上星期五開始，我爸既小便又唔得清了，我地又擔心佢既尿道有細菌？於是姑娘又拎左Ｄ去驗。
到星期日佢更有赤赤痛添！成日都以為要去大便，幫佢坐左係度又話無。又除又著，搞到我向佢發左一次脾氣。我大聲地叫佢：唔准呀！講完之後，我又死死氣比佢再坐多次。我已解釋過係小便時先令佢赤赤痛，幾個字又痛一次。我都知佢好辛苦，但又幫唔到佢，只可以叫姑娘留意下。佢地話要醫生先可以比藥佢食，我只好叫佢留說話比醫生知。
後來我爸就話倦叫我回家先，佢話自己試下抖下。我就走左了。我都估佢會靜雞雞落地坐廁所，點知果晚佢真係偷偷落地，幸好無跌到。第二日仲話比我媽聽，呃我話要訓覺，唔想我在等佢去廁所而遲走。呢一番話真係估佢唔到，唔知好嬲定好笑！
星期一開始佢既小便又無端端清左，尋日又拎左Ｄ去驗，睇下有冇菌。
我都唔明尋日知道星期五既小便結果有菌，點解又唔比藥？（雖然依家既尿係清）點解佢地做野要咁慢？等得黎又過幾日！我都唔知個醫生和姑娘想拖到幾時？
其實會唔會因為食藥過多,所以尿道炎,因為抵抗力弱都會有喎! 您唔好咁炆喇! 依家真係要俾耐性等爸爸好番
回覆刪除[版主回覆03/12/2009 14:35:00]我家姐都擔心會唔會係Ｄ阿士匹靈，但真係唔知！ 期望佢快Ｄ唔駛用尿喉者！
公立醫院係甘架啦! 所以甘多人去私家囉....
回覆刪除冇辦法啦! 不過真係要留意住佢個情況囉! 和追住d報告, 和醫生點樣跟進...
[版主回覆03/12/2009 14:38:00]每樣野都只得一個字黎形容，慢！ 每樣野都係你急佢唔急，做就36唔做又36！
辛苦左一輪，睇下會唔會買樣野氹下自己，小雲小吉的車票...繼續努力加油呀!!!
回覆刪除[版主回覆03/13/2009 14:54:00]真係好靚喎！係咪真係有得買架？
係真架，你可以去MTR網頁睇下．．．
回覆刪除http://www.mtr.com.hk/chi/whatsnew/dragonball09.html
1) 會員可於2009年3月12日至3月25日登入「港鐵友禮會」作網上訂購
2) 29/3 開始公開發售（售完即止）
[版主回覆03/13/2009 17:09:00]真係喎！但果Ｄ電話繩我都有了！ 但買一張地鐵票要＄８８好似貴左Ｄ！
一套三張,$88
回覆刪除就算過海都係十幾蚊,票面計埋都係最多值三十幾蚊...
[版主回覆03/16/2009 09:39:00]若果八達通就好d! 車票好似唔係好抵!
有結果未呀?? 我諗你爸爸應該冇咩事嘅, 唔好咁擔心, 最緊要你爸爸夠精神, 繼續努力, 加油呀!!
回覆刪除[版主回覆03/16/2009 09:45:00]仲未除呀! 依家無比藥佢食, d尿都清番, 我希望呢幾日有報告就除得啦!
政府醫院係咁慢, 我睇鼻竇炎, 照掃描要排9個月照完先決定點做,
回覆刪除跟住我話唔洗照醫生唔該晒, 醫生問我點解, 我就話9個月我可能
鼻咽癌洗鬼照咩, 我無買醫療保, 局住私家醫生個半月攪掂唔洗煩
不過前後洗咗5皮嘢!!!!
[版主回覆03/16/2009 09:51:00]所以分分鐘等得黎就驚惡化! 你既決擇都正確的!
umm ~ 或者咁講, 醫生、護士o既人手基本上係唔多足夠, 而醫管局係冇乜錢o既, 所以你會見到點解有同一種葯但有唔同價錢 (新聞都有出, 醫管局入貨時), 資深護士朋友話, 有時批葯落黎比病人都要由高級醫生先可以用貴d 好 d o既葯或根本未必有咁快批葯落黎, 我上次幾乎係兜口兜面鬧個冇禮貌又唔聽意見o既醫生, 跟住再轉睇一次急症撞番個好醫生先可以開番隻用開效果好o既葯比我啊媽, 當然唔係叫妳去鬧啊醫生、護士啦.
回覆刪除出番院有好轉, 年紀大或病都要人照顧架啦, 比 d 耐性, take care.
[版主回覆05/04/2009 14:13:00]其實出左院都無乜藥比佢食，只係阿士匹靈，同未發生事前一樣。等佢Ｄ血自己通番喎！我諗都係中醫好Ｄ！ 我既ＥＱ已經提高左好多架喇！佢唔去做物理治療和針灸，我都算了。順其自然囉！迫唔到既！