為小吉打打氣~兩款蘋果批

今日開始放假, 但對我黎講無乜大分別, 因為小吉要番工嘛!
佢今日仲要番夜班添! 於是一早就去買野整蘋果批比佢食喇!
我想整呢樣野好耐架喇! 因為在電視見人整得幾好玩! 幾簡單!
但其實我又未食過呢樣野, 就算連麥記既都未食過.
哈哈! 今次小吉變左做白老鼠了!

蘋果批有兩款賣相, 一款係美式蘋果批, 一款係蘋果金寶批

整好過個杏仁甜酥皮底

用牛油煮下d青蘋果, 加糖同肉桂粉煮

美式蘋果批係上下都包左酥皮
蘋果金寶批係灑滿碎粒, 焗後好脆!

出爐蘋果金寶批

出爐美式蘋果批

又係偷食時間

個心比人切開左

好彩今次都成功, 個皮夠酥, 肉桂加蘋果幾香, 要熱食! 自己比85分!
整好哂就拎左兩個去小吉屋企, 番工前佢食左一個美式蘋果批,
之後就帶左一個蘋果金寶批番工當消夜.
佢d同事見到問佢係邊度買? 比d黎試下得唔得?
小吉答佢: 得! 睇就得! 哈哈哈哈! 咁辛苦整都開心哂!
不過......
佢又問我下次可以試下雞批都好喎! 好....佢有得食梗係好架!
又唔見佢整比我食喎! 我要蘑菇批, 咖哩批!