尋晚驗尿報告番左，又驗到有菌。
我爸聽到之後好唔開心而且激動到哭了，這意味著唔可以除尿喉。
家姐都努力解釋比佢聽，但佢依然覺得搞乜都無用，一次又一次都唔除得。
因為我爸覺得除左條尿喉就乜野都無問題，現在又要食五日藥去殺菌。
我都知道我爸好無奈！好唔開心！又要再等！
之後回家我又要向媽咪解釋，佢又係好激動，十萬個點解？
我只可以講插尿喉係好容易感染到菌的，
現在驗到有菌就要食藥，所以唔可以除喉住。
呢一個解釋我都講左幾百次，只係為左佢地安心！
我自己心裡都好難受，十萬個他媽的！可以點樣呢？
媽咪近日話有些頭脹脹，可能佢係無覺好訓，
又諗呢樣又諗果樣，點樣佢先可以訓得著呢？真係擔心佢既身體呀！
會唔會條尿喉有問題呢? 我見Benny阿公都要插尿喉, 但係整咗一段唔短時間, 都而家都冇問題喎! 都唔聽見佢阿公會有菌令到身體有事......
回覆刪除係咪醫院問題呀?? 冇理由成個幾月都keep住有菌又發炎...... 我諗你最好揾醫生check清楚喇!
因為老人家唔會明白, 所以先會"忟"癐, 就算你講完, 因為你唔係醫生,佢0地都未必聽得入耳, 唔緊要啦....... 唯有靠你努力安撫佢0地喇.... 加油呀!!!
其實你0地放鬆少少呢.... 愈係緊張, 對病情冇幫助嘛, 放鬆啲!!!
[版主回覆03/18/2009 15:58:00]其實佢中風後就插尿喉架喇！頭果一個星期在廣華就除過一次，之後佢就驗到有菌，之後食藥後無事，其後又發燒，退燒。之後又話有菌，又再打針。兩次既重覆，所以會令人忟憎！ 但佢地既解釋種菌係要四五日的。 今次又再等......！放鬆？放左好多了！
其實都可能因為身體低抗力差, 你地要比多些信心佢...等佢打低D細菌
回覆刪除係呢, 佢而家係咪有人陪, 可以行下架 ? 如果可以, 就陪佢行多些, 又或者出去晒下太陽都幾好架...
[版主回覆03/21/2009 10:16:00]係呀！呢Ｄ每日都行必做既事黎架喇！ 佢自己一間房都減少左感染架喇！ 現在希望快Ｄ可以除尿喉就好好多了！
記得要佢飲多d水, 沖晒d細菌出尼......
回覆刪除加油呀! 祝你爸爸早日康服...
[版主回覆03/23/2009 10:29:00]知道！今個星期睇佢情況而定（可唔可以除喉） 大家都好擔心！希望快Ｄ搞掂呢樣就好了！