小雲小吉生日飯~再戰老牌餐廳

今次係我女朋友請我和小吉既生日飯,
我地就再戰老牌餐廳 "太平館餐廳" , 佐敦老店

我地叫左一個二人套餐, 和焗蟹蓋套餐, 另外再散叫左兩樣.
先黎套餐既餐湯和餐包

龍蝦湯
都幾好味, 仲有好多粒龍蝦仔! (應該係)

羅宋湯
帶點酸, 沒有辣油的, 好多料!

烚咸牛利
女友推介, 又真係好淋又夠味喎!

干炒牛河
不是太油, 同一般唔同係用豆角一齊炒,
之後我用d瑞士汁撈埋黎食, 又好好味喎!

倉魚籽蝦仁炒飯
我諗茶餐廳d楊洲炒飯仲多料好味!

真係唔知邊d係倉魚籽? 間中好似有粒敢啦! 乜好貴咩?
雖然係大隻蝦仁, 但無味! 完全無蝦味既蝦!

焗蟹蓋
足料既蟹肉, 但裡面比較干身, 無乜汁既, 但夠味! 可能有d洋蔥啦!

瑞士雞翼
一人都有兩隻, 瑞士汁真係好好味呀!

三杯咖啡
侍應拎埋黎已聞到香喇!

雲呢拿雪糕
同平時d雲呢拿雪糕不一樣的, 可能係自己整既, 布食到有d好似沙冰粒!

我地食完哂野叫飲品時仲落order一個焗梳乎厘,
個侍應都有d意外敢話: 要等廿分鐘架喎!
我地話: 唔緊要! 我地可以等! 我諗佢一定諗話你地咁鬼大食既?
黎啦! 幾大湯碗!
重頭戲係呢個超大既焗梳乎厘

成為我同小吉既生日蛋糕!

好大個呀!

Yeah!!!!

仲影? 唔等喇!

一食已經無左一半了
呢個梳乎厘既蛋味比較重!

好滿足又抱住個肚仔走!

我既生日飯就食完了.......今個星期就到我同小吉慶祝佢既生日
真頭痕喇!