放縱一星期密密食！

呢個星期爸媽番了大陸，我就自己顧自己！

星期五，晚餐，XO醬炒伊麵

其實伊麵係下午Lunch食淨左半盒伊麵，

放工帶埋回家加工，只係加Ｄ椰菜和XO醬，搞掂！

之後仲飲埋碗罐頭海鮮磨菇湯，好滿足！

星期六，晚餐，墨丸墨汁意粉

賣相恐怖，但墨汁味道好好味架！

星期日，下午小茶點！

好耐無食既燒餅，今次係火腿餡！

星期日，晚餐
豉汁黑椒鳳爪和牛展+臘味飯+豆腐紫菜湯

唔好以為我食咁多呀！其實整多少少留番帶飯架！

煲紫菜湯失敗左！哈哈哈哈！

放左一大片紫菜去煲，大多紫菜了！

比家姐笑我：一大片紫菜？你煲成家人既湯都得喎！

就算放左一大片，都可惜無乜紫菜味，可能我無放肉去煲卦！

今次肉都夠冧！

估唔到用黑椒住都幾好味！

今次特登煮比小吉食，仲加左條潤腸比佢，佢既至愛！
我就唔愛喇！嗅嗅！

食極都唔厭！

星期一要番學上堂，是日休息，乜都無整！

星期二，凍凍地加小吉放假，我就整海鮮火鍋！

先黎過豆腐皮蛋芫茜湯底，皮蛋有雪花印添架！正！

海鮮有扇貝，象扙蚌，細鮑魚仔。

仲有雪花牛扒，切粒後就用黎燒！

加埋一口鮑魚仔！

燒下帶子添！

燒脆肉瓜和鮮菇好好味呀！

最後加個滑滑稻庭真打烏冬，吸哂Ｄ湯味，正！

甜品，三重朱古力雪糕，正！

星期三，羅宋湯

放工回家第一時間滾個羅宋湯先！

有得飲喇！我至愛羅宋湯！

我足足飲左兩大碗呀！

星期四，榨菜肉餅煲仔飯
尋日整羅宋湯仲淨左一半肉碎，
於是加ｄ榨菜，雞蛋，拌勻肉碎，整成肉餅

又係一煲過，榨菜肉餅煲仔飯！

甜品，朱古力燉奶

好滑好好味！小吉食到照鏡添！

相信呢個星期密密食，一定又肥了不少！
呢兩個星期一定要收番個肚腩先！

2012周年紀念~BBQ

今日係我們的周年紀念，我們點樣慶祝呢？

哈哈哈哈！我地去左燒....雞翼！

雖然天氣報告話會有少少雨，不過我地都照樣出發！

因為我地太想去燒....雞翼喇！

到左大帽山郊野公園，小吉就整定天幕預防落雨呀！

搞掂！都幾好喎！唔該哂！大家可以安心燒野食了！

因為我地未食早餐，未燒野食前，大家先黎食件蛋糕慶祝下先！

呢個就係我地既周年紀念蛋糕喇！咖啡朱古力蛋糕！

周年快樂！

小吉，靚嗎？好味嗎？滿意嗎？

不過今次Ｄ脆脆片比咖啡忌廉吸到冧左，下次用番朱古力脆脆底。

食完蛋糕後，我就去洗海鮮，小吉就繼續搞下個天幕。

最後加多塊布，前後都庶住，Very Good呀！

睇下有乜野食先！海鮮有鮑魚，大蜆，扇貝

鮑魚有
我掌心咁大隻架！
本來買四隻都要70-80蚊的，
但老闆話呢度八隻100蚊比埋我，我當然貪心就八隻啦！

另外自己整既香草黑椒雞翼，
雪花西冷牛扒，什丸芝士腸，雞脾菇，脆肉瓜

小吉整既層層疊

天色暫時都幾好，見到藍天都望多兩眼！

第一次兩個人在郊野公園燒野食！
　

全場都只得我地兩個咋！哈哈！

搞掂......開餐！

期待左好耐既燒雞翼！香草黑椒雞翼！

小吉帶黎既龍蝦燒賣，加左豉油辣油，正呀！

仲有小吉指定要燒既雞脾菇！

開始飽飽地了，仲有塊西冷扒和脆肉瓜都唔燒了。

因為我地留肚食海鮮呀！

蒜茸扇貝，好好味呀！

蒜茸燒鮑魚

大大隻，厚厚肉，好滿足呀！

最後燒埋大蜆就收工！

時間剛剛好，天黑前收野！

記得清理好地方先走呀！

最後在小食亭食埋餘下既四分一個蛋糕才走人！

今次好彩有天幕咋！燒野食期間都有雨！

離開時好彩無乜雨！

出番荃灣就去行街街，同小吉Shopping，
最後大家仲係幾飽，只係去食左杯雪糕就走人了！

雖然天氣唔係咁好，不過今日玩得都好開心呀！
小吉，周年紀念快樂呀！