經過一位姑娘既幫忙找來另一位醫生幫我爸簽名出院，328我爸終於可以出院了。我同媽咪一早就去醫院接佢，點知佢第一眼居然係一個不滿既表情。佢話點解咁遲先黎？我就解釋姑娘叫我九點半黎架！依家九點三咋喎！佢望一望個鐘，之後先話：係咩！我唔知呀！我以為你地七八點就黎喇！之後就笑嘻嘻敢！真係成個細路一樣。
雖然有Ｄ野佢仲未記得番，好似寫字敢。比佢路住佢就識寫，但憑空叫佢寫佢又唔記得。但我地在回家既途中佢知道好快到，因為見到個商場。我同媽咪聽到都好意外喎！真係要比個叻佢先！
番到屋企第一件都就係沖涼喇！洗哂Ｄ衰氣！之後食左小小野就同媽咪行公園，行完後就食午飯，食飽飽後就來一個小睡。
屋企人放左工後都番哂黎！我爸見到個仔又話要同佢行下，點知行行下我哥見佢頭髮都長了，就帶佢去剪頭髮。但係我爸見到間舖居然話唔去，之後帶左我哥去另一間，佢又真係記得喎！剪髮果個人都話佢咁耐無黎剪喎！比多一個叻佢喇！
回家後我地就叫佢同Ｄ孫打麻雀，因為之前佢係醫院度都唔識得打，又話人土也慢，打一隻牌都要兩個字，所以唔同人地打。今次我地就試下佢，佢又真係識得下，記到下喎！疊牌又得，又知果隻係花，識得上牌，重要數下個孫夠唔夠牌。我諗佢都記得下既！又要比多一個叻佢喇！但打左一舖就唔打了，話想訓一陣。
見佢成個人都好似好清醒！好精神！一日都行左三四次，雖然唔係行好多路，但最緊要係佢自己想行。希望佢回家後可以幫到佢記得番多Ｄ以前既事啦！行得好Ｄ啦！不過佢有時仲係叫錯我做媽咪呀！哈哈哈哈！努力加油呀！
心情大起大落的56天，真的不易過，你都好叻。加油！
回覆刪除[版主回覆04/01/2009 15:15:00]多謝你呀！我都繼續努力！
終於都出院喇﹗多0的做番0的小運動，慢慢會好好多的了﹗希望爸爸一切安好﹗
回覆刪除[版主回覆04/01/2009 15:17:00]係呀！佢日日都會落街行兩次，佢都好開心呀！ 你爸又點呀？你都努力呀！
這是個好的開始 捱過醫院的日子 太好 了
回覆刪除[版主回覆04/01/2009 15:20:00]係呀！依家睇下帶佢去醫院做日間物理治療和針灸。 但佢唔想去做，成日都話無用，都好煩！
Great , so glad uncle is home now! Take care and yes, do bring uncle to walk around and try to recall more...!!!
回覆刪除[版主回覆04/01/2009 15:23:00]Thanks your blessing for my dad! We help him to recover continuity!