瘋狂沙灘對對碰 - 嘩嘩嘩！打到黎！

繼上次六一開blog一周年聚會後，
我地呢班爛玩精已經諗定七一搞番個瘋狂沙灘對對碰。
今次一行十五人，真係陣容頂盛呀！除外各位主管外，加左好多新會員。

之前我地已經分配好各人負責既工作，買野，清洗同醃野。
大家出來著既衫，

紅男白女。一切都準備好哂！
加埋太陽伯伯出黎坐陣，我地實行玩個之痛快！

日期：7月1日
人數：15人
膳食：BBQ
時間：11am
地點：舊咖啡灣

人物：爛玩精，小雲 ，小吉，dada，悶蛋，babyfai，Jason仔，超人，型姐，糖張，嚴ka，白兔，Tony，享利大帝，毒氣男

由於各人在交通上既方便，今次我地分開左三組人入舊咖啡灣等，唔可以一齊嘈嘈閉有Ｄ失望！好彩我果邊有九人一同出發，大家又坐哂車尾，有講有笑都幾嘈架！不過當然無左會長係度就嘈少好多！哈哈！我地十點半左右已經到達，比預期快左，佢地就剛剛開車，所以我地就有得揀下要邊個風水爐喇！最後就揀左個上風位坐仲有水喉添！真係好方便！點解方便？後話！

十一點左右第二組人都黎到了，差不多人齊，只欠型姐。因為佢由銅鑼灣入黎，所以梗要遲少少啦！男既就開始準備去起爐，初時都好似無似樣，點知又好似唔係咁得，最後有個坐後少少果邊既男人走黎幫手。點解？因為佢話我地Ｄ煙吹住佢地喎！哈哈！笑死！呢招都幾好喎！好快就有人幫手！男既搞笑，女既都唔例外。女既就分頭整理蔬菜類，因為會長話怕Ｄ野清完，放唔番入個雪櫃內，黎到先整喎！我地班女仔們就分頭開始洗野，切野，包野，所以好彩我地有呢個水喉位乍！唔係就真係兩頭走了。搞左一輪後，大家都開始燒野食了。

先黎個大合照先！

毒氣男，Tony，享利大帝  ／ 白兔，babyfai，嚴ka，糖張

型姐，小吉，悶蛋，超人  ／ 小雲 ，爛玩精，dada

一開始個個都會食d丸類同腸仔，我此終都你鍾意食包心芝士丸，d芝士流哂出黎。正呀！肥死呀！之後開始燒雞全翼，有香茅同沙爹。個沙爹唔咪好似沙爹，但少少spice好味！香茅都好好味， 但唔知點解我想加d青檸味落去。食完兩隻雞全翼同丸丸都好似飽飽地，之後就燒下羊扒仔， 完全唔'穌'，但無左薄荷醬就好似欠左一些。

呢個姿勢最舒服，因為個爐比較遠！
你睇會長幾鬼型！連亨利大帝都眼望望添！

大蝦梗係正啦！估唔到個芝士釀墨魚仔都幾好味！

後來小吉比左隻中雞翼我，嘩! 黑椒，正呀! 不過好似好飽了，所以無食到，Sorry！糖張。之後就燒左隻大蝦，食左d菜，鮮粟米，青椒同豆卜。心血來潮，我要食香草蜜糖長法飽，但找左好耐都見唔到盒香草，好彩最後都搵到，有得食!

大眼雞就乾左Ｄ，仲有dada既薏米水！

遊雲左一輪後，dada燒左d芝士釀墨魚仔比我食，

胃口又番黎了。 因為我知道開始要燒帶子同貴妃蚌了。

好鮮甜既貴妃蚌呀！仲有好大隻既帶子呀! 食埋呢兩樣後我就放棄了！

幾肥美既帶子呀！

呢個燒帶子陣好勁呀！

對唔住呀! 牛扒，金沙骨，紫心蕃薯，我食唔落你地了!
對唔住呀! 咖喱魷魚我唔記得左食你！  
對唔住呀! 新鮮菠籮你主人唔記得左我地同你既約會呀!
今次餘下左好多肉，下次可以再少d！
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

食到八八九九, 大家都忍唔住紛紛去換衫, 準備一陣既下水禮! 其實在燒野食既中途已經有人出左去游水了。 出去前先黎個大合照啦! 各人仲好精神呀! 會長同我都急不及待跑出沙灘, 小吉都追埋出黎. 點知跑到沙灘淺水位時, 會長居然話凍。
下! 唔係化! 我同小吉唔理喇!

同會長先黎個見面禮, 七一回歸帶你賞浪花！不停向佢潑水, 之後佢咪唔凍囉! 哈哈! 之後我地三個又叫d主管同新會員落黎, 個個都要潑一次, 好爽呀! 超早被潑超好呀! 因為剛被潑完既人會自動加入向下一位攻擊, 敢你話最尾果個有幾多人會潑呢? d人只會越潑越癲架咋! 

開始第二個遊戲, 痴痴呆呆撐你出浮台！
由小吉先黎個示範, 在岸邊上浮床, 然後大家合力撐佢出去. 結果小吉未夠喉自己扒多幾下先番黎添! 然後一個個接住被人撐出去, 有些女會員初時都話唔敢, 後來都出左去, babyfai主管更出左去唔番入黎添! 係度浮下浮下幾enjoy呀! 我地就不停叫佢番黎呀!  而dada主管就要悶蛋全程在側邊睇住, 你地唔駛咁痴情嘛! 會長就更加勁! 我地六個人護駕都唔得到佢信任, 出左少少就話要番轉頭了, 我地直頭撐佢入岸添! 哈哈!

玩到興起, 小吉同場加演水著版, 時運高你地睇我唔到！
由小吉先黎個示範, 訓上浮床。手腳都要扣穩, 然後大家就將佢返轉, 身在水內, 四肢向上, 我地就睇佢唔到了。之後大家又將佢返番上來, 班男士們都好有興趣試下, 有些仲話可以停耐少少添! 哈哈! 不過最搞笑唔記得係咪Tony, 佢話當佢拍兩下時先返佢上黎! 點知佢一下左 一下右敢拍, 唔係連續拍兩下, 大家都以為佢好enjoy敢唔理佢, 最後我地見佢咁耐就返番佢上黎, 真係比佢激死笑死!

多謝dada為我地拍照，如果唔係你地就睇我地唔到了！
小吉先黎個示範

悶蛋表演

超人好努力敢返，毒氣男就係度笑！你地估下隻腳係邊個既？

邊個同超人咁溫馨呀？
悶蛋玩到唔捨得放手！

之後又影下d一條龍既大合照先, 唔該哂影相既靚湯主管dada。
其實佢係咪驚唔落黎玩呀?

排得幾整齊!

勁踢水花好鬼倦呀！

dada終於落黎一齊玩喇!

斷左添！

你睇！勁開心！你睇！大家都笑到傻呀！

玩完水中活動後大家上番沙灘, 點知小吉話佢唔見左張小型浮床, 大家玩完潑水後就無人拿過。在出左浮波外有一件物件飄浮中, 小吉拿拿林拎左張浮床出去睇下。果時個救生員都扒住張浮台出去, 不時都望下小吉。我心都有d擔心架! 好彩佢問個救生員果張係咪浮床, 佢話唔係者! 之後佢就扒番浮床入黎, 但佢又一個戰步掉低浮床, 跑左去左邊灘。 我就跟去睇睇. 原來佢扒番入黎果陣見到呢邊有d野在石邊, 原來真係張浮床仔。 唉! 真係唔知好嬲定好笑!

小吉你就舒服啦！好enjoy啦！

因為有些會員無落到水, 所以我地玩完水後就在沙灘玩下改良版既數字球。 我地叫人名去接波既, 掉既係一個吹氣骰子。 接唔到既就掉骰子睇下係幾多, 六既可以跳六步先去用個波掉人, 掉唔中就輸。今次大輸家係悶蛋, 繼上次我空虛後又一經典。沙灘版既時運高你地睇我唔到！我地扒左一少個穴, 佢就坐係度, 我地就將d沙蓋左佢腰以下既位置。點知佢好enjoy敢選擇訓低, 我地就幫佢做左個好靚既身材比佢添! 哈哈!

呢班男士幾懶！訓係度唔郁，一定變肥豬呀！

悶蛋受罰完，我地仲要在佢既肚上做出勝利手勢添！
不過係dada要求架！唔關我地事架！

最後我地玩到夠鐘閉更衣室，所以大家趕快去換衫走人了。
真係有Ｄ唔夠喉！仲有好多遊戲未玩架嘛！
下次啦！有機會下次再玩過！

最後多謝大家呢次既參與！