父親節廚房搞搞震

尋日同屋企人去左鴻Ling度食飯, 但真係好差囉比之前,
可能係父親節多人食, 水準差左好多. 成個餐都要三千幾蚊,
但我個兩位老人家都話唔好食.
算把啦! 今日正日, 我同我大家姐又再一次在廚房搞搞震,
整番餐比老豆子食先, (費是上次整左餐比阿媽佢呷醋嘛!)
小吉都有份幫手既, 唔該哂喎!

首先包左雲吞先, 小吉第一次包無穿都幾好架喇!
時間關係, 只用左碎肉同雲耳切碎

呢個就係雲吞雞煲素翅喇!

雖然係冰鮮雞, 但老豆子都食左兩隻雞翼, 仲話好滑添!
之後仲話好食過尋晚個煲翅, 哈哈! 好開心呢!

都好似真翅架!

再黎蒜茸豆豉蒸帶子, 好厚好大隻既帶子!

再黎個瑟琶豆腐, 用左豆腐同魚肉加蛋攪好, 先蒸熟備用.

再上蛋汁煎香表面, 攪掂! 滑滑又香口!

最後家姐整左條青班, 但掛住食唔記得左影, 哈哈! 算啦!

今次好彩老豆子都話好食, 仲話好過尋日添!
佢仲留番隻雞睥聽日食喎!
早知唔好浪費左個三千幾蚊啦!