中環搵食

小吉個老婆出走左個半月，係時候要接佢回去了，
所以我們又要去中環走一趟。
之後小吉就帶我去食九記牛腩喇！

居然唔駛等位，有上下兩層。

小吉話佢地個門口成日都係裝修中既？咁多年都無變！

佢話佢地以前好寸架！黎食粉麵無Spoon用架！你要用就自己帶啦！

（有冇咁寸呀？）

唔理了試過先講！

清湯牛腩湯伊
個賣相都OK！但細碗左Ｄ喎！
個清湯都好飲，牛腩都唔UN！個伊麵好幼，食幾啖就無了！真係唔夠喉！

咖哩腩肋湯河
咖哩都好味，但牛腩就UN左Ｄ！牛肋都唔咪太！

兩樣比較我覺得清湯牛腩好些！
平時Lunch我食十多蚊果Ｄ粉麵店都夠飽，但今次真係食唔飽！


之後我地就過對面既勝香園再食過！排左一陣隊都好快有位！

我就介紹番比小吉食野喇！

呢度出名蕃茄湯底，先黎左個蕃茄雞翼麵，
蕃茄湯底好足味，配通粉可能好些，因為直接飲埋湯。

以下係已食了一半的！

最開心係杯咸檸七，個咸檸都浸左好耐，好林好夠味。
佢地仲幫你拮爛左的，再加兩片新鮮檸檬。

再來檸蜜脆脆

脆脆即係好似硬豬仔包，烤得好脆。塗上少許牛油，再加檸檬汁和蜜糖。

酸酸甜甜幾好味！小吉話要自己試下整喎！

後話：什麼是自私的人？

事源我地隔離果對情侶，他們叫了奶油脆脆。
當伙計拎住碟檸蜜脆脆來，問是否你們架？（因為近他們那邊）
他們望了望後話他們叫奶油脆脆的，個伙計只係話係架喇！係呢張桌架喇！
他們話是旦啦！但我話呢度係檸蜜脆脆喎！他唔知聽到定扮聽唔到，一手拎左碟脆脆，兩條友照食！唔駛急成敢呀！
我都估係佢地食錯左我果碟的，不過人地又唔理乜野都照食，驚死要等好耐敢，咪由得他囉！（因為我地仲食緊碗蕃茄麵）
點知過左一陣，伙計又拎碟奶油脆脆來問邊位？我立即指隔離啦！他居然話頭先來了，食緊喇喎！伙計問佢食緊乜？佢話唔知呀！你地個伙計話係架喎！
個伙計問我介唔介意碟奶油脆脆，我好快咁話：我好介意喎！
個伙計就係度話果兩位人兄：個個伙計都會話果碟係乜架啦！唔係自己叫果樣就唔好食啦！
那位自私的人仲聲大大地反駁話：個伙計叫我要架！
伙計最後無奈地只好拎番碟奶油脆脆入去！

下水禮@黃金海岸

星期日太陽伯伯出來了！
我同小吉和小雲小吉立刻去黃金海岸來個下水禮先！
   
天氣好好！可能仲早啦！差不多十二點都不算太多人！

我地搵左個有樹蔭地方HEA！


訓係個沙灘度吹吹風真係好爽呀！

一個人黎曬太陽！So Cool......！

因為大家都未食早餐，其實都已經係午餐了！
我地去買左Ｄ野食一齊開餐先！

我第一次食Subway係在黃金海岸，今次第二次都係黃金海岸。
分別於一次在澳洲，一次在屯門。令我好掛住澳洲既黃金海岸呀！

睇下我地食乜先！

兩個辣味經典 (Spicy Italian) 都好多料呀！加熱完才放蔬菜類！

再加介末醬汁

正！

仲有麥樂雞餐

再加埋杯焦糖咖啡！好滿足！

食飽料左陣我地就出去玩下水喇！
雖然Ｄ沙都好幼但多左好多殼在水底，玩左陣小吉就介到隻腳子公！
真係唔小心喇！都叫佢踩水架啦！
  
好似我同小雲小吉敢腳仔離哂地幾好！佢想飄去邊就飄去邊！
  
小吉上水沖左腳後，我地休息左一陣又落多次水。
 
我地係水中飄呀飄！傾下計真係爽呀！
  

玩夠了我地上水食西瓜！個西瓜仲幾涼架！
     
仲要唔該附近班男仔借刀比我，否則就要用麥記既刀黎切了！

小雲小吉獨食細Ｄ果個！我同小吉就食大Ｄ果個！爽呀！
     

食完西瓜後就去沖身走人！

回到荃灣我地就去元氣食壽司喇！