導演: 吳宇森
主演: 梁朝偉,金城武,張豐毅,尤勇,張震,胡軍,趙薇,林志玲
片種: 劇情
周瑜（梁朝偉）
諸葛亮（金城武）
曹操（張豐毅）
劉備（尤勇）
孫權（張震）
趙子龍（胡軍）
一開始已經好明顯交代左曹操既狂妄自大，掌握軍力和權力，挾持天子來命令各諸侯，藉意帶領八十萬大軍征伐有反之心既劉備，實則自己野心勃勃，想統一中國天下。另一方面，劉備雖然屢戰屢敗，但亦有不少有才之人幫他一把，如趙子龍同諸葛亮就係一個好例子。趙子龍拼死都要救主公既仔，諸葛亮就為劉備獻計，與東吳孫權結盟對抗曹操，他更親自到東吳一趟。孫權係一位年青既主公，雖然身邊有後多怕事既官員，幸好有個周瑜既幫助。經過諸葛亮既遊説，周瑜帶同三萬大軍與劉結盟，向曹操宣戰！
結果曹操會否被打敗？有冇火燒連環船？
我全部都未睇到，因為呢套只係赤壁之戰的序幕，戲肉就要等下集才知道了。
仲要大大字寫住，赤壁之戰，下集分曉！真係抵死！
之不過呢兩個幾鐘又真係交代唔哂整個歷史既？有好多大開殺戒既場面，亦有個人既武術表演，我個人比較喜歡胡軍既打鬥場面，因為其他那些比較老架嘛！哈哈！另外，我鐘意睇諸葛亮去找周瑜幫手果段，佢地互相試探，惺惺相惜，好鬼抵死！彈琴果幕，睇得佢地兩個都好努力敢學過。整套戲都以男性為主，女性就只係趙薇同林志玲。趙薇既角色係孫權個妹(趙薇)無乜特別，只係一場引兵入局可觀。而周瑜同老婆(林志玲)果段情慾戲就真係可有可無，浪費時間。有時Ｄ野唔駛敢明顯嘛！我係指林志玲既角色同戲份，推一位一上位原來係咁容易的。
最後果段鴿子從赤壁果邊飛去曹軍既陣地，一鏡過既特技鏡頭，真係睇到兩軍既強大陣容！就用呢個鏡頭引你去睇埋下集囉！
F
回覆刪除