蝙蝠俠 – 黑夜之神 (The Dark Knight)

蝙蝠俠 – 黑夜之神 (The Dark Knight)
導演:    克里斯托弗諾蘭 Christopher Nolan
主演:    克利斯汀貝爾 Christian Bale，米高肯恩 Michael Caine，
             希斯萊傑 Heath Ledger，亞倫艾克哈特 Aaron Eckhart，
             瑪姬賈倫荷 Maggie Gyllenhaal，摩根弗曼 Morgan Freeman
片種:    劇情

今次好期待既蝙蝠俠–黑夜之神終於睇左了，之不過個人覺得有好多地方拉得太長了，有Ｄ悶既感覺！除左有些特技外，沒有什麼刺激！可能呢套戲志不在此，描述人性既醜惡為主！

故事由一班帶上小丑面具既人來銀行打劫帶出，在過程中，大家都別有私心和殘忍，為左唔想咁多人分錢，自己人打自已人，人性既醜惡，最後由真正既小丑人Heath Ledger出現。之後有多個假既蝙蝠俠出現想阻止，烏龍八出，好彩真正既蝙蝠俠出現，這次引發了小丑和蝙蝠俠既對抗！之後蝙蝠俠又聯同檢察長官和警官一齊打擊小丑既罪犯和不法份子，究竟捉唔捉到小丑入獄呢？蝙蝠俠係咪依然咁正義呢？

對於蝙蝠俠來講，他有感疲倦，想選擇放棄自己，放棄當一個英雄，情願自己是個普通人。他多次矛盾自已心中抉擇，想過放棄，想過自首。常常比自己一個好大既壓力，正義行先，甚至放走小丑，比小丑睇死佢唔會殺佢，呢一切一切真係搞到人都癲！最後更選擇左成全別人既正義聲名，甘心被警方追捕，做一個黑夜騎士！點解每次都在需要人幫既時候，先覺得你既重要呢？你需要佢時就覺得佢係超人，萬人敬仰。遇到困難時就推佢出黎自首？呢Ｄ就係人類既世界？同街頭超人一樣！

小丑一角真係表現得好出色，佢既瘋狂，殘忍，犯罪心理都演得好可怕！佢犯罪既目的唔係為左錢，佢覺得係咪有左蝙蝠俠就無罪惡架呢？正義既人有時都會想歪的，為左自己既私心都會出賣別人。

檢察長官Harvey一向都比人一個正面既角色，後半部被小丑推到反常，失去左愛人，炸毀了半邊面，成為左雙面人。後來更不惜報仇雪恨，呢一仗小丑取勝了，一時既想歪就教人可惜了！雙面人個化妝好出色呀！真係好鬼似呀！