出去慶祝，
但我收到一份好感人既禮物，
就係小吉自己畫既一張咭，係素描黎既。
原來佢靜雞雞放左張咭在我枕頭底，晚上我臨訓前佢就叫我睇下枕頭底。
當我一開張咭既時候就留哂眼淚了，
我明白左乜野叫做盡在不言中了，
一份心意帶比我滿心感動！
多謝你呀！收到呢份禮物我好開心！好感動！多謝哂！

二十天後

我爸爸已經在黃大仙醫院住左一星期了，今個星期一開始左第一日既物理治療既活動，早上教佢自己刷牙清面，食完早餐後就同佢行下路，踩單車和睇電視等。佢話做得好少咋！做一陣又抖下，佢仲話唔夠喉，我諗佢最想做完做多Ｄ可以出院嘛！因為我爸爸都識得打麻雀的，佢地安排左比佢試下，姑娘話佢既反應好似好緊張敢，於是就叫佢睇住人玩。晚上佢就講番佢地叫佢做既野佢唔識，佢有Ｄ唔開心。我地都安慰佢，叫佢同姑娘講：我第一次咋！你教下我咪識囉！現在佢手腳都有番Ｄ力，希望快Ｄ有進展啦！

星期二第一次針灸，開始左第一次針灸，針灸師會問清楚我爸爸既情況，之後就開始幫城佢針灸。初時都無話痛的，針左在頭，頸，手，同腳，當針都腳時有一針佢忍唔住叫左一聲：好痛呀！好彩我家姐叫佢放鬆Ｄ，間左一陣就無事了。

星期三第二次針灸，之前我好擔心今次係我媽同佢入去的，怕佢亂講說話，好彩針灸時佢都無噪住人地，個針灸師話我爸今日好Ｄ喎！無叫痛！無驚無險我都安些！

佢既情緒時好時壞，有乜辦法可以令佢唔好咁大脾氣呢？
尋晚探佢時覺得佢成身都好熱又發脾氣，我家姐話之前佢話好凍，所以比多件衫佢。我就同姑娘講佢好似發熱，點知佢話頭先先幫佢探過無燒喎！（十五分鐘前）你地幫佢除番件衫啦！我又一再強調佢個身好熱和有些手震，叫佢睇睇啦！佢就話：我地每四個鐘都會幫佢探一次熱架喇！我都無說話講，點知今朝收到家姐既電話，就係話佢尋晚發燒，比左Ｄ退燒藥佢食，現在無燒了。所以你話係咪Ｄ公立醫院幾無知！唔識變通！

今次我爸之所以為燒，我地估係可能有尿道炎所引致的。之前在廣華醫院轉院前驗過一次，有了報告比黃大仙，佢話呢邊又話要佢地驗多次先。到依家先話比Ｄ消炎藥佢食，又話驗多次血睇下有冇菌。你話係咪搞黎搞？各為其所！唔預早比藥人食，係要發左出黎先搞。呢Ｄ都係醫院做事既態度，後知後覺。

十天後

十天後，心情仍然未能平復。
初七下午剛從深圳回港，打開電話第一個短信：阿爸入院回家
心情立即下沉，之後立即到醫院。
得知阿爸在公園附近頭暈坐下後倒地，證實中風！

他現在仍然在醫院留醫，政府醫院真係好差，十天了都話未有驗血報告，只係得張腦掃描。我們自己出去照磁力共震，得知左腦血管阻塞，壓到一些神經線令他說話表達有些問題，右手和腳都無乜力。頭一兩天他連我們都認唔到，只是叫我們走喇！無事喇！我們好難過！十天了都話未有驗血報告，未知點解會突然間中風，又話等照下右邊頸部的血管會否阻塞了。這些就是政府醫院解釋的人手不足，又無物理治療師去教他郁動，我們只有等......！有什麼可以幫到他呢？

幸好他已知道我們了，只是有時講錯名。對答都比之前好好多，比之前清醒。我們要他用手拿匙自己進食，右腳仍然不夠力，幸好他自己都知道。現在最大問題係他未能識得自己去大小便，若果解決到就好辦了，但我們又幫唔到他。他眼見隔離病床的人都轉了院，他又常話要出院，每次見他眼紅紅就好難過。

真係好希望問題可解決，其他問題就唔會發生。
因為阿爸既病，媽咪要中午和晚上都要帶飯比阿爸，我知道她隻腳行得太多了引致舊傷痛番。我同家姐都盡量幫她出買餸，打掃屋企，希望她多些休息。其實大家都要輪流休息先可繼續支持下去的，今天我隻腳都有些痛，所以休息一下番工了，晚上先可探爸爸了。

多謝小吉！多謝大家既關心！大家都要身體健康呀！

初七

初七發生了一件不快既事，心情極差！
我需要休息一下！
祝各人身體健康！