零九第一高

零九第一高就係我至愛蘿蔔糕喇!

上星期五既中午, 我大家姐想搵我食Lunch, 點知被我拒絕, 費是佢要過海啦!
我就提意佢快d整蘿蔔糕, 結果佢就下午在家整喇!

到我放工, 佢又打比我問我番唔番屋企食飯? 仲有蘿蔔糕食添!

嘩! 拿拿林梗係話番啦! 仲叫埋小吉黎試食添!
不過我番到屋企就試食左先, 哈哈! 無等小吉呀!

呢個就係Order我大家姐整既蘿蔔糕喇!
表面加左d芝麻又幾好味喎!

好多料呀! 佢之前一日在我家偷阿媽既料!

剛蒸好就食喇! 好正呀! 哈哈! 我食左四分一添!

d蘿蔔三分二係用手切, 三分一係用鉋既, 好有口感呀!
食完無食飯喇!

   
零九第二高就係第一次整既馬蹄糕喇!

我大家姐拎左d馬蹄粉比我, 叫我整馬蹄糕比佢食喎!
敢都得?唔係佢整埋比我食咩?

算啦! 食完人家既野, 就要做番d野喇!

於是星期六我就整左呢個馬蹄糕喇!
我都係第一次整架咋!

今次我用左蔗糖黎整, 好香蔗糖味, 但賣相就深色左d!

   
呢個就係我今朝既早餐年糕雙併

煎黎食特別香口, 正!

   
零九第三高可能係紅豆糕喇!

因為我三家姐order左我整喇!