我爸成功地除左條尿喉，自己去到小便喇！真係鬆一口氣呀！
我同家姐都商量過可以接佢出院，點知個姑娘話醫生放左假，下星期先番！
我家姐就留口信問個暫代醫生我爸可唔可以出院？
點知呢個暫代醫生居然話：我暫代架咋！做唔到主意架喎！
我又唔知你爸個情況，又唔知佢又有成緊乜藥？
等佢主診醫生番來先。
果個主診醫生放一個月假，敢咪要等一個月先走得？
好彩佢話下星期二先番者！
乜都話唔知，唔知咪去睇下囉！仲話自己好忙架！
咁忙唔好做喇！番屋企訓喇！真係不知所謂！乜都話唔知，唔關佢事。
黃大仙醫院呢度得一個醫生去睇所有中風者！簡直係踢一踢, 郁一郁！
剛中風者就要把握頭六個月既黃金康復期，正所謂你急佢唔急！
大家都係買定保險，有乜事睇私家都唔駛咁嘔心！
我對呢間醫院既做事方法完全失望！
Can you ask if anyone else in the hospital can discharge your dad??? Like Senior consultant?
回覆刪除[版主回覆03/26/2009 12:12:00]因為果個暫代醫生唔想負責任，所以話要等主診醫生番來先。 呢Ｄ真係無理，唔識變通的。姑娘又話要醫生同意先得， 你推我推。家陣又搞到我爸情緒又忟憎，成日都係敢！ 我地星期五晚接佢出黎當放假先，只可以星期六日咋！ 好過佢自己成日諗！等佢出黎鬆一鬆都好！
小雲, 唔使咁慶, 政府醫院係咁喇, 仲要係地區醫院, 佢哋正一少做少錯, 唔做唔錯, 最緊要唔好找麻煩, 佢哋就係驚"咩"鑊, 所以咩都唔關佢哋事!
回覆刪除睇黎世伯情況都樂觀喎, 希望你爸爸快啲出院番屋企喇...... 加油!!!
[版主回覆03/26/2009 17:58:00]"少做少錯, 唔做唔錯" 呢句說話講得好啱！我家姐都係敢講！ 所以同佢地力爭都無用！留番Ｄ口水！ 可能呢間屬於療養院，比中風者係呢度做康復。 所以效率更加差！