無理頭！珀麗灣半天遊！

星期天無乜野做，諗下有邊度好去？

結果今次就去珀麗灣，小吉十分之開心啦！
因為佢好想去睇樓嘛！平日我睬佢都傻架！
今次拉埋會長一齊去！哈哈！影相之餘，睇下示範單位先！

天氣好鬼熱呀！
先同會長在海運拎贈品後，去海運個Food Court食越南野。
相？無呀！大家只顧有講有笑，唔記得左影了。
之後我地就輕輕鬆鬆，連腳步都放慢了，
搭船過中環再𨍭船直接入珀麗灣。

一入都去真係開心呀！
唔係因為地方好靚，而係因為今日有藍天白雲呀！
於是我地開始周圍影下相了！

我好鐘意頭呢張相呀！好自然唔做作！

影左一輪，我地入左佳記買左包生果，
再去七仔買左會長推介既飲品，佢話清熱氣架喎！
我地就向海灘出發，實行一邊食一邊飲，吹下海風吹下水，好爽呀！

六條腿無時停，敢都玩得一餐！跳！跳！跳！

我地好似癲左敢不停跳！跳！跳！
呢個運動都好辛苦吓喎！之不過又好開心吓喎！
預備.....跳！

之後諗住去睇下樓參觀下周圍啦！
因為小吉個同事帶過佢入黎，周圍參觀會所呀！佢話好正喎！
點知！今日無乜經紀周圍行，我地睇唔到了，結束我地既一天遊喇！

晚餐我地在荃灣食過期米線，小吉又好開心喇！
因為平日佢無機會同我一齊都食到炸魚皮，今次佢仲唔開心Ｃ！

佢倆隻野就鬼咁開心仲不停敢叫我食，
我只好初試呢一樣唔鐘意食既炸魚皮，
好彩無乜魚味，好彩有個胡椒湯底浸過！今次算好喇！
下次你倆隻野唔好叫我食榴槤呀！一定反面架！