我種壞左佢了!

自從小吉番左呢份新工，我就種壞左佢喇！
個個星期都有小茶點比佢食，越食越有要求。
食完批又話想食撻，食完撻又話我好似無整過麵包。
錯喇！係有既！不過係一包過既蕃茄麵包，自己再加粉去整者！
於是我又去圖書館借Ｄ整麵包既書番黎睇下，
比我大家姐睇時佢居然話：咁煩！你整埋比我好過啦！
你整Ｄ容易Ｄ先啦！腸仔包啦！
結果我一次滿足兩位既要求.....

搓好麵粉等待第一次發酵

發起左兩倍 ，用手測試一下，搞掂！

之後將粉團分開兩個，整了兩款麵包
先來一個肉桂提子卷，一路焗時已經聞到肉桂既香味了。
六個併埋一齊，似唔似個大蛋糕呢？

造型後又等待第二次既發酵

出爐搞掂！

焗前加左杏仁粉在表面

中間係肉桂粉同提子乾

再來一個腸仔餐包比我大家姐，祝佢生日快樂啦！
敢都得？哈哈！賣相都幾靚啦！仲有滑滑既表面肥dodo！
似牛角包型既腸仔餐包！

造型後又等待第二次既發酵

第二次既發酵後

加上蛋汁入爐喇

出爐搞掂！

仲等？食埋添喇

總結: 整麵包真係要用好多時間等，等乜野？等發酵囉！
但見佢細細舊粉，焗完後變左靚靚死肥仔，真係好開心架！
等....都係值得既！

今次小吉收到後都好驚喜呀！
但佢之後又話: 敢下次係咪整埋咖哩雞批呀？
天呀！得一想二之餘，家陣仲係得二要三添呀！