無覺好訓既第四天

原來每日諗食乜晚飯都好煩，尋晚我第二次上大家姐度食飯，其實應該話由第一天我爸媽已經幫襯左大家姐，好彩大家住得近，鬼叫家陣屋企無得煮食無計啦！佢地兩個一定要有米落肚架嘛！我打死都唔比佢地家陣在屋企煮食呀！

尋日放左學十點幾番去又要沖凍水，真係幾金架！快Ｄ搞掂啦！唔知點解尋晚又訓唔到，原來有先兆！今日應該會油油喇！但係今朝睇到個色就真係.....唉！算吧啦！點知阿媽話佢揀既係淺色Ｄ架喎！我就即刻轉軚，有冇搞錯呀！佢地買錯色喎！要佢地換番罐淺色Ｄ既油好喎！但阿媽話佢尋日都同個師父講左，佢話搞左出黎個色改唔到喎！唔係嘛！果隻5 in 1 既油搞左無得換？又未用過，我叫阿媽今日再力爭。點知比老豆子一句：人地都買左了，總之光鮮Ｄ咪得囉！乜野你都唔啱既！我即時無引！無聲出！好無奈！今次整間屋都成日同佢地嘈！都唔知為乜？煩死人喇！