意大利之夜

星期日又係開心日，終於等到可以在家玩煮飯仔了。
不過唔係美女廚房！哈哈哈哈！

我同型姐兩個去左超市買野，點解得兩個？係呀！
小吉在家訓覺，因為剛剛番完夜班。
威少就一早去左行山，行完先黎我家。

我同型姐食左個Lunch就係超市度行左行右，攪到三點先回家。
回到家開始準備事前工作，小吉都要幫手呀！

呢個南瓜又開得幾靚喎！抵讚！

型姐既刀功好勁喎！切得幾精細！好細心呀！

Ｄ蝦連蝦尾殼都去走埋，一定係蝦怪小吉既傑作喇！

青口都好肥美喎！

準備煮飯喇！搵唔到個煲，用個鍋整住先啦！

究竟我地煮Ｄ乜？哈哈哈哈！

         

六點幾開始煮野等威少黎到有得食，
點知因為太多野食了，有些食物已經變得凍左添！
唔好意思喎！

七點半左右開餐！

意大利之夜

南瓜蜆肉湯
貪靚既南瓜要在湯面上加些奶，要滑Ｄ喎！
仲要加Ｄ西蘭花碎做裝飾，真貪靚！

小食有芝士香草鮮茄粟米片
焗完要快手即食呀！放耐左粟米片會淋的！

炸洋蔥圈，墨魚圈，大蝦
呢個就失敗左Ｄ了，可能唔夠炸粉，炸得唔靚，
最後炸完隻蝦後仲比我錯手沖左Ｄ水喉水落去添！
結果淨番Ｄ洋蔥就無炸了。

沙樂美腸Pizza
可能沙樂美腸切得唔夠薄，比較難咬，而且都幾辣。
好彩有其他配料補數番！

之後將淨番既材料炒埋一碟，哈哈哈哈！

香草燒骨
焗完表面乾左Ｄ，好彩Ｄ肉都淋！

意大利海鮮飯
用左意大利米加埋Ｄ蝦湯和雞湯煮，然後加入責口，帶子和蝦。
可能放得太耐，凍左！

蜆肉烏賊墨魚麵配墨魚汁
唔知點解呢隻墨魚麵煮時都好好地，沖凍水時發現Ｄ麵條碎開左，立即閉水。
好彩Ｄ墨魚汁都幾好味！

食完飽到唔想郁，但都要食番過綠茶梳乎厘先！
事前已經準備好個(較)，只係加蛋白同綠茶粉就完成。
其實份量應該係兩杯，但我用左四個杯，所以好似發唔起敢。
但好有綠茶味，可以少甜些就更好了。

嘆世界！

呢幾日我爸媽番左大陸得番我一個，好彩一班古惑仔陪我。
我就幫佢地洗白白，之後仲嘆左兩晚冷氣添！
今朝佢地見到出太陽，拿拿麻爬哂上窗口曬太陽添！真識嘆世界喇！
我諗對面住戶見到佢地一定嚇襯，唔知佢地睇乜呢？
睇女仔？哈哈哈哈！