星期日我地一班爛玩精既成員又出動了！
上次七一去唔到南瓜島BBQ，會長深深不忿。
於是我地就在呢個星期日去南瓜島踩場，實行玩齊飽！
佢地順便幫小妹子預祝生日！Yeah！多謝哂！
上次七一去唔到南瓜島BBQ，會長深深不忿。
於是我地就在呢個星期日去南瓜島踩場，實行玩齊飽！
佢地順便幫小妹子預祝生日！Yeah！多謝哂！
十點鐘，我地一行六人在中環碼頭搭船入南瓜島，見到面時已經好開心喇！因為我比番會長睇果日在珀麗灣既一些搞笑相片，果然大家都笑哈哈！
笑餐飽！今次就好謝會長整左Ｄ野食去食，仲拎到手軟添！佢話要洗掉佢個佳記燒鵝名稱。究竟得唔得？
稍後再講！我就還番個樽仔比dada，內裡就放左Ｄ酸青瓜添！回禮番比佢嘛！唔知佢鍾唔鍾食呢？
在船度大家影番張合照先！
佢地就嘻嘻哈哈細聲講大聲笑
！無我份呀！因為佢地唔比我睇呀！睇乜野？雖然我夠精靈估到佢地寫生日咭比我，但平日既悶蛋唔係好大隻之嘛
！果日鬼死咁大舊，全方位敢庶住哂！我同會長在後面傾計時，前面就有兩個人肉牆企左係度，真係激死呀！之後我都唔理佢地了就唔睇囉！比驚喜自己都好嘛
！約半個鐘左右，我地就落船了，一落船真係痴線架！除左我地果條船外，仲有兩隻其他船，鬼死咁多人
，大家都係向沙灘出發，我地好似跟左團敢
。沿途我去買左薏米水和雞骨草入去飲
，之後又見到Ｄ蛋撻，但太多人了唔想停下買，真係大殺風景呀！若果停下買的話，我就有機會買到好味既棉花糖了。一路行入沙灘都好多人，小吉就話佢行快Ｄ入去霸番個靚位，我地就繼續行。到了阿婆豆腐花就梗係要食啦
！但由於太多人(有些跟團入黎的)，阿婆都整唔切，我同dada只好拎住個外賣碗不停敢話五碗呀
！唔該！但無人理我地呀！後來好彩有個靚太幫手
，佢幫我裝左五大碗都唔止，仲High到幫其他人裝添！呢個有板有眼既靚太其實就係dada！
哈哈！我地食左呢碗靚太豆腐花真係榮幸喇
！搞完一輪，我地邊行邊食敢入沙灘了，小吉等左好耐喇！哈哈！一落灘就見到小吉了，佢霸左一張桌添！真叻仔喇！獎佢食番碗豆腐花先
！我地就鋪好我地既桌面，準備好我地既防曬先和換衫先。差不多十二點，小吉同會長又神神秘秘敢講野，之後會長又話叫我幫佢去更衣室整泳衣。算啦！你地叫我行開，就比機會你地啦！番黎既時候又真係有驚喜喎
！dada帶左個蛋糕入黎 (呢個都唔算驚喜！) 嘩！係一個芝麻既雪糕蛋糕呀！天氣咁熱，你地都咁勁拎佢入黎，真係好驚喜好好味呀！大家都好快手敢食，因為開始溶喇！好正呀！可惜無得添食
！之後又有會長特登補償比我地既食物，嘩！醉雞翼同雞腎呀！
呢次都係會長第一次整嫁乍
！都好好味呀！每人有三隻添！不過我地都覺得唔夠酒味，原來個個都係酒鬼？同場再加映瑤媽既芒果布丁呀！多謝哂架！仲要多謝你地咁遠水路拎野入黎呀！多謝！多謝！所以我就梗係要回番Ｄ禮比佢地架啦！就係dada灰灰靚爆鏡喇！經過一輪飲飽食醉後，大家都有Ｄ睡意喎
！我地就鋪哂Ｄ沙灘蓆在地上訓哂係度曬太陽
，吹浮床同吹水。悶蛋既勁力仲吹爆左張浮床，超人就順便界成為枕頭訓添！個個訓哂係度，吹下風傾下下次既活動，真係爽呀！
有個大隻女喎
！仲有人咸豬手添！時間差不多了，我地食埋dada個西瓜
和灰灰既龍眼之後就沖落海玩了。
可惜個灘邊好多垃圾
，要游出Ｄ先好Ｄ！唔理喇！我地開始玩下打波先
，可能水深Ｄ難追波，但悶蛋都飛身救波，勁蛋呀！而會長好High敢一接到波，無端端雙手將個波放在頭頂轉一個圈，好似海狗在頂波一樣，之後又同dada在水面打龜波氣功。打左一輪波後，我地就兩組，點知剛剛又分左男子組同女子組
。兩組派人出黎猜，邊個輸左就要游去對方果邊
，到三個人都輸哂後就要罰三個人一齊跟對方做三個動作
。佢地男子組只輸左一次，但我地都好開心喎！我地諗左Ｄ動作比佢地做時，周圍都有人睇到笑，真係好搞笑呀！但就算我地輸左時
，罰我地做動作，但佢地先要示範比我地睇一次，我地睇倒都笑餐飽，之後又話睇唔清楚，要佢地再做，其他人又睇到都笑哂口，真係哈哈哈！但我地最後都有跟佢地做，咪比大家都笑下囉！哈哈哈！之後黎一個小休，就係悶蛋要番上去去廁所先
，之後我地又繼續。今次我地打波要連續打夠三十下先可以上岸，大家都好努力打到三十下了，本來可以上岸的，但蛋蛋好似意由未盡唔想上岸，於是繼續開波喇！哈哈！原來佢都好爛玩呀！最後我地打到四十八下，嘩！勁呀！沖洗完大家都出番去搵食了，先黎杯阿婆豆漿
，再食串燒牛，雞，司華力腸，後來dada同小吉就買左涼果做手信。差不多七點，我地就到左呢間BB Seaview Restaurant
食晚飯。
生日快樂！飲杯！
芝士焗生蠔
，可惜個蠔係放上去焗的，芝士味唔夠濃，liquid左Ｄ加左Ｄ波菜。海鮮炒飯，真係普通過普通
。
海鮮忌廉墨魚麵
，加左Ｄ華沙皮幾得意，但庶左個忌廉味
！燒豬仔骨，都係一般啦
！細骨唔多肉囉！燒羊扒，肉厚身既
，可分兩件，但唔夠味！燒牛柳
，五成熟又真係好軟熟喎！加左英國介末醬
，正呀！每款主菜都有蒜茸飽同湯的。湯係無得揀的，
不過唔緊要，因為唔好飲的。
餐飲一杯，大功告成
！
總括呢間餐廳就唔係咁得喇！唯一最得既係佢播放既歌好正！
一入到去就聽到呢首歌，真開心呀！一路食一路聽好正呀！Ｄ歌！
Joanna Wang - Lets start from here
多謝各位既禮物呀
！最後佢地就送番張生日咭我添
！
最後搭8:30船回家了！
在搭地鐵時小吉撞見佢老死唐生，之後就一齊走了！
真係多謝哂各位呀！多謝哂！
沒有留言:
張貼留言