為小吉打打氣~包包飽

今日又整左兩款味既包包, 黎個大合照先!

全部都係咖啡味既包包, 一路焗已經聞到好香!

呢個係卡通片內最軟錦錦既麵包,
我細個畫公仔時最鍾意畫呢個包架! 咖啡卡通三間包!

第二種包法既咖啡腸仔包

咖啡朱古力小包仔, 園形小包仔包住左入爐既朱古仔

咖啡芝士條, 你見過未? 哈哈! 肥do do幾得意!

之後又突登整左幾個蒸既包包比阿爸同阿媽

花卷

香蔥卷

呢個形狀好似魚皮餃呀!

今日既辛苦換來一餐壽司餐, 好滿足! 飽飽飽!

多謝小吉

虛張聲勢~金滿庭

星期一晚大家姐生日，三家姐話請食飯。好野唔駛我比錢，我比左三個包包佢搞掂！三家姐揀左奧海城第二期商場既金滿庭，我六點九就到左諗住先行取位，點知佢話無小桌得大桌，問我現在比我入，八點交桌比佢得唔得？嘩！我都未人齊，點知食幾耐先，點知你Ｄ野上得快唔快架！結果我都係得埋屋企人黎到先入去，佢地比果左張大桌其實只係六人桌，我地都五個人啦！真無謂！周圍都有幾張空桌咪又係無人坐！以為幾咁多人者！虛張聲勢巴巴閉！最憎果Ｄ限時間食野既店鋪的！食得都唔開心啦！

基本上佢地已有茶開比你的，但另外有幾款茶比你揀（另收費的）。
家姐就試左碧螺春，但飲落無特別。

一坐低未叫野已經有兩細碟比你了，凍蝦和酸辣青瓜，都幾好味！

鎮江肴肉，果Ｄ凍湯jelly好甜，第一次食係甜味既jelly怪怪地。

阿媽叫既特價推介$48，乜野枝竹魚頭。
我就無食，但佢地話好唔掂，枝竹都黑哂色的。

素鵝，唔夠脆，放耐左食只就得個韌字！

小籠包，一般啦！好在夠熱，咬開都有汁，小心！

傻佬炒飯，唯一食左兩碗仔，炒到一粒粒幾香！

擔擔麵，汁唔夠麻醬味唔香，麵淋左些！

鐵板京蔥牛肉，唔夠多蔥，牛肉又係鬆肉粉的。

銀絲卷，漏單等了又等。
好彩黎到好夠熱，軟淋淋內面見到一條條麵粉條。
家姐突登叫銀絲卷黎夾京蔥牛肉

係講個銀絲卷

虛張聲勢巴巴閉
下次唔好預我添