事源: 雖然訂左七點半, 但我地七點十五分已經到左. 入到去無乜人, 只有兩旁坐左幾個人, 個部長居然叫我地坐張二人位, 仲係正正在出口位. 我地立即示意唔要呢個位, 之前訂位講明話要邊位, 我更氣憤敢話: 唔係嘛! 訂左位你地居然比呢個位我, 兩旁仲有大把位啦! 然後那個部長先比番側邊四人桌我地. 呢d敢既服務態度, 真係把幾火! 乜野餐廳咁巴閉呀!
算數! 今日生日開開心心食番餐, 費是理你!
餐廳外面都無乜特別！
點完野, 先黎四片法包, 之不過唔熱唔脆, 好難咬, 要浸湯先食到.
凱撒沙律配蒜茸醋汁
無乜特別, 一些什菜, 但最重要係我叫佢比左d黑醋汁我, 加左落去即係開胃哂!
勁鍾意黑醋汁! 正!
酥皮海鮮湯 - 網上推介的
酥皮即焗夠熱, 未飲都聞到好香海鮮味! 好味!
內裡材料不算多, 魷魚圈, 蜆仔, 但有一隻大少少既蝦!
燒羊鞍 - 網上推介的
份量好夠, 有六件之多. 但覺得唔夠味, 煎得唔香, 唔濃.
配以薄荷汁和蜜糖汁, 但個薄荷汁太水了, 我加左d蜜糖汁才'結'番d才好味!
伴菜有芝士薯茸, 蘿蔔, 紫色唔知乜野菜, 口感有d似雲耳.
蜆肉墨魚麵 - 網上推介的
好香既蒜茸Mushroom炒蜆肉, 夠哂味! 蜆肉比金龍船大兩倍啦!
但墨魚麵就好多油, 麵條本身都係肥仔果種, 無乜味!
我總是喜歡墨汁配墨魚麵多d, 雖然食到個口黑哂!
但真係好好味架! 推介UCC既墨汁海鮮意粉, 好好味!
最後食完走人時，在門口可以睇到廚師整Pizza架！我諗會都好味道者！
呀！好懷念澳洲果Ｄ石爐焗Pizza呀！
F
回覆刪除