上次我爸發燒後退左燒，但過了幾日又再發，結果要插‘豆豆‘。即係幫佢插左支針在手背，用膠紙貼住，方便佢地幫佢打針落血管，Ｄ藥快Ｄ有效，亦因為敢我爸叫痛到死！打左五日一個療程。星期一終於幫佢除左個豆豆了，我爸就可以在下午做番針灸。
星期三佢針完灸後在走廊休息時，佢又鬧情緒了。佢話：點解咁耐都唔得架？我乜野都無事喎！淨係個尿喉者！搞左咁耐乜都唔得，我跳樓死左去算了。我媽同大家姐聽到都好驚好難過，只好安慰下佢，唔可以心急架！之後解釋完一輪，情緒都穩定Ｄ！大家都好擔心，尋晚我地就再問姑娘幾時可以幫佢除左條尿尿喉？姑娘就話之前Ｄ報告都番左，今日就問醫生，可以的話就星期一幫佢試試！
其實發燒都係因為佢插住尿喉，而尿喉容易有細菌，所以真係好想佢可以唔駛再插尿喉。現在聽到佢話發燒都會好驚！希望佢可以叻Ｄ自己可以去到小便啦！
你要支援著呀 因為你仲要照顧他呢
回覆刪除[版主回覆03/09/2009 11:30:00]以為無事，點解又再黎過？點解要敢對我？ 佢好唔開心！我好擔心！ 對唔住，我發左一次脾氣！
小雲 有好多事可能係上天既安排 或且係一個考驗 我都明白家人的事 係會令自己最擔心的 Anyway 你自己都要Take care ar.
回覆刪除[版主回覆03/10/2009 10:08:00]我都知呢Ｄ係上天安排，我只係不滿醫院Ｄ人既做事方法。 我大聲同佢講左句：唔準呀！ 之後自己知道唔啱！又逗番佢！ 我只係怪自己ＥＱ低！
你EQ唔算低喇..... 已經做得好好.....
回覆刪除病人一定點都會有情緒, 邊個想見到自己病, 仲要加重屋企人負擔呢, 你爸爸都可能覺得咁樣先至會發脾氣呢......
放心啦....... 積極面對, 你爸爸好快冇事出院架喇!!
[版主回覆03/10/2009 17:54:00]我已經好積極架喇！ 尿喉既問題實在太麻煩！ 反反覆覆發燒，退燒，有菌，冇菌。 星期一又話唔除得，又要再等，人都癲！
妳都係緊張爸爸啫, 病真係好辛苦, 佢都好想快D好噃, 因為佢都緊張你地走來走去辛苦, 不如妳同爸爸傾多一點計, 試下傾其他野等佢可以分下心, 唔好比太大壓力自己, 老人家要氹下!
回覆刪除小雲爸爸~~你好快好噃!
最近天氣又冷又熱你地都要照顧自己, 今個星期六好似又凍噃, 帶件衫呀!
[版主回覆03/11/2009 12:08:00]我會好好照顧佢之餘，都會小心身體的！ 多謝你呀！
會唔會世伯未適應到尿喉先會咁樣呢? 醫生冇其他辦法解決?
回覆刪除[版主回覆03/12/2009 09:57:00]尿喉只係幫你去小便，一有小便就自動幫你排去的。 所以長期插住尿喉係好易有菌。 現在只可以等佢無菌時去試下除， 若果除左後佢唔識得自己去小便， 敢就要再插番，又要痛多次了！