東涌至大澳 - 第二回大澳

完成左東涌至大澳行山既旅程後, 本來天氣好的話就等影日落,
但天氣唔係太好, 只見雲霞, 太陽伯伯蛇王呢埋左.
我地只好在村內一路影一路食啦!  哈哈!
呢度係落左山, 行入村既途中,
前幾年一場大火, 有特色既棚屋越來越少了.

有個阿婆在炒乜呢? 佢講左我又唔記得了, 但出到村內既店就賣得幾貴.
我地經新基大橋入村.

大家在橋上影餐飽.

入到村梗係要食豆腐花同芝麻糊啦! 平時會去車站老店, 但今次呢間未試過就試下先.

芝麻糊賣哂! 只好叫左碗豆腐花同姜撞奶, 點知.....
姜撞奶好好味, 佢地仲係即係整架! (在門口見到佢整)
仲可以坐露台有風味d.

食完一出門口, 小吉又開始搵獵物, 首選黑貓.

食完豆花, 梗要食魷魚啦! 一樣好味, 加左辣味仲野味.
一路行一路食, 但周圍好多人, 破壞哂我地既休閒氣氛.
無辦法啦! 假日嘛! 入左黎咁多次, 都係第一次見.

雖然食住魷魚, 但經過阿婆茶果梗係要停下買番d野食下啦!
唔該一甜一咸, 要襯熱食先.  阿婆已經收山了, 只得兩個孫女.
但今次無咁好食, 個皮太軟好易爛! 但我地都覺得甜你好味d!

出到碼頭都知影唔到日落了, 最後只好搭車回東涌食飯.
搭車仲要排長龍, 真係未試過, 可能假日d人都想去郊外逛逛啦!
好彩車都幾密, 六點左右上到車.

東涌個商場既food court開番了, 多左好多野食.
我地就食左碗海鮮喇唦同牛肉粉絲石頭鍋, 喇唦就好好味!
但個牛肉粉絲石頭鍋就差左d, 不夠熱和少汁.
總之呢日好滿足!! 有少許缺憾係影唔到咸蛋黃! 下次繼續!